واپس چلیں   پاکستان کی آواز > مذاہب اور انسانی زندگی > دلچسپ اسلامی تاریخی واقعات



دلچسپ اسلامی تاریخی واقعات دلچسپ اسلامی تاریخی واقعات اس حصے میں کسی بھی قسم کی منافرت پھیلانے والے کو بلاتفریق بین کر دیا جائے گا۔ اس لیے احتیاط برتیں!


:::::::جِن آگیا ، جِن آ گیا :::::::

short url
جواب
 
LinkBack موضوع کے اختیارات موضوع کی درجہ بندی ظاہری انداز
پرانا 13-05-10, 01:52 AM   #1
:::::::جِن آگیا ، جِن آ گیا :::::::
عادل سہیل عادل سہیل آن لائن ہے 13-05-10, 01:52 AM

بِسّمِ اللہ الرّ حمٰنِ الرَّحیم
اِنَّ اَلحَمدَ لِلِّہِ نَحمَدہ، وَ نَستَعِینہ، وَ نَستَغفِرہ، وَ نَعَوذ بَاللَّہِ مِن شَرورِ أنفسِنَا وَ مِن سِیَّأاتِ أعمَالِنَا ، مَن یَھدِ ہ اللَّہُ فَلا مُضِلَّ لَہ ُ وَ مَن یُضلِل ؛ فَلا ھَاديَ لَہ ُ، وَ أشھَد أن لا إِلٰہَ إِلَّا اللَّہ وَحدَہ لا شَرِیکَ لَہ ، وَ أشھَد أن مُحمَداً عَبدہ، وَ رَسو لہ ::: بے شک خالص تعریف اللہ کے لیے ہے ، ہم اُس کی ہی تعریف کرتے ہیں اور اُس سے ہی مدد طلب کرتے ہیں اور اُس سے ہی مغفرت طلب کرتے ہیں اور اللہ کی پناہ طلب کرتے ہیں اپنی جانوں کی بُرائی سے اور اپنے گندے کاموں سے ، جِسے اللہ ہدایت دیتا ہے اُسے کوئی گمراہ نہیں کر سکتا ، اور جِسے اللہ گُمراہ کرتا ہے اُسے کوئی ہدایت دینے والا نہیں ، اور میں گواہی دیتا ہوں کہ بے شک اللہ کے عِلاوہ کوئی سچا اور حقیقی معبود نہیں اور وہ اکیلا ہے اُس کا کوئی شریک نہیں ، اور میں گواہی دیتا ہوں کہ بے شک محمد اللہ کے بندے اور اُس کے رسول ہیں :
::::::: ضِرار بن الأزور :::::::

خیبر کے ایک بڑے قبیلے بنو اسد کا دولت مند ، ایک ہزار اونٹوں پر مشتمل قیمتی گلّے کی ملکیت رکھنے والا، خوبصورت، بہادر،کڑیل جوان ،جس کی شمشیر زنی،نیزہ بازی، تیر اندازی اور گھڑ سواری میں مہارت کا کوئی ثانی نہ تھا ،
رومیوں کے لشکرمیں خوف اور دھشت کا طوفان اٹھانے والا،اللہ کے علاوہ ہر ایک سے بے خوف مجاہد،سرفروش اور جانباز جرنیل جس کے حملہ آور ہوتے ہی رومی """جن آگیا ،جن آگیا""" کہتے ہوئے دم دبا کر بھاگنے لگتے ، کہا جاتا ہے کہ جب لوہے کی زرہوں میں ڈوبے رومی جنگجواللہ کے سا سچے ولی اور رسول اللہ صلی اللہ علیہ وعلی آلہ وسلم کے سچے محب کے سامنے آتے تو وہ نعرہ تکبیر بلند کرتے ہوئے اپنی قمیص بھی اتار دیتا اور اُس کی یہ شجاعت دیکھ رومی اُس سے اتنے خوف زدہ ہوتے کہ اُن کے دلوں میں یہ خیال پختہ ہوتا گیا کہ یہ کوئی انسان نہیں ، بلکہ جِن ہے لہذا وہ لوگ """ضرار رضی اللہ عنہ ُ """ کو اس حال میں دیکھتے ہی """جن آ گیا جن آ گیا """کہتے ہوئے اُس کی زد سے دور بھاگنے کی کوشش میں لگے رہتے ،
میدان جِہاد میں گھوڑے کی ننگی پیٹھ پر بیٹھ مسلسل تابڑ توڑ حملے کرنے میں اُن کا کوئی ثانی نہ تھا ،اپنی بے مثال بہادری اور لاجواب شجاعت و جوانمردی کی بدولت ایک ہزار دشمن افراد پر بھاری سُپر کمانڈو جنگجو مجاہد جس کا نام سن کر دشمن محاورۃً نہیں بلکہ حقیقتا تھر تھر کانپنے لگتا ،جو اپنی بے پناہ بے مثال بہادری اور مجاہدانہ کاروائیوں کی بنا پر تاریخِ اسلام کے اوراق میں قیامت تک جگمگاتارہے گا ، اللہ کا یہ حقیقی ولی اور رسول اللہ صلی اللہ علیہ وعلی آلہ وسلم کے سچے محب """ضِرار رضی اللہ عنہ بن الٔازور الاسدی """کے نام سے جانا پہچانا جاتا ہے ،
یہ ایک ایسے عظیم المرتبہ ، جلیل القدر صحابی تھے جنہیں مذکورہ بالا تمام خوبیوں اور صِفات کے ساتھ ساتھ اسلامی لشکر کا قابلِ رشک جرنیل ہونے کے علاوہ بلند پایہ شاعر ہونے کا اعزاز بھی حاصل ہے ، ضِرار رضی اللہ عنہ جب بنو اسد قبیلے کے وفد کی قیادت کرتے ہوئے خیرُالوریٰ ،نور الھدیٰ محمد صلی اللہ علیہ و علی آلہ وسلم کی خدمتِ اقدس میں اسلام قبول کرنے کے لیے حاضر ہوئے ، تو انہوں نے پہلا کارنامہ یہ سر انجام دیاکہ ایک ہزار اونٹ اُن کے چرواہوں سمیت مسلمانوں کے بیت المال کے لیے رسول اقدس صلی اللہ علیہ وعلیہ آلہ وسلم کی خدمت میں پیش کیے ،
رسول اللہ صلی اللہ علیہ وعلی آلہ وسلم کے دُنیا سے رخصت ہونے کے قریبی وقت میں رسول اللہ صلی اللہ علیہ وعلی آلہ وسلم نے انہیں نبوت کے ایک جھوٹے دعویٰ دار طلیحہ الاسدی کے خلاف جہاد کے لیے ارسال کیا اور اس مہم کا سالار (کمانڈر) مقرر فرمایا ، طلیحہ اور اس کے ساتھی مجاھدین کی یلغار کے سامنے نہ ٹھہر سکے اور اپنے بے شمار جانی نقصان کروا کے راہ فرار اختیار کر گئے ،
اللہ کے اس سچے ولی اور رسول اللہ صلی اللہ علیہ وعلی آلہ وسلم کے سچے محب نے اللہ اور اللہ کے رسول صلی اللہ علیہ وعلی آلہ وسلم کے دُشمن ، زکوۃ دینے سے انکار کرنے والے مالک بن نویرہ کو قتل کیا ، آج تک اس منکر ء زکوۃ کے پیرو کار ان تمام صحابہ رضی اللہ عنہم اجمعین سے اپنے بغض کا اظہار کرتے ہیں ،جنہوں نے اللہ کے حکم کا انکار کرنے والے مالک بن نویرہ اور اس کے پیرو کاروں کے چھیتڑے اُڑا دیے ،
جب رسول اللہ صلی اللہ علیہ وعلی آلہ وسلم کے پہلے بلا فصل خلیفہ امیر المؤمنین ابو بکرالصدیق رضی اللہ عنہ ُ مرتدین کا مکمل صفایا کرنے سے فارغ ہوئے، جھوٹی نبوت کا دعوی کرنے والوں ، مسیلمہ کذاب ، اسود عنسی، طلیحہ بن خویلد اور ان کے پیروکاروں کو عبرتناک شکست سے دو چار کرنے کے بعد قیصر و کسریٰ یعنی ایران اور روم کو فتح کرنے کی طرف متوجہ ہوئے ، چونکہ یہ دونوں اسلام کے خلاف بڑے مضبوط قلعے تھے ، رسول اللہ صلی اللہ علیہ وعلی آلہ وسلم کے پہلے بلا فصل خلیفہ امیر المؤمنین ابو بکرالصدیق رضی اللہ عنہ ُ نے ایمان سے لبریز جرات و شجاعت کا مظاہرہ کرتے ہوئےلشکرِ اسلام کو حکم دیا کہ کسریٰ کو فتح کرنے کے لیے تیار ہو جائیں،
مجاھد مؤمنین ،رسول اللہ صلی اللہ علیہ وعلی آلہ وسلم کے پہلے بلا فصل خلیفہ امیر المؤمنین ابو بکرالصدیق رضی اللہ عنہ ُ اللہ تعالیٰ کے حُکم کی تعمیل میں ، اللہ اور اس کے رسول صلی اللہ علیہ و علی آلہ وسلم کے دشمنوں کو نیست و نابود کرنے کے لیے اپنے امیر المؤمنین صدیق اکبر رضی اللہ عنہ کے جھنڈے تلے جمع ہو گئے،
((( مسلیمہ کذاب اور اسود العنسی کے خاتمے کا ذکر البراء بن مالک رضی اللہ عنہ ُ ، فیروز الدیلمی رضی اللہ عنہُ اور ام عمارہ رضی اللہ عنہا کے واقعات میں بیان کر چکا ہوں )))
رسول اللہ صلی اللہ علیہ وعلی آلہ وسلم کے پہلے بلا فصل خلیفہ امیر المؤمنین ابو بکرالصدیق رضی اللہ عنہ ُ کی طرف سے اعلان جہاد سن کر بنو اسد کا یہ عظیم اسد، جانثارِ اسلام اپنے ساز و سامان کو جمع کرنے لگا اور اپنے ہتھیاروں کو اپنے جسم پر سجانے لگا ، اس کی تیاری دیکھ اس کی بہن خولہ بنت ازور رضی اللہ عنھا پوچھا ''' بھائی جان کہاں کی تیاری ہے ؟کس معرکے کی طرف روانگی ہے ؟ ''' ضرار رضی اللہ عنہ نے اپنی پیاری اور لاڈلی بہن کو جواب دیا ''' بہن امیر المؤمنین کی طرف سے اعلان جہاد سن کر یہ سوال کیسا ؟ ''' خولہ رضی اللہ عنھا نے کہا ''' بھائی آپ جانتے ہیں کہ میں تیر اندازی میں بڑی مہارت رکھتی ہوں اور تلوار بازی میں بھی کسی سے کم نہیں ، آپ امیر المؤمنین سے میری سفارش کیجیے تا کہ میں بھی جہاد میں حصہ لے سکوں ـ'''
ضرار رضی اللہ عنہ نے سمجھانے کی کوشش کی کہ ''' میری بہن یہ جنگ عورتوں کا کام نہیں ہوتا ، تمہار ا بھائی ان شاء اللہ تمہارے خاندان کی نمائیندگی کے لیے کافی ہے ، بہن نے جواب دیا کہ نہیں بھائی جان مجھے جہاد میں شامل ہونا ہی ہے لڑائی نہ سہی ، زخمیوں کی مرہم پٹی ، پانی پلانے کے کام کروں گی،
اس طرح انہیں جہاد میں شمولیت کی اجازت مل گئی ، حضرت خولہ رضی اللہ عنھا کا ذکر سابقہ شُماروں میں سے ایک میں ہو چکا ہے اس لیے میں یہاں اُن کے بارے میں کوئی تفصیل بیان نہیں کروں گا ،
رسول اللہ صلی اللہ علیہ وعلی آلہ وسلم کے پہلے بلا فصل خلیفہ امیر المؤمنین ابو بکرالصدیق رضی اللہ عنہ ُکے حُکم پر اسلامی لشکر اپنی مہم پر روانہ ہوا ، اور شام کے مرکزی شہر دمشق کا محاصرہ جا کیا ابھی یہ محاصرہ جاری تھا کہ تاریخ اسلام ہی کیا تاریخ انسانی کے ایک عظیم جرنیل اللہ کی تلوار ،خالد بن ولید رضی اللہ عنہ کو پتہ چلا کہ شاہِ روم ہرقل ایک بڑا لشکر لے کر فلسطین کے مشہور مقام اجنادین میں پہنچ کر خیمہ زن ہو چکا ہے ، اس کی کوشش یہ ہے کہ لشکرِ اسلام کو ناقابلِ تلافی نقصان پہنچایا جائے،
سیف اللہ (اللہ کی تلوار) خالد بن ولید رضی اللہ عنہ ُ نے لشکرِ اسلام کے تجربہ کار، فدا کار اور جانباز ساتھیوں سے مشورہ کیا کہ اس نازک ترین صورتحال کا کس طرح مقابلہ کیا جائے ، انہوں نے مشورہ دیا کہ سردست دمشق کا محاصرہ ترک کر دیا جائے اور شاہِ روم ہرقل کی فوج کا مقابلہ کیا جائے تجربہ کار ساتھیوں کے مشورے کو تسلیم کرتے ہوئے،سیف اللہ خالد رضی اللہ عنہ ُ نے لشکرِ اسلام کو فلسطین کے سرحدی مقام اجنادین کی طرف کوچ کرنے کا حکم دیا جہاں رومی لشکر ڈیرے ڈالے بیٹھا تھا ، جب لشکر دمشق کا محاصرہ ترک کر کے روانہ ہوا تو دشمن نے موقعہ غنیمت جانتے ہوئے اچانک پیچھے سے حملہ کر دیا ،یہ حملہ اس قدر اچانک سے ہوا کہ لشکرِ اسلام کو اس کا وہم و گمان بھی نہ تھا ، رومی بگولے کی طرح آئے اور لشکرِ اسلام کے پیچھے محو سفر خواتین کو گرفتار کر کے بڑی تیز رفتاری سے پیچھے ہٹ گئے ، گرفتار ہونے والی خواتین میں حضرت ضِرار رضی اللہ عنہ کی بہن حضرت خولہ رضی اللہ عنہا بھی تھیں ، انہوں نے اپنے ساتھ گرفتار ہونے والی خواتین کو منظم کیا اور خیموں کی چوبیں پکڑ کر دشمن پر حملہ کر دیا، پہرہ دینے والوں کے سر پھوڑ دئیے ، خواتین نے جس انداز میں اپنا دفاع کیا ، یہ کارنامہ بھی تاریخِ اسلام کا ایک سنہری باب کی حیثیت رکھتا ہے ، اجنادین فلسطین کی سرحد پر واقع سر زمین شام کا معروف و مشہور مقام ہے، یہاں شاہِ روم نے ایک لاکھ مسلح رومی فوج بھیجی اور خود حمص میں قیام کیا ، اللہ کے مجاھدوں نے روم کے ابلیسی لشکر کا خوب ڈٹ کر مقابلہ کیا اور اللہ نے اپنے مجاھدوں کو فتح کا تاج پہنایا اور ابلیسی لشکر کو شکست و ذلت کا طوق ،
اس جِہاد میں مؤمنین کے چند مشہور جرنیلوں کو بھی اللہ تبارک و تعالیٰ نے طمغہء شہادت سے سرفراز فرمایا ، جن میں سے فدائی کاراوئیوں کا آغاز کرنے والے عظیم کمانڈو عکرمہ رضی اللہ عنہ ُ بن ابی جہل ، جارشا بن ہشام ، یعم بنعبداللہ البعدوری، ہشام بن عاص بن وائل السعجی ،فضل بن عباس بن عبد المطلب، ابان بن سعید بن عاص اورہماری آج کی محفل میں بیان کی جانے والی مثالی شخصیت ضرار بن الأزور رضی اللہ عنہم اجمعین سر فہرست ہیں ،
ضرار بن ازور رضی اللہ عنہ نے اس معرکے میں بھی اپنی اللہ داد بہادری کے مطابق ایسی جنگ کی کہ کوئی بڑے سے بڑا جری بہادر بھی ان کے سامنے ٹھہر نہ سکا ، رومی جرنیل روان کو ضرار رضی اللہ عنہ نے موت کے گھاٹ اتارا، ضرار رضی اللہ عنہ نے اسلام کی قبولیت کے بعد ہر معرکے میں جوانمردی ، جانفشانی، جانبازی ، شمشیر زنی اور نیزہ بازی کے ایسے حیرت انگیز کارنامے سر انجام دیئے جو قیامت تک تاریخِ اسلام کے اوراق میں جگمگاتے رہیں گے اور جن سے ہر دور میں اسلام کے مجاھد ایمانی حرارت حاصل کرتے ہوئے میدانِ جہاد میں قابلِ قدر خدمات سر انجام دیتے تھے، دیتے ہیں اور دیتے رہیں گے ،
معرکہ ء اجنادین جسے جِہاد یمامہ بھی کہا جاتا ہے ، میں ضِرار رضی اللہ عنہ ُ نے دشمنوں کے ساتھ وہ سلوک کیا کہ وہ سب کچھ بھول کر صرف انہی کے گرد ہو گئے اور ضِرار رضی اللہ عنہ ُ کی دونوں پنڈلیاں کٹ گئیں تو وہ اپنے گھٹنوں کے بل کھڑے ہو کر اللہ کے دشمنوں پر اللہ کا عذاب بنے رہے اور وہ سب کے سب مل کر بھی اللہ کے اس مجاھد پر اس حال میں بھی قابو نہ پاسکے ،
اللہ کی راہ میں اپنی جان پیش کرنے کے شوقین ، اللہ اور اس کے رسول صلی اللہ علیہ و علی آلہ وسلم کے دشمنوں کے سامنے ایک لمحے کے لیے بھی نہ جھکنے والا اللہ کا یہ سچا ولی اسی طرح اپنے گھٹنوں کے بل اللہ کی راہ لڑتا رہا یہاں تک گھوڑوں کے پیروں تلے روندے گئے ، لیکن معرکہ رکنے تک میدان ء جِہاد سے نہ نکلے ، معرکہ رکنے پر اپنے امیر اللہ کی تلوار ، خالد بن ولید رضی اللہ عنہ ُ کے پاس پہنچائے گئے جب خالد بن ولید رضی اللہ عنہ ُ اس میدانءِ جِہاد سے رخصت ہونے والے تھے تو ان کے رُخصت ہونے سے ایک دِن پہلے اللہ کا یہ سچا ولی ، رسول اللہ صلی اللہ علیہ وعلی آلہ وسلم کا سچا محب اپنے رب کی طرف روانہ ہو گیا ،
یہ تھے اللہ کے سچے ولی اور اللہ اور اس کے رسول صلی اللہ علیہ وعلی آلہ وسلم کے حقیقی اور عملی محب ، اللہ کرے کہ ہم انہیں اپنے آئیڈیلز بنائیں ،
اللہ ہمیں ان کے نقش پا پر چلنے کی توفیق عطا فرمائے ۔
مصادر و مراجع ::: المستدرک الحاکم ، الأصابہ فی تمیز الصحابہ ، تھذیب التھذیب ، مقدمۃ ابن خلدون ، الأستعیاب فی معرفۃ الأصحاب، معجم البلدان ، تاریخ الطبری ، معجم الصحابہ ، معجم مااستعجم ، فتوح الشام ، البدایہ و النھایۃ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔
یہ مضمون میری زیر تیاری کتاب """ دی آئیڈیلز ::: مثالی شخصیات """ میں سے ہے۔
__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

عادل سہیل
Senior Member
تاریخ شمولیت: Jul 2007
عمر: 48
مراسلات: 4,389
شکریہ: 2,077
3,583 مراسلہ میں 12,686 بارشکریہ ادا کیا گیا
مناظر: 682
Reply With Quote
17 قاری/قارئین نے عادل سہیل کا شکریہ ادا کیا
Salmaan (13-05-10), shafresha (13-05-10), فیصل ناصر (13-05-10), ھارون اعظم (13-05-10), نورالدین (13-05-10), محمد عاصم (13-05-10), مرزا عامر (15-04-11), مسٹر شیف (13-05-10), آصف وسیم (21-09-10), ابو عمار (14-05-10), بلال اویسی (14-07-10), حیدر (13-05-10), راجہ اکرام (13-05-10), شھزادباجوہ (09-08-11), شاہ جی 90 (14-05-10), ضِرار Derar (13-05-10), عبداللہ حیدر (13-05-10)
پرانا 13-05-10, 09:17 AM   #2
ناظم اعلی
 
راجہ اکرام's Avatar
 
تاریخ شمولیت: Jan 2009
مقام: ڈیرا درویشاں دا
مراسلات: 21,554
کمائي: 315,018
شکریہ: 25,207
16,383 مراسلہ میں 41,612 بارشکریہ ادا کیا گیا
Default

جزاک اللہ خیرا یا اخی الکریم
اللہ ہمیں ان پاکیزہ ہستیوں کو مشعل راہ بنا کر سنت رسول صلی اللہ علیہ و سلم کی پیروی کرتے ہوئے اپنی زندگیاں گزارنے کی توفیق عطا فرمائے ۔۔ آمین
__________________
محتاج اصلاح و دعا

راجہ اکرام آن لائن ہے   Reply With Quote
8 قاری/قارئین نے راجہ اکرام کا شکریہ ادا کیا
فیصل ناصر (14-05-10), نورالدین (13-05-10), ابو عمار (14-05-10), حیدر (13-05-10), شھزادباجوہ (09-08-11), شاہ جی 90 (14-05-10), ضِرار Derar (13-05-10), عادل سہیل (14-05-10)
پرانا 13-05-10, 11:32 AM   #3
Senior Member
 
تاریخ شمولیت: Feb 2010
مقام: یہیں کہیں آس پاس
مراسلات: 2,038
کمائي: 55,090
شکریہ: 11,755
1,557 مراسلہ میں 4,844 بارشکریہ ادا کیا گیا
نورالدین کو Yahoo کے ذریعے پیغام ارسال کریں نورالدین کو Skype™ کے ذریعے پیغام ارسال کریں
Default

جزاک اللہ جزاک اللہ
جناب اللہ آپ کو اسی طرح دین کی خدمت اور عوام الناس کو ہماری شخصیات کے متعلق معلومات فراہم کرنے کی توفیق عطا فرمائے ۔۔
آمین
__________________
انسان کو زندگی میں وہی کام کرنا چاہیے جس کی اسے ضرورت ہو ۔
نورالدین آف لائن ہے   Reply With Quote
4 قاری/قارئین نے نورالدین کا شکریہ ادا کیا
فیصل ناصر (14-05-10), ابو عمار (14-05-10), ضِرار Derar (13-05-10), عادل سہیل (14-05-10)
پرانا 13-05-10, 03:31 PM   #4
Senior Member
 
تاریخ شمولیت: Apr 2010
مراسلات: 448
کمائي: 7,749
شکریہ: 1,120
345 مراسلہ میں 974 بارشکریہ ادا کیا گیا
Default

السلام علیکم
جزاک اللہ
جزاک اللہ
جزاک اللہ
بہت شکریہ
بہت بہت شکریہ
بہت بہت بہت شکریہ
میرا نام اس ہی سپر اسلامی کمانڈو ہیرو کے نام پر رکھا ہوا ہے
اللہ مجھے اس کی طرح ہی اسلام کے دشمون سے لڑنے کا موقع دے اور شہید کرے
آمین
آمین
آمین
ضِرار Derar آف لائن ہے   Reply With Quote
7 قاری/قارئین نے ضِرار Derar کا شکریہ ادا کیا
فیصل ناصر (14-05-10), نورالدین (13-05-10), مسٹر شیف (13-05-10), ابو عمار (14-05-10), شھزادباجوہ (09-08-11), عادل سہیل (14-05-10), عبداللہ حیدر (13-05-10)
پرانا 13-05-10, 03:56 PM   #5
Senior Member
 
تاریخ شمولیت: Feb 2010
مقام: یہیں کہیں آس پاس
مراسلات: 2,038
کمائي: 55,090
شکریہ: 11,755
1,557 مراسلہ میں 4,844 بارشکریہ ادا کیا گیا
نورالدین کو Yahoo کے ذریعے پیغام ارسال کریں نورالدین کو Skype™ کے ذریعے پیغام ارسال کریں
Default

ماشا اللہ
میرا خیال ہے
عادل سہیل بھائی نے آپ کے جذبات کو مدّ نظر رکھتے ہوئے
یہ تحریر اس فورم پر لکھی ہے

