’’ اب وزیروں سے فاصلے پر ہی رہتی ہوں‘‘ کشمالہ طارق کا صحافیوں کو جواب
اسلام آباد ..............مسلم لیگ ق کی رہنما اور رکن قومی اسمبلی کشمالہ طارق نے کہا ہے کہ اب وہ وزیروں سے فاصلے پر ہی رہتی ہیں۔ یہ جملے انہوںنے اس وقت ادا کئے جس وہ منگل کے روز ہونے والے اجلاس کے موقع پر پارلیمنٹ کیفے ٹیریا سے گزر رہی تھیں تو اس دوران صحافیوں نے ان کی توجہ میڈیا کے نمائندوں کے درمیان گھرے ہوئے مسلم لیگ ن کے رہنمائوں و وفاقی وزیر ثقافت و امور نوجوانان خواجہ سعد رفیق کی طرف دلائی تو اس دوران وہ یہ کہتے ہوئے خارجی دروازے سے باہر نکل گئیں کہ ’’ وہ اب وزیروں سے فاصلے پر ہی رہتی ہیں‘‘۔
٭٭٭٭٭٭٭٭٭٭٭
کشمالہ طارق اور عشرت اشرف کے درمیان شرط
اسلام آباد ۔۔۔۔مسلم لیگ ق کی رہنما کشمالہ طارق اور مسلم لیگ ن کی رہنما عشرت اشرف کے درمیان ق لیگ کے رہنمائوں میں عامر محمود اور عبدالحلیم خان کو ن لیگ میں شامل کئے جانے کے معاملے پر شرط لگ گئی ۔ تفصیلات کے مطابق گزشتہ روز قومی اسمبلی کے اجلاس کے دوران ایوان میں مسلم لیگ ق کی رہنما و ایم این اے کشمالہ طارق اور مسلم لیگ ن کی بیگم عشرت اشرف کے درمیان اس بات پر ٹھن گئی کہ مسلم لیگ ق سے تعلق رکھنے والے ضلعی ناظم میاں عامر محمود اور سابق صوبائی وزیر مسلم لیگ ق کے رہنما عبدالحلیم خان کو مسلم لیگ ن نے اپنے ساتھ ملا لیا ہے۔ دونوں رہنمائوں نے اس معاملے پر شرط لگالی۔ کشمالہ طارق نے موقف اختیار کیا کہ مسلم لیگ ن نے ق لیگ کے ان دونوں رہنمائوں کو اپنی پارٹی کے ساتھ ملا لیا ہے اور اب وہ اس کا حصہ ہیں جبکہ بیگم عشرت اشرف نے کہاکہ اس کے پارٹی نے ایسا اقدام اٹھایا ہے اور نہ ہی اٹھائیگی۔ جبکہ اس موقع پر وفاقی وزیر برائے دفاعی پیداوار رانا تنویر احمد بھی موجود تھے۔
٭٭٭٭٭٭٭٭٭٭٭