آیئے میں آپکو ایک ایسے حکمران کا تعارف کرواؤن جس کا کوئی محل نہ تھا -اور نہ کوئی عالی شان گھر تھا اللہ اللہ وہ ایک ایسا حکمران تھا جس کی حکمرانی ساری دُنیا پر چھائی ھوئی تھی- اور آج بھی اُس کے حکم پر عمل کیا جاتا ہے -
یعنی اُس کی اطاعت کی جاتی ہے ،ایک دن سیدنا عمر فاروق رضی اللہ عنہ اس حکمران کو ملنے آتے ھیں -یہ حکمران کون ہے؟ یہ میرے حضور صلی اللہ علیہ وسلم ھیں -حضرت عمر فاروق رضی اللہ عنہ بتلاتے ھیں ،کہ میں حاضر خدمت ھوا تو نبی کریم صلی اللہ علیہ وسلم چٹائی پر لیٹے ہوئے تھے-آپ اُٹھے تو میری نگاہ نبی کریم صلی اللہ علیہ وسلم کے پہلو پر پڑی تو بدن پر چٹائی کے نشانات نمایاں تھے -یہ منظر دیکھ کر میری آنکھوں سے آنسو گرنے لگے- نبی صلی اللہ علیہ وسلم نے یہ دیکھا اور فرمایا اے خطاب کے بیٹے! کیا ہوا؟ روتے کیوں ہو؟ میں نے عرض کی۔۔ اے اللہ کے رسول صلی اللہ علیہ وسلم آنسو کیوں نہ گریں نگاہیں اس چٹائی کو دیکھ رھی ھیں جس نے آپ کے پہلو پر نشانات بنادئے ہیں ۔۔۔۔۔۔۔۔۔۔۔۔۔۔سوچ رھا ہوں - کہ قیصروکسری کے بادشاہ تو اپنے محلات میں پھولوں اور نہروں کے درمیان عیش کریں - جبکہ آپ تو اللہ کے رسول ھیں -اورچنے ہوئے لوگوں میں اعلی ترین مقام کے حامل ھین-اور آپ صلی اللہ علیہ وسلم کی یہ کیفیت ھے ۔۔۔۔۔۔۔۔۔۔۔۔ اس پراللہ کے رسول نے فرمایا ! اے خطاب کے بیتے کیا تو اس بات پر خوش نہیں ہوتا، کہ ھمارے لیے یہ نعمتیں اگلے جہان میں ھیں- اور ان کے لیے بس اسی جہان میں ھیں میں نے کہا جی یہ اسی طرح ھے-اور میں خوش ھوں ،-یہ ھیں میرے حضورصلی اللہ علیہ وسلم ساری دنیا کے حکمران جو کھجوروں کی چٹائی کے بستر پر آرام کرتے ھیں -میرے حضور کے گھر میں دو دو مہینے تک آگ نہیں جلتی یعنی آپ کھجوروں اور پانی پر گزارہ کیا کرتے تھے -