پاکستان کے قبائلی علاقے شمالی وزیرستان میں جمعہ کی صبح امریکی ڈرون طیارے نے ایک مکان پر چھ میزائل داغے جس کے نتیجے میں پچیس افراد جاں بحق اور دس زخمی ہوئے ہیں۔جاں بحق ہونے والوں میں پانچ بچے اور چار خواتین شامل ہیں۔

جمعہ کی صُبح چار بجکر تیس منٹ پر میرعلی سے کوئی چالیس کلومیٹر دور شمال کی جانب تحصیل سپین وام کے علاقے یژ خُلہ میں امریکی جاسوس طیاروں نے ایک مکان کو نشانہ بنایا۔ حملے میں پچیس افراد جاں بحق جبکہ دس زخمی ہوئے ہیں۔

جس مکان پر میزائل گرا ہے وہ گل شریف نامی شخص کی ملکیت ہے جن کا طالبان سے کوئی تعلق نہیں ہے

یاد رہے کہ یہ حملہ اس وقت ہوا ہے جب مائیک مولن ایک روز قبل ہی پاکستان کے دورے پر تھے۔ انہوں نے پاکستانی انٹیلیجنس ایجنسی آئی ایس آئی پر الزام عائد کیا کہ اس کے روابط شمالی وزیرستان میں موجود حقانی نیٹ ورک سے ہیں۔

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں