انسداددہشت گردی فیصل آباد کی خصوصی عدالت نے تھانہ غلام محمد آباد کےعلاقہ میں ساس۔سسراوربیوی سمیت 9افرادکے قتل مین ملوث پولیس کانسٹیبل کو 18مرتبہ سزائے موت کا حکم سنایا ہے۔ استغاثہ کے مطابق چک نمبر 26ج ب کے پولیس کانسٹیبل ناصر عباس نے معروف سٹیج اداکارہ ریحانہ چوہدری کی بیٹی مہرین سے شادی کرلی تھی اور وعدے کے مطابق بیوی کو مکان اور خرچہ نہ دینے پر ان کی آپس میں چپقلش رہتی تھی جس سے تنگ آکر ناصر عباس 20اگست 2009 کو تھانہ غلام محمد آباد ۔فیصل آباد کے علاقہ میں واقع اپنی بیوی مہرین۔ساس ریحانہ چوہدری۔سسر محمدیوسف۔14سالہ تجمل علی۔10سالہ مزمل علی۔ 10سالہ وجیہہ علی ۔8سالہ کنزہ بی بی۔اور دوملازموں شہزاد اور نوید کو فائرنگ کرکے قتل کردیا تھا ملزم نے قتل کی واردات میں فائرنگ کےلئے دوپستول استعمال کئے تھے۔ انسداد دہشت گردی کی عدالت کے جج راجہ محمد ارشد نے ملزم کو جرم ثابت ہونے پرتعزیرات پاکستان کی دفعہ 302 بی اور ٹی اے 7اے کے تحت 18مرتبہ سزائے موت ۔45لاکھ روپے جرمانہ اور 45لاکھ روپے معاوضہ مقتولین کے ورثائ کو اداکرنے کا حکم سنایا

__________________
جاویداسد