کراچی (اسٹاف رپورٹر) سٹی ڈسٹرکٹ گورنمنٹ کراچی نے ناظم سید مصطفی کمال کے وژن کے مطابق گزشتہ 2سال کے دوران تقریباً 55 ارب روپے سے زائد لاگت کے ترقیاتی منصوبوں پر کام کا آغاز کیا ان میں سے 32 ارب کے ترقیاتی منصوبوں کو مکمل کیا گیایا تکمیل کے آخری مراحل میں ہیں۔ کراچی کی تاریخ میں یہ پہلا موقع ہے کہ اتنی کم مدت میں ترقیاتی منصوبوں پر انتہائی تیز رفتاری سے کام کرکے بڑی تعداد میں منصوبوں کو مکمل کیا گیاجن میں پانی وسیوریج، ورکس اینڈ سروسز، صحت، تعلیم، پارکس، ٹرانسپورٹ اینڈ کمیونیکیشن، سالڈ ویسٹ مینجمنٹ، انفارمیشن ٹیکنالوجی، رہائشی سہولتوں اور دیگر شعبہ جات کے منصوبے شامل ہیں جبکہ 2.1 بلین یو ایس ڈالر کی براہ راست سرمایہ کاری شہر میں آئی ہے۔ 2 سال میں ناظم کراچی سید مصطفی کمال کی قیادت میں سٹی حکومت نے کراچی کا پہلا ماسٹر پلان تیار کرانے کے بعد منظور کرایا ہے جبکہ کراچی کی تاریخ میں پہلی مرتبہ واٹر اینڈ سیوریج کے منصوبوں پر کثیر رقم خرچ کی جارہی ہے جو تقریباً 27 ارب روپے ہے کراچی کے صنعتی علاقوں میں پہلی مرتبہ ساڑھے 4 ارب روپے کی لاگتسے انفراسٹرکچر ڈالنے کا کام شروع ہواناظم کراچی نے بلاتخصیص رنگ و نسل اور سیاست و زبان خدمت کی بہترین مثال پیش کرتے ہوئے پانی و سیوریج کے نظام کو درست کرنے کے لئے 5,5 کروڑ روپے ہر ٹاؤن کو دیئے جبکہ ہر یونین کونسل کو 96 لاکھ روپے دیئے گئے ناظم کراچی سید مصطفی کمال نے کراچی کے شہریوں کو پہلی مرتبہ سٹیزن کمپلین اینڈ انفارمیشن سسٹم 1339 کا نظام دیا جو دنیا بھر میں ایک نیا نظام ہے اور جو ترقی یافتہ ممالک سمیت دنیا کے کسی بھی ملک میں موجود نہیں جہاں عام شہری کو اپنی شکایات براہ راست اعلیٰ حکام تک پہنچانے کی سہولت دی گئی ہو ناظم کراچی نے ان دو سالوں میں نہ صرف کراچی گریٹر واٹر سپلائی K-iii پروجیکٹ کو وقت سے 6 ماہ پہلے مکمل کیا بلکہ آئندہ 50 سالوں کی ضروریات کو پورا کرنے کے لئے K-iv منصوبے کی بھی اسٹیڈی مکمل کرلی گئی جبکہ کراچی کی تاریخ میں پہلی مرتبہ کراچی گریٹر سیوریج S-3 کا پی سی ون تیار کرکے وفاقی حکومت سے منظور کرایا گیا جس کی مالیت 8 ارب روپے ہے۔