1310 لوگ مارے گئے یہ حکومت کی ناکامی نہیں تو کیا ہے؟ چیف جسٹس

**گلاب خان** · 15-09-11, 04:53 AM

ایک آدمی 100 لوگوں کو قتل کرتا ہے لیکن اس کے خلاف گواہ نہیں ملتے، عدالت کو کچھ تو کرنا ہے
لوگ مررہے ہیں، لاشیں مل رہی ہیں، دیکھنا ہے حکومت نے اپنی رٹ قائم کی یا نہیں، سیاسی جماعتیں کمپرومائز کریں گی تو مسائل پیدا ہوں گے، کراچی میں کوئی لسانی جھگڑا نہیں، چیف جسٹس
ایک سیاسی جماعت ایسی بھی ہے جو آرٹیکل 17 کی خلاف ورزی کی مرتکب ہوئی، جسٹس سرمد عثمانی، سندھ حکومت کو ٹارگٹ کلنگ میں جاں بحق افراد کے لواحقین کو معاوضہ ادا کرنے کی ہدایت
کراچی (نمائندہ جنگ، ایجنسیاں) کراچی میں بدامنی کیس کی سماعت کے دوران ریمارکس دیتے ہوئے چیف جسٹس افتخارمحمدچوہدری نے کہاہے کہ کراچی میں گزشتہ سال 1310افرادمارے جاچکے ہیں پھر بھی کہا جاتاہے کہ حکومت ناکام نہیں ہوئی،کامیابی کا دعویٰ کس منہ سے کیاجاتاہے،ایک آدمی 100لوگوں کومارتاہے لیکن اس کے خلاف گواہ نہیں ملتے،لوگ مررہے ہیں ،لاشیں مل رہی ہیں ،اس صورتحال میں عدالت کو کچھ توکرناہے،بھتہ خوری بھی دہشت گردی کے زمرے میں آتی ہے،سیاسی جماعتیں کمپرومائزکریں گی تومسائل پیداہوں گے،سیاسی جماعتوں کو جرائم پیشہ عناصر سے لاتعلقی کا اعلان کرناچاہئے، کراچی میں شیعہ ،سنی یاکوئی لسانی جھگڑانہیں، ہماری سیاسی اخلاقیات معدوم ہوچکی ہیںجبکہ جسٹس سرمد جلال عثمانی نے ریمارکس دیتے ہوئے کہاکہ یہاں ایک ایسی سیاسی جماعت بھی ہے جوآرٹیکل 17کی خلاف ورزی کی مرتکب ہوئی۔عدالت نے سندھ حکومت کو ہدایت کی کہ ٹارگٹ کلنگ میں جاں بحق افرادکے لواحقین کو معاوضہ اداکیاجائے،سپریم کورٹ کراچی رجسٹری میں کیس کی سماعت چیف جسٹس پاکستان جسٹس افتخار محمد چودھری کی سربراہی میں 5 رکنی بینچ نے کی جس میں جسٹس غلام ربانی، جسٹس امیر ہانی مسلم، جسٹس انور ظہرجمالی اور جسٹس سرمد جلال عثمانی شامل ہیں۔بدھ کوسماعت کے دوران ایڈوکیٹ جنرل سندھ فتح ملک نے دلائل دیتے ہوئے کہاکہ جب فوج آتی ہے توکراچی میں امن رہتاہے مگر جمہوری دورمیں شہربدامنی کاشکاررہتاہے ،حکومتی وکیل بابراعوان نے دلائل میں کہاکہ کراچی میں حکومت ناکام نہیں ہوئی ،کراچی پاکستان کاصرف ایک شہر ہے اورایک شہر کے خراب حالات کی بناءپرحکومت کوناکام قراردینا نامناسب ہوگاجس پرچیف جسٹس نے کہاکہ کراچی میں 1310افراد مارے گئے پھربھی کہاجاتاہے کہ حکومت ناکام نہیں ہوئی،کامیابی کادعویٰ کس منہ سے کیاجاتاہے ، ہمیں دیکھناہے کہ حکومت نے اپنی رٹ قائم کی یا نہیں ، انسداد دہشت گردی کے قانون پر عمل نہیں ہورہا ہے۔ بھتہ خوری بھی دہشت گردی کے قانون کے زمرے میں آتی ہے۔ سماعت کے آغاز میں سندھ ہائی کورٹ بار کے صدرانور منصور خان نے دلائل دیتے ہوئے کہا کہ فلسفہ اور زبان کو فسادات کے لیے استعمال کیا جارہا ہے۔جس پر چیف جسٹس پاکستان نے اپنے ریمارکس میں کہا کہ کراچی میں کوئی شیعہ سنی جھگڑا نہیں اس کی ضمانت دیتا ہوں، یہاں لوگ مل جل کر رہنا چاہتے ہیں،سب کی آپس میں رشتہ داریاں ہیں، چیف جسٹس افتخار محمد چودھری نے کہا کہ ایک آدمی سو افراد کو مارتا ہے، جے آئی ٹی اس کے خلاف رپورٹ دیتی ہے لیکن اسکے خلاف گواہ نہیں ملتے۔چیف جسٹس نے کہاکہ اللہ کا شکر ہے تمام سیاسی جماعتیں اور افسران کا کہنا ہے ہے کہ وہ کراچی میں امن چاہتے ہیں۔ ایک موقع پردلائل دیتے ہوئے بابراعوان نے کہاکہ عالمی طاقتیں پاکستان کوکمزورکرناچاہتی ہیں ،ہمارے پاس اس کی رپورٹس بھی موجود ہیں جس پرچیف جسٹس نے ریمارکس دیئے کہ رپورٹس کی موجودگی کے باوجود حکومت کارروائی کیوں نہیں کررہی ،کیااس کے لئے بھی ساڑھے تین سال درکارہیں ؟جسٹس امیرہانی مسلم نے ریمارکس دیتے ہوئے کہاکہ رواں سال جولائی تااگست 306افراد کوبہیمانہ طریقے سے قتل کیا گیا لیکن ایک بھی ملزم گرفتار ہوا نہ چالان پیش کیاگیا۔عدالت نے ایڈوکیٹ جنرل سندھ کو حکم دیاکہ ٹارگٹ کلنگ میں جاں بحق ہونے والے وکلاءکے لواحقین کودودن میں معاوضہ اداکیاجائے۔

