وفاقی وزیر محنت و افرادی قوت سید خورشید شاہ نے کہا ھے کہ صدر نے پارلیمانی کمیٹی کو سختی سے ہدایت کی ھے کہ 17 ترمیم کے خاتمے کا کام 31 دستمبر سے پہلے مکمل کر لیا جائے اور آئینی پیکج اسی ڈیڈ لائن تک مکمل ہو جائے گا، حیدرآباد پریس کلب میں میٹ دی پریس میں گفتگو کرتے ہوئے اُنہوں نے کہا ھے کہ صدر زرداری چاہتے ہیں کہ اختیارات پارلیمنٹ کو دینے کا کام 31 دستمبر تک مکمل کیا جائے تاکہ پارلیمنٹ سے خطاب کر سکیں، خطاب نہ کرنے سے لوگوں میں شکوک وشبہات پیدا ہو جائے گے کہ شاید صدر اختیارات واپس نہیں کرنا چاہتے، خورشید شاہ نے کہا کہ پیپلز پارٹی کسی سے ڈکٹیشن لینے کے بجائے اپنے فیصلے خود کرتی ھے جس کی وجہ سے اسٹیبلشمنٹ پیپلز پارٹی کو اپنا دشمن سمجھتی ھے ، صدر زرداری کے خلاف لابنگ اسی اسٹیبلشمنٹ کی دھمکی ھے، وہ دکھانا چاہتی ھے کہ، ہم تو صدر کو بھی دھمکا سکتے ہیں، اُنہوں نے کہا ہے کہ 58 ٹوبی کے خاتمے میں کوئی رکاوٹ نہیں ھے، آصف ذرداری نے صدارت سنبھالنے کے بعد 58 ٹوبی کے تحت حاصل اختیارات وزیراعظم کو منتقل کرنے کو کہا تھا، جس پر گیلانی نے انہیں منع کیا اور آئینی اصلاحات لانے کے لیے پیکج لانے کا مشورہ دیا، پیپلز پارٹی اور نوازشریف کی کوشش ھے کہ ہم اے این پی، ایم کیو ایم سمیت دیگر تمام چھوٹی بڑی جماعتوں کو اس پر راضی کریں کیونکہ قومی اسمبلی تو ہمیں دو تہائی اکثریت مل جائے گی لیکن سینیٹ میں صورتحال مختلف ھے۔

"جب متفقہ آئینی اصلاحات پیکن تیار ہوگا تو رتمام جماعتیں ساتھ دیں گیں، اسی معاملے میں ہم سنجیدہ ہیں اور سترھویں ترامیم اور دیگر مسائل ایک ڈیڈہ ماہ میں حل ہو جائے گے"

صدر تو کہتے ہیں کہ وہ اپنے اختیارات سے دستبردار ہوتے ہیں لیکن جب تک اسے آئینی ترامیم کے زریعے پارلیمنٹ سے منظور نہیں کرایا جاتا اختیارات قانونی طور پر منتقل نہیں ہو سکتے، وفاقی وزیر نے کہا ھے کہ ملک میں 40 سال تک اسٹیبلشمنٹ کا راج رہا ھے اور اس کا سایہ پارلیمنٹ پر بھی پڑا جب کبھی سیاسی پارلیمنٹ وجود میں آتی ھے تو اسٹیبلشمنٹ یہ سمجھتی ھے کہ اس کے اختیار کسی اور کو منتقل کیئے جا رھے ہیں، اسٹیبلشمنٹ سے بہت اچھا رویہ رکھنے کے باوجود بھی وہ پیپلز پارٹی کو اپنا دشمن سمجھتی ھے، اس کی وجہ یہ ھے کہ پیپلز پارٹی نچلی سطح تک جڑیں رکھنے والی اور وفاق کی جماعت ھے، اسٹیبلشمنٹ پیپلز پارٹی کو آگے بڑھنے نہیں دے رہی، اس وقت کو آگ جل رہی ھے اور پرانے زمانے کی کرپشن کی سٹوریاں نکال کر چھاپی جا رہی ہیں، لوگ کہتے ہیں کہ صدر زرداری کو باعزت طریقے سے چلے جانا چاہیے ان عناصر کو جواب دیں کہ نالائقو اور جاہلو صدر کیوں جائے ، وہ تو بڑی اکثریت سے منتخب ہو کر آئے ہیں، ریفرنڈم سے نہیں آئے ہیں، آپ کون ہوتے ہیں صدر سے یہ مطالبہ کرنے والے؟ یہ مطالبہ کرنے کا حق پارلیمنٹ کو حاصل ھے یا پھر ملک کی عوام اُٹھ کھڈے ہوں، اُنہوں نے کہا صدر کے خلاف مہم چلانا بھی اسٹیبلشمنٹ کی کارستانی ھے، وفاقی وزیر نے کہا کہ ابھی ہم حالت جنگ میں ہیں اور پرویز مشرف کے خلاف آئین کی آرٹیکل 6 کے تحت کارروائی کے لیے یہ موقع مناسب نہیں، آئین سے غداری کا معاملہ ان ارکان اسمبلی، ججوں جنرلوں بھی عائد ہوتا ھے جنہوں نے غیر آئینی اقدامات کی حمایت کی،مشرف تو باہر بیٹھے ہیں اور ان سے پہلے لوگوں کو پھانسی پر لٹکانا پڑے گا جنہوں نے غیر آئینی اقدامات کی حمایت کی، اگر ہم آئین سے غداری کے جرم میں کسی سابق جنرل کو پکڑیں تو یہ ممکن نہیں کہ فوج خاموش ہو کر بیٹھ جائے، اُنہوں نے بتایا کہ صدر زرداری نے بلوچستان پیکیج عنقریب منظوری کے لیے پارلیمنٹ میں پیش کیا جائے گا ، خورشید شاہ نے کہا کہ آج ملک میں جمہوریت این ار او کی وجہ سے ھے، اگر یہ نہ ہوتا تو بے نظیر بھٹو اور نواز شریف پاکستان نہیں آتے، ایک چینل جان بوجھ کر آصف زرداری اور نواز شریف کی کردار کشی کر رہا ھے ، چارٹر آف ڈیمو کریسی پر بھی کام ہو رہا ھے اور اس کی 8 شقوں پر عمل کیا جا رہا ھے۔