السلامُ علیکم

جاپان میں شدید زلزلے کے بعد سونامی بھی ٹکرا گیا ۔ زلزلہ کے بعد عمارتوں میں آگ لگ گئی۔ متعدد افراد کے ہلاک اور زخمی ہونے کی اطلاعات ملی ہیں۔
جاپان میں آٹھ اعشاریہ نو شدت کا زلزلہ آیا جس کے بعد سونامی کی وارننگ جاری کر دی گئی اور تھوڑی ہی دیر بعد 1 میٹرکی اونچی لہریں جاپان کے ساحل سے ٹکرا گئیں حکام کی طرف سے ساحل کو خالی کرانے کا حکم جاری کر دیا گیا ۔ زلزلہ سے عمارتیں لرز گئیں۔ عمارتوں میں لوگ ڈیسکوں کے نیچے گھس گئے ۔ کئی عمارتوں میں آگ بھڑک اٹھی، کئی گاڑیاں سمندر میں جا گریں اور کشتیاں ڈوب گئیں۔ کئی لوگوں کے ہلاک اور زخمی ہونے کی اطلاع بھی ہے ۔ زلزلہ کے بعد جاپانی کرنسی ، ڈالر کے مقابلے میں گر گئی ۔ سونامی کی لہریں 6 میٹر تک ہو سکتی ہیں ۔ روس، مارکس، گوام، تائیوان، فلپائن، انڈونیشیا سمیت امریکی ریاست ہوائی میں بھی سونامی وارننگ جاری کر دی گئی ۔