ہمارے ہاں بچوں کے نام اسی طرح قابل اور معتبر شخصیات کے نام پر رکھنا چاہیئے نہ کہ غیر اقوام والے نام جیسے کامی ، جبران ، روبیکا ، سونیا وغیرہ
ناموں کا بچوں کی زندگی پر بہت گہرا اثر ہوتا ہے
جس معتبر شخصیت کے نام پر بچوں کا نام ہوتا ہے
بچہ اپنی زندگی اور خاص کر دور معصومیت میں اس شخصیت کی طرف کشش محسوس کرتا ہے
جس کے نتیجے میں اس کا رجحان اس شخصیت سے متعلق اچھے اچھے کاموں کی طرف ہوتا ہے
نورالدین آف لائن ہے   Reply With Quote
5 قاری/قارئین نے نورالدین کا شکریہ ادا کیا
فیصل ناصر (14-05-10), ابو عمار (14-05-10), شھزادباجوہ (09-08-11), ضِرار Derar (15-05-10), عادل سہیل (14-05-10)
پرانا 13-05-10, 10:47 PM   #6
Senior Member
 
ھارون اعظم's Avatar
 
تاریخ شمولیت: Dec 2007
مراسلات: 5,240
کمائي: 121,336
شکریہ: 15,085
4,225 مراسلہ میں 12,893 بارشکریہ ادا کیا گیا
ھارون اعظم کو Yahoo کے ذریعے پیغام ارسال کریں
Default

السلام علیکم، عادل صاحب، بہت اچھی تحریر ہے۔ امید ہے اس سلسلے کو جاری رکھیں گے۔

آپ کی اس تحریر کو میں نے سرورق کے لئے پیش کردیا ہے۔

شکریہ۔
__________________


http:// haroonazam.wordpress.com

ھارون اعظم کا بلاگ۔
ھارون اعظم آن لائن ہے   Reply With Quote
5 قاری/قارئین نے ھارون اعظم کا شکریہ ادا کیا
فیصل ناصر (14-05-10), نورالدین (14-05-10), ابو عمار (14-05-10), عادل سہیل (14-05-10), عبداللہ حیدر (13-05-10)
پرانا 14-05-10, 12:15 AM   #7
Senior Member
 
تاریخ شمولیت: Jul 2007
عمر: 48
مراسلات: 4,389
کمائي: 88,841
شکریہ: 2,077
3,583 مراسلہ میں 12,686 بارشکریہ ادا کیا گیا
Lightbulb

اقتباس:
اصل مراسلہ منجانب : راجہ اکرام مراسلہ دیکھیں
جزاک اللہ خیرا یا اخی الکریم
اللہ ہمیں ان پاکیزہ ہستیوں کو مشعل راہ بنا کر سنت رسول صلی اللہ علیہ و سلم کی پیروی کرتے ہوئے اپنی زندگیاں گزارنے کی توفیق عطا فرمائے ۔۔ آمین
السلام علیکم ورحمۃ اللہ و برکاتہ ،
اللہ تعالیٰ آپ کو بھی بہترین اجر عطاء فرمائے ،
اور آپ کی دُعا قبول فرمإئے ، و السلام علیکم۔
عادل سہیل آن لائن ہے   Reply With Quote
3 قاری/قارئین نے عادل سہیل کا شکریہ ادا کیا
نورالدین (14-05-10), شھزادباجوہ (09-08-11), ضِرار Derar (15-05-10)
پرانا 14-05-10, 12:17 AM   #8
Senior Member
 
تاریخ شمولیت: Jul 2007
عمر: 48
مراسلات: 4,389
کمائي: 88,841
شکریہ: 2,077
3,583 مراسلہ میں 12,686 بارشکریہ ادا کیا گیا
Lightbulb

اقتباس:
اصل مراسلہ منجانب : نورالدین مراسلہ دیکھیں
جزاک اللہ جزاک اللہ
جناب اللہ آپ کو اسی طرح دین کی خدمت اور عوام الناس کو ہماری شخصیات کے متعلق معلومات فراہم کرنے کی توفیق عطا فرمائے ۔۔
آمین
السلام علیکم ورحمۃ اللہ و برکاتہ ،
اللہ تبارک و تعالیٰ آپ کو بھی بہترین اجر سے نوازے بھائی نور الدین ،
اور آپ کی دُعا قبول فرمإئے ، اسی طرح دعا کرتے رہیے گا ، و السلام علیکم۔
عادل سہیل آن لائن ہے   Reply With Quote
2 قاری/قارئین نے عادل سہیل کا شکریہ ادا کیا
نورالدین (14-05-10), ضِرار Derar (15-05-10)
پرانا 14-05-10, 12:43 AM   #9
Senior Member
 
تاریخ شمولیت: Jul 2007
عمر: 48
مراسلات: 4,389
کمائي: 88,841
شکریہ: 2,077
3,583 مراسلہ میں 12,686 بارشکریہ ادا کیا گیا
Lightbulb

