عزیز دوستو یہ شعبان کا مہینہ ہے ۔ اس مہینے کی سرکار دوعالم صلی اللہ علیہ وسلم نے بے شمار فضیلتیں بیان فرمائ ہیں ۔ اللہ کریم نے اپنے محبوب کی برکت سے اس امت پر جہاں اور بہت سے احسان فرماے ہیں وہیں شعبان کا مہینہ اور اس کی پندرھویں شب بھی امت محمدیہ کے لیے رحمت ۔مغفرت اور بحشش کا سیزن بنا کر بھیجی ہے۔
گناہ گاروں کو بخشنا
گناہ گاروں کے گناہوں پر پردہ دالنا
گناہ گاروں کو رحمت کی طرف آنے کی دعوت دینا
یوں تو سارا سال ہی چلتا ہے۔مگر کچھ خاص اوقات اور خاص دن اور خاص مہینے اللہ کریم نے ہم گناہ گاروں کے ریزرو کر دیے ہیں تاکہ یہ گناہ گار لوگ جو میرے محبوب کے امتی ہیں ۔ وہ سیزن کےدنوں میں اپنے تمام گناہوں سے پاک ہو جائیں ۔ اور اللہ کریم کے حضور اپنے ندامت کے آنسوؤِں سے اس کی رحمت کے حزانے لوٹ لیں۔
سرکاردوعالم صلی اللہ علیہ وسلم نے ارشاد فرمایا
شعبان کی پندرھویں شب کو قیام کرو اور دن کو روزہ رکھو ۔ اللہ کریم پندرھوییں شب کے غروب آفتاب کے بعد آسمانِ دنیا کی طرف تمام رحمتوں کو متوجہ فرما کر یہ آواز دیتے ہیں
ہے کوئ معافی چاہنے والا جو مجھ سے معافی مانگے اور میں اس کو معاف کر دوں
ہے کوئ روزی چاہنے والا
ہے کوئ مصیبت زدہ جو مصیبت دور کرنے کے لیے کہے اور میں اس کی مصیبت دور کر دوں
اسی طرحصبح صادق تک آوازیں دیتا ہے ۔۔۔۔۔۔۔۔۔ ابن ماجہ ۔۔۔۔۔۔۔۔۔۔
یہ اللہ کریم کا کرم ہے ۔گناہ گارو دوڑو اللہ کریم آواز دے رہا ہے
ہے کوئ گناہ گار
ہے کوئ سیاہ کار
ہے کوئ مفلس وفادار
ہے کوئ مصیبت زدہ
ہے تو آے۔ جلدی آے
سال بھر گناہ گار مجھے پکارتے ہیں آج میری رحمت گناہ گاروں کو بلا رہی ہے ۔ میری رحمت گناہ گاروں کے دروازے پر دستک دے رہی ہے۔
تیرے کرم سےاے کریم کون سی شے ملی نہیں
جھولی ہی میری تنگ ہے تیرے یہاں کمی نہیں
ام المؤمنین سیدہ عائشہ صدیقہ رضیاللہ عنہا فرماتی ہیں
رسول اللہ صلی اللہ علیہ وسلم نے رات کو کھڑے ہو کر نماز پڑھنی شروع کی جس میں اتنا لمبا سجدہ کیا کہ میں نے یہ خیال کیا کہ آپ کا انتقال ہو گیا ہے۔ میں کھڑی ہو کر حاضر خدمت ہوئ اور آپ کے انگو ٹھےکو ہلایا وہ ہل گیا تو میں سمجھ گیئ کہ اپ ٹھیک ہیں۔ پھر میں نے کان لگا کر سناتو آپ سجدہ میں یہ دعا پڑھ رہے ہیں۔۔۔۔۔۔اے اللہ میں پناہ مانگتا ہوں تیری معافی کے ساتھ تیرے عذاب سے
اور میں پناہ مانگتا ہوںتیری خشنودی کے ذریعے سے تیرے عذاب اور تیرےغصےسے
اور میں پناہ چاپتا ہوں تیرے عذاب اور قہر سے
اور تو اتنی خوبیوں والا کہ میں ان کو گن نہیں سکتا ۔اور تیری اتنی تعریفیں ہیں کہ تو خد ہی جانتا ہے۔اور تو ایسا ہے کہ جیسے تو نے اپنی تعرہف کی
اپ نے سجدہ سے سر اٹھایا اور نماز سے فارغ ہوے تو مجھ سے فرمایا اے عائشہ کیا تو نے یہ خیال کیا ہے کہ اللہ کا رسول تیری حق تلفی کریں گے۔ میں نے عرض کیا یا رسول اللہ خدا کی قسم نہیں ۔میں نے آپ کے طویل سجدہ کی وجہ سے خیال کیا کہ شاید اپ کا انتقال ہو گیا ہے ۔ پھر آپ نے فرمایا کہ اے عائشہ کیا تم جانتی ہو کہ یہ کون سی رات ہے۔ میں نے عرض کیا اللہ اور اس کر رسول زیادہ جانتے ہیں۔
آپ صلی اللہ علیہ وسلم نے فرمایا ۔کہ آج شعبان کی پندرھویں رات ہے۔ اس رات اللہ کریم اپنے بندوں کی طرف نظر رحمت سے دیکھتا ہے
اور معافی چاہنے والوں کو معاف کرتا یے
رحم چاہنے والوں پر رحم کرتا ہے
اور بغض رکھنے والوں کو ان کے حال پر چھوڑ دیتا ہے۔۔بیھقی۔۔
عزیز دوستو آپ نے سرکار دوعالم صلی اللہ ولیہ وسلم کی زبان مباک سے یہ خوش خبری سن لی ہے کہ یہ بخشش کی رات ہے۔ رحمت کی رات ہے۔ لیکن بعض بد نصیب ایسے بھی ہیں جن کو اس رات بھی بحشش اور رحمت سے نہیں نوازا جاتا ۔سیدہ عائشہ فرماتی ہیں سرکار دو عالم صلی اللہ علیہ وسلم نے فرمایا۔۔ میرے پاس جبرائیل علیہ اسلام تشریف لاے اور فرمایا آج کی رات اللہ کریم قبیلہ کلب کی بکریوں کے بالوں کے برابر دوزخ سے بندوں کو آزاد کرتا ہے اور
اللہ کریم اس رات مشرک کی طرف نظر رحمت سے نہیں دیکھتا
اور نہ ہی کینہ پرور کی طرف دیکھتا ہے
اور نہ ہی صلح رحمی سے عاری کی طرف دیکھتا ہے
اور نہ ٹخنے سے نیچے پاجامہ لٹکانے والے کی طرف دیکھتا ہے
اور نہ ماں باپ کے نافرمان کی طرف دیکھتا یے
اور نا شراب پینے والے کی طرف دیکھتا ہے۔ بیھقی ۔
ان چھ افراد کے علاوہ باقی سب کے لیے اس کی رحمت کے دروازے کھلے ہیں ۔ اور اگر یہ چھ بھی توبہ کر لیں تو یہ بھی نظر رحمت والوں میں شامل ہو سکتے ہیں۔ اللہ کریم ہم سب کو اس رات کو اپنے محبوب کے طریقے کے مطابق گزارنے کی طوفیق عطا فرماے ۔آمین ۔