حضرت علی رضی اللہ تعالی نے ان سوالات کے نہایت تفصیل سے جوابات دیئے اور فرمایا جس نر کے بارے میں تم نے سوال کیا ہے کہ جس کے ماں باپ نہیں ہیں وہ حضرت آدم علیہ السلام ہیں اور وہ مادہ جو بغیر ماں باپ کے پیدا ہوئی وہ حضرت حوا رضی اللہ عنہا ہیں اور وہ نر جن کی ولادت بغیر باپ کے ہوئی وہ حضرت عیسیٰ علیہ السلام ہیں اور وہ رسول جو جنات انسان اور فرشتوں میں سے نہیں تھا کوا تھا جسے اللہ تعالی نے قابیل کی تعلیم کے لئے بھیجا تھا اور وہ قبر جس نے صاحب قبر کو اپنے ساتھ سیر کرائی وہ مچھلی تھی جس نے حضرت یونس علیہ السلام کو اپنے پیٹ میں تین دن تک رکھا اور سمندر کے اطراف و جوانب میں پھر تی رہی اور وہ حیوان جس نے اپنے ساتھیوں کو ڈرایا تھا چونٹی تھی جو خوراک کی تلاش کیلئے باہر نکلی تھی کہ دوسری چونٹیاں ایک ستون پر چڑھتی تھیں جو حضرت سلیمان علیہ السلام کےسر کے اوپر تھا اس چونٹی نے اپنی قوم سے کہا کہ خبر دار تمہارے گزرنے سے مٹی نہ گرے اللہ کا پیغمبر تم سے تکلیف نہ اٹھائے اور وہ جسم جس نے ایک مرتبہ کھایا اور پیا نہیں وہ حضرت موسیٰ علیہ السلام کا عصا تھا جس نے جادوگروں کے سانپوں کو کھایا تھااور وہ زمین کا ٹکڑا جس پر ایک مرتبہ سورج چمکا اور پھر کبھی نہیں چمکاوہ دریائے نیل تھا جو اللہ تعالی نے حضرت موسیٰ علیہ السلام کے لئے پھاڑا تھا اور اس کی گھرائی کی زمین دکھائی دینے لگی جس پر صرف ایک بار سورج چمکا چنانچہ اس کے نیچے سے غبار اٹھا اور حضرت موسی علیہ السلام اور ان کی قوم گزر گئی اور وہ پھر مل گیا اور سابقہ حالت پر آگیا اور وہ پتھر جس سے حیوان کی ولادت ہوئی وہ پتھر وہ تھا جس سے حضرت صالح علیہ السلام کی اونٹنی پیدا ہوئی تھی اور وہ دو ساکن غیر متحرک زمین و آسمان ہیں تحریک سے مراد ایک جگہ سے دوسری جگہ منتقل ہونا اور وہ دو متحرک جو کبھی بھی ساکن نہیں ہوتے چاند اور سورج ہیں اور وہ عورت جس نے تین ساعت میں بچہ جنا حضرت مریم تھیں کہ تین ساعت میں ان سے حضرت عیسیٰ علیہ السلام کی ولادت ہوئی اور وہ دو دوست جو کبھی ایک دوسرے کے دشمن نہیں ہوتے جسم اور جان ہیں اور اور وہ دو دشمن جو کبھی دوست نہیں ہوتے موت اور زندگی ہیں شے مومن ہے اور لاشے کافر ہے احسن اشیاء صورت بنی آدم ہے رحم میں سب سے پہلے جس چیز کی شکل بنتی ہے وہ شہادت کی انگلی ہے اور قبر میں سب سے آخر میں جو چیز فنا ہوتی ہے بندہ کے سر کی ہڈی ہے ۔
مضر نے جب حضرت علی رضی اللہ تعالی عنہ سے اپنے سوالوں کے نہایت تفصیل سے جوابات سنے تو آپ کے سر پر بوسہ دیا ۔ (معارج النبوۃ(