اقتباس:
اصل مراسلہ منجانب : ضِرار Derar مراسلہ دیکھیں
السلام علیکم
جزاک اللہ
جزاک اللہ
جزاک اللہ
بہت شکریہ
بہت بہت شکریہ
بہت بہت بہت شکریہ
میرا نام اس ہی سپر اسلامی کمانڈو ہیرو کے نام پر رکھا ہوا ہے
اللہ مجھے اس کی طرح ہی اسلام کے دشمون سے لڑنے کا موقع دے اور شہید کرے
آمین
آمین
آمین
و علیکم السلام و رحمۃ اللہ و برکاتہ ،
اللہ تعالیٰ آپ کو بھی اجرء عظیم عطاء فرمائے ، ضِرار بھإئی ،
اور آپ کو اور مجھے بلکہ جو کچھ اُس نے مجھے عطاء فرما ہے سب اُس کی راہ میں قبول فرمائے ، و السلام علیکم۔
عادل سہیل آن لائن ہے   Reply With Quote
3 قاری/قارئین نے عادل سہیل کا شکریہ ادا کیا
نورالدین (14-05-10), ابو عمار (14-05-10), ضِرار Derar (15-05-10)
پرانا 14-05-10, 12:52 AM   #10
Senior Member
 
تاریخ شمولیت: Jul 2007
عمر: 48
مراسلات: 4,389
کمائي: 88,841
شکریہ: 2,077
3,583 مراسلہ میں 12,686 بارشکریہ ادا کیا گیا
Lightbulb

اقتباس:
اصل مراسلہ منجانب : نورالدین مراسلہ دیکھیں
ماشا اللہ
میرا خیال ہے
عادل سہیل بھائی نے آپ کے جذبات کو مدّ نظر رکھتے ہوئے
یہ تحریر اس فورم پر لکھی ہے
السلام علیکم ورحمۃ اللہ و برکاتہ ،
جزاک اللہ خیرا ، بھائی نور الدین ،
میں نے یہ مضمون تو تقریبا ایک سال پہلے لکھا تھا ، یہاں پوسٹ کرنے کا ایک سبب ضِرار بھإئی کے نام کی عظمت کا بیان ہے ،
اور دوسرا سبب ریحان حیدر صاحب کا وہ سوال ہے جو انہوں نے """ یہاں """ کیا تھا ،
اقتباس:
اصل مراسلہ منجانب : نورالدین مراسلہ دیکھیں

ہمارے ہاں بچوں کے نام اسی طرح قابل اور معتبر شخصیات کے نام پر رکھنا چاہیئے نہ کہ غیر اقوام والے نام جیسے کامی ، جبران ، روبیکا ، سونیا وغیرہ
ناموں کا بچوں کی زندگی پر بہت گہرا اثر ہوتا ہے
جس معتبر شخصیت کے نام پر بچوں کا نام ہوتا ہے
بچہ اپنی زندگی اور خاص کر دور معصومیت میں اس شخصیت کی طرف کشش محسوس کرتا ہے
جس کے نتیجے میں اس کا رجحان اس شخصیت سے متعلق اچھے اچھے کاموں کی طرف ہوتا ہے
جزاک اللہ خیرا ، بھائی نور الدین ،
ماشاء اللہ تبارک اللہ ،
بہت پیاری باتیں لکھی ہیں ،
اللہ ہم سب کو سمجھنے ، ماننے اور اپنانے کی توفیق عطاء فرمإئے ، و السلام علیکم۔

Last edited by عادل سہیل; 14-05-10 at 01:14 AM.
عادل سہیل آن لائن ہے   Reply With Quote
3 قاری/قارئین نے عادل سہیل کا شکریہ ادا کیا
نورالدین (14-05-10), ابو عمار (14-05-10), ضِرار Derar (15-05-10)
پرانا 14-05-10, 01:22 AM   #11
Senior Member
 
تاریخ شمولیت: Jul 2007
عمر: 48
مراسلات: 4,389
کمائي: 88,841
شکریہ: 2,077
3,583 مراسلہ میں 12,686 بارشکریہ ادا کیا گیا
Lightbulb

اقتباس:
اصل مراسلہ منجانب : ھارون اعظم مراسلہ دیکھیں
السلام علیکم، عادل صاحب، بہت اچھی تحریر ہے۔ امید ہے اس سلسلے کو جاری رکھیں گے۔

آپ کی اس تحریر کو میں نے سرورق کے لئے پیش کردیا ہے۔

شکریہ۔
و علیکم السلام و رحمۃ اللہ و برکاتہ،
جزاک اللہ خیرا ، ہارون بھإئی ،
سرورق پر پیش کرنے پر شکریہ قبول فرمایے ،
آپ کی پسندیدگی دیکھ کر ایک تجویز ذہن میں إٓئی ہے ، گو کہ یہ اُس تجویز کی جگہ نہیں لیکن لیکن بات آگئی تو پیس کرتا چلوں ،
کیا خیال ہے پاک نیٹ میگزین میں ایک مستقل سلسلہ """ اپنے لیے مثالی شخصیت چُنیے """ شروع کر دیا جإے اور اس سلسلے میں ہر ماہ ایک """ مثالی شخصیت """پیش کی جا تی رہے ، اور وہاں پیش کش کے کچھ عرصہ بعد فورمز میں نشر کر دی جإئے۔
و السلام علیکم۔
عادل سہیل آن لائن ہے   Reply With Quote
4 قاری/قارئین نے عادل سہیل کا شکریہ ادا کیا
ھارون اعظم (14-05-10), نورالدین (14-05-10), ابو عمار (14-05-10), ضِرار Derar (15-05-10)
پرانا 14-05-10, 11:38 AM   #12
Senior Member
 
