خرم شہزاد خرم

کمالِ ضبط کو میں خود بھی تو آزماؤں گی
میں اپنے ہاتھ سےاس کی دلہن سجاؤں گی

سپرد کر کے اسے چاندنی کے ہاتھوں میں
میں اپنے گھر کے اندھیروں کو لوٹ آؤں گی

بدن کے کرب کو وہ بھی سمجھ نہ پائے گا
میں دل میں روؤں گی، آنکھوں میں مسکراؤں گی

وہ کیا گیا رفاقت کے سارے لطف گئے
میں کس سے روٹھ سکوں گی، کسے مناؤں گی

اب اُس کا فن تو کسی اور سے ہوا منسوب
میں کس کی نظم اکیلے میں گُنگناؤں گی

وہ ایک رشتہ بے نام بھی نہیں لیکن
میں اب بھی اس کے اشاروں پہ سر جھکاؤں گی

بچھا دیا تھا گلابوں کے ساتھ اپنا وجود
وہ سو کے اٹھے تو خوابوں کی راکھ اٹھاؤں گی

سماعتوں میں اب جنگلوں کی سانسیں ہیں
میں اب کبھی تری آواز سُن نہ پاؤں گی

جواز ڈھونڈ رہا تھا نئی محّبت کا
وہ کہہ رہا تھا کہ میں اُس کو بھول جاؤں گی

پروین شاکر

سیپ

Assalam-o-Allykom Wrt Wbrkt

خرم شہزاد خرم

پسند کرنے کا بہت شکریہ

ایس اے نقوی

خرم بھائی مجھے پروین شاکر کی یہ غزل بہت ہی پسند ہے اور یہ واحد غزل ہے جو مجھے زبانی یاد ہے اور میں کبھی کسی دور میں اپنی ہر ڈائری پر اسے تحریر کرتا تھا
بہت بہت شکریہ آج پھر وہ وقت یاد آگیا شکریہ
اس غزل نے ایک بار پھر آنکھوں کو نم کر دیا ہے

__________________
دستخط:
کل شب مجھے بے شکل کی آواز نے چونکا دیا
میں نے کہا تو کون ہے اس نے کہا آوارگی.....!