WHY PAKISTAN MATTERSامریکی جریدے میں پاکستان کیخلاف رپورٹ
واشنگٹن (جنگ نیوز) امریکی جریدے ٹائم نے پاکستان کی فوج، مذہبی رہنماؤں اور سیاستدانوں کے خلاف اپنے تازہ شمارے میں ایک ٹائٹل رپورٹ شائع کی ہیجس کا عنوان Why Pakistan Matters ہے۔ رپورٹ میں پاک فوج کو شدید تنقید کا نشانہ بنایا گیا ہے اور فوج کی مدد کرنے پر امریکی انتظامیہ پر بھی نکتہ چینی کی گئی ہے۔ سیاستدانوں کے بارے میں جریدے نے اپنی اسٹوری میں کہا ہے کہ ان کا اثر و رسوخ محدود ہے اور وہ اپنے مفاد کے لئے سب کچھ کرتے ہیں۔ ان پر مختلف الزامات بھی لگتے ہیں جبکہ مذہبی رہنماؤں کے حوالے سے رپورٹ میں کہا گیا ہے کہ شدت پسند ملک میں افراتفری کی آگ بھڑکانا چاہتے ہیں۔ پاکستان کے موجودہ حالات کے تناظر میں اس رپورٹ کی اشاعت معنی خیز ہے۔

__________________