ٹائمز سکوائر سازش کیس، نیویارک اور میساچیوسٹس میں چھاپے، 6پاکستانی گرفتار
نیویارک راولپنڈی(آن لائن جنگ نیوز) امریکی ایف بی آئی کے اہلکاروں نے ٹائمز سکوائر سازش کیس کے سلسلے میں نیویارک کے پشتون اکثریتی شمال مشرقی علاقوں اور میسچیوسٹس میں چھاپے مارے ہیں اور تفتیش کے لئے چھ افراد کو اٹھا کر لے گئے جو کہ پاکستانی بتائے جاتے ہیں۔ امریکی خبر رساں ادارے کے مطابق نیویارک میں پراسیکیوٹرز اور ایف بی آئی نے اپنے جاری بیانات میں کہا کہ یہ چھاپے یکم مئی کے واقعہ میں مالیاتی رابطوں کوتلاش کرنے کی غرض سے ہمارے لگائے گئے۔ ان چھاپوں کے نتیجے میں چار افراد کو حراست میں لے لیا گیا ہے اور ان افراد کو امیگریشن قوانین کی خلاف ورزیوں کے باعث حراست میں لیا گیا ہے۔دریں اثناء ٹائمز سکوائر ناکام سازش کے سلسلے میں تفتیش کرنے والے امریکی سیکیورٹی اداروں نے میساچیوسٹس میں ایک گھرسے دو پاکستانی باشندوں کو گرفتار کرنے کا دعویٰ کیا ہے۔ امریکی حکام کے مطابق گرفتار کئے جانے والے دونوں افراد میں سے ایک کو ویزاکی میعاد ختم ہونے پر حراست میں لیا گیا جبکہ دوسرا گرفتار کئے جانے والا شخص امیگریشن عدالت کے فیصلے کا منتظر ہے۔
روزنامہ جنگ کی خبر
14-05-10, 03:39 AM
14-05-10, 03:39 AM
Linear Mode
Similar Threads
