81 فیصد رائے دہندگان کی معزول چیف جسٹس کو بحال کرنیکی حمایت
اسلام آباد (جنگ نیوز)ملک میں قومی سطح کے سروے کے مطابق نئے وزیراعظم سید یوسف رضا گیلانی کو 66 فیصد عوام کی حمایت حاصل ہے 81 فیصد چیف جسٹس افتخار محمد چوہدری کی بحالی کے حامی ہیں جبکہ 52 فیصد عوام نے رائے دی ہے کہ صدر پرویزمشرف کو استعفیٰ دینا چاہئے۔ گیلپ پاکستان کے تازہ قومی سروے کے مطابق 66 فیصد عوام نئے وزیراعظم سید یوسف رضا گیلانی کے حق میں ہیں اور ان کی حمایت میں رائے دی ہے 29 فیصد نے درمیانی جبکہ 7 فیصد نے منفی رائے کا اظہار کیا ہے ۔ سروے کے مطابق 40 فیصد عوام نے رائے دی ہے کہ بہت زیادہ امید ہے کہ نئی پارلیمنٹ مدت پوری کرلے گی چالیس فیصد نے درمیانی رائے کا اظہار کیا ہے جبکہ 18 فیصد عوام نے کہا ہے کہ پارلیمنٹ بغیر کسی رکاوٹ کے اپنی مدت پوری کرلے گی۔نئے حکمران اتحاد کے حوالے سے گیلپ سروے کے مطابق 45 فیصد عوام کی رائے ہے کہ پاکستان پیپلزپارٹی اور پاکستان مسلم لیگ (ن) کا اتحاد خوش اسلوبی سے چلے گا 31 فیصد نے کہا کہ دونوں جماعتیں الگ ہو جائیں گی جبکہ 36 فیصد نے اپنی رائے کا اظہار نہیں کیا۔ سندھ میں پی پی پی اور ایم کیو ایم کے اتحاد کے حوالے سے 37 فیصد نے آصف علی زرداری اور ایم کیو ایم کے درمیان قومی مفاہمت کی حمایت کی ہے 35 فیصد اس کے حق میں نہیں ہیں 28 فیصد نے رائے دینے سے معذوری ظاہر کی ہے۔

__________________