”آئیفا ایوارڈزکاؤنٹ ڈاؤن“ اور ”آئیفا ایوارڈزویک اینڈ ود اسٹارز“آج جیو سے پیش کیے جائینگے
کراچی (جنگ نیوز)آئیفا ایوارڈ کی رنگینیوں کے منتظر جیو ٹی وی کے ناظرین کا انتظار اب آخری مراحل میں داخل ہوگیا ہے۔ 2002سے جاری بالی ووڈ فلم انڈسٹری کے یہ رنگا رنگ ایوارڈز ناظرین میں بے حد مقبول ہیں۔اس برس ایوارڈ کی اس تقریب کا انعقاد بنکاک میں کیا گیا۔ ہفتہ 21جوان کی شب جیو ٹی وی سے ” آئیفا ایوارڈفلیش بیک 2008“ کے نام سے پروگرام پیش کیا گیا۔ اس پروگرام سے ناظرین کی آئیفا ایوارڈ ز کے حوالے سے بہت سی یادیں تازہ ہو گئیں اور ناظرین بالی ووڈ ستاروں کی پرفارمنس سے بھی بے حد محظوظ ہوئے۔ اب ناظرین کی پوری توجہ آئیفا ایوارڈ 2008کی جانب مبذول ہو چکی ہے، ہر کوئی منتظر ہے کہ کب وہ اپنے پسندیدہ ستاروں کو ٹرافی تھامے ہوئے دیکھیں گے۔ فلم بینوں کے درمیان 2007کی ہٹ فلموں اور ان کے اداکاروں سے متعلق گفتگو کی جارہی ہے۔ جیو ٹی وی سے آئیفا ایوارڈز 2008کی خوبصورت تقریب کی جانب ایک قدم اور آگے بڑھاتے ہوئے اتوار کی رات 08بجے IIFA Awards Countdown 2008 اور IIFA Awards Weekend with stars 2008رات 09بجے نشر کیا جائے گا۔ اس پروگرام میں ناظرین فلموں سے متعلق ستاروں کی رائے بھی جان سکیں گے ۔

__________________