روزنامہ جنگ راولپنڈی

**نیلم خان** · 15-09-11, 06:54 AM

اللہ پاک ھم پر اپنا رحم فرمائے‌آمین ۔

15-09-11, 06:54 AM	#2
نیلم خان ذیلی ناظم تاریخ شمولیت: Aug 2009 مقام: Rawalpindi مراسلات: 11,907 کمائي: 561,163 شکریہ: 25,577 10,452 مراسلہ میں 38,594 بارشکریہ ادا کیا گیا	اللہ پاک ھم پر اپنا رحم فرمائے‌آمین ۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
فیصلوں کا احترام نہیں کیا جار ہا،حکومت چاہتی ہے تو عدالتیں بند کر دیتے ہیں،چیف جسٹس	جاویداسد	خبریں	0	18-09-10 03:15 PM
جسٹس افتخار کی مدت3سال کردی گئی تو اس سال دسمبر میں جسٹس جاوید اقبال چیف ج	عبدالقدوس	خبریں	1	25-04-08 02:49 AM
وکلاء نے بلایا تو عدلیہ بحالی تحریک میں ضرور شامل ہونگا، جسٹس بھگوان داس	عبدالقدوس	خبریں	0	17-12-07 02:54 PM
وکلاء نے بلایا تو عدلیہ بحالی تحریک میں ضرور شامل ہونگا، جسٹس بھگوان داس	خرم شہزاد خرم	خبریں	0	17-12-07 08:37 AM

Currently Active Users Viewing This Thread: 1 (0 members and 1 guests)