ھارون اعظم's Avatar
 
تاریخ شمولیت: Dec 2007
مراسلات: 5,240
کمائي: 121,336
شکریہ: 15,085
4,225 مراسلہ میں 12,893 بارشکریہ ادا کیا گیا
ھارون اعظم کو Yahoo کے ذریعے پیغام ارسال کریں
Default

السلام علیکم،

عادل صاحب، میں‌‌آپ سے متفق ہوں۔ اگر آپ اس سلسلے کو جاری رکھ سکتے ہیں تو بہت ہی اچھا سلسلہ ہوگا۔
ھارون اعظم آن لائن ہے   Reply With Quote
3 قاری/قارئین نے ھارون اعظم کا شکریہ ادا کیا
نورالدین (14-05-10), ضِرار Derar (15-05-10), عادل سہیل (14-05-10)
پرانا 14-05-10, 12:46 PM   #13
Senior Member
 
تاریخ شمولیت: Feb 2010
مقام: یہیں کہیں آس پاس
مراسلات: 2,038
کمائي: 55,090
شکریہ: 11,755
1,557 مراسلہ میں 4,844 بارشکریہ ادا کیا گیا
نورالدین کو Yahoo کے ذریعے پیغام ارسال کریں نورالدین کو Skype™ کے ذریعے پیغام ارسال کریں
Thumbs up

اقتباس:
کیا خیال ہے پاک نیٹ میگزین میں ایک مستقل سلسلہ """ اپنے لیے مثالی شخصیت چُنیے """ شروع کر دیا جإے اور اس سلسلے میں ہر ماہ ایک """ مثالی شخصیت """پیش کی جا تی رہے ، اور وہاں پیش کش کے کچھ عرصہ بعد فورمز میں نشر کر دی جإئے۔


اس تجویز کی بھرپور تائید کرتا ہوں ۔۔
نورالدین آف لائن ہے   Reply With Quote
2 قاری/قارئین نے نورالدین کا شکریہ ادا کیا
ھارون اعظم (14-05-10), عادل سہیل (14-05-10)
پرانا 14-05-10, 02:41 PM   #14
Senior Member
 
ابو عمار's Avatar
 
تاریخ شمولیت: Aug 2007
مقام: Karachi
عمر: 36
مراسلات: 4,216
کمائي: 66,075
شکریہ: 6,147
2,304 مراسلہ میں 5,840 بارشکریہ ادا کیا گیا
ابو عمار کو MSN کے ذریعے پیغام ارسال کریں
Default

عادل بھائی ایک اور بہت ہی خوبصورت تحریر پر بہت بہت مبارک۔

اللہ ہمیں ایسے جلیل قدر صحابہ کو اپنا آئیڈیل بنانے اور ان کے نقشِ قدم پر چلنے کی ہمت، توفیق اورعقل عطا فرمائیں۔ آمین۔
ابو عمار آف لائن ہے   Reply With Quote
2 قاری/قارئین نے ابو عمار کا شکریہ ادا کیا
نورالدین (14-05-10), عادل سہیل (14-05-10)
پرانا 14-05-10, 04:15 PM   #15
ذیلی ناظم
 
نیلم خان's Avatar
 
تاریخ شمولیت: Aug 2009
مقام: Rawalpindi
مراسلات: 11,872
کمائي: 560,285
شکریہ: 25,518
10,377 مراسلہ میں 38,434 بارشکریہ ادا کیا گیا
Default

خوبصورت تحریر ۔
نیلم خان آف لائن ہے   Reply With Quote
3 قاری/قارئین نے نیلم خان کا شکریہ ادا کیا
نورالدین (14-05-10), شھزادباجوہ (09-08-11), عادل سہیل (14-05-10)
جواب

Tags
کارنامے, گمان, واقعات, لوگ, مکمل, موت, مقابلہ, مرتدین, آج, اکبر, ایمان, ایران, اللہ, انسان, امیر, اسلام, اسلامی, بھائی, تاج, حال, خواتین, خلاف, عادل سہیل،مثالی،سچا ولی،, صحابہ, صحابی, صرف


Currently Active Users Viewing This Thread: 1 (0 members and 1 guests)
 
موضوع کے اختیارات
ظاہری انداز Rate This Thread
Rate This Thread:



تمام اوقات پاکستانی معیاری وقت ( +5 GMT) کے لحاظ سے ہیں۔ ابھی وقت ہے 05:39 AM

Powered by vBulletin® Copyright ©2000 - 2012, Jelsoft Enterprises Ltd.
Content Relevant URLs by vBSEO
جملہ حقوق نشرو اشاعت ©2000 - 2012,پاکستان کی آواز - پاکستان کے فورمزکی انتظامیہ کے پاس مخفوظ ہیں۔ ہم اردو ترجمے کے لیے جناب زبیرکے مشکور ہیں-
اپنا بلاگ مفت حاصل کریں wordpress.pk
ہم pak.net ڈومین نیم کے لیے جناب فاروق سرور خان کے مشکور ہیں

Template-Modifications by TMS
vBCredits v1.4 Copyright ©2007 - 2008, PixelFX Studios
Ad Management plugin by RedTyger