وجدان

آسٹریلیا میں دنیا میں کاربن ذخیرہ کرنے کے سب سے بڑے زیر زمین تحقیقاتی مرکز نے کام شروع کر دیا ہے۔
ملبرن میں واقع یہ مرکز بجلی گھروں سے کاربن ڈائی آکسائیڈ جمع کرے گا اور اسے دباؤ سے مائع میں تبدیل کر کے دو کلومیٹر زیر زمین جمع کر دے گا۔

اس منصوبے کے چیف ایگزیکٹو پیٹر کک نے امریکی خبر رساں ایجنسی اے پی کو بتایا کہ’جنوبی ریاست وکٹوریہ میں واقع یہ مرکز جنوبی کرہ ارض میں اپنی نوعیت کا پہلا مرکز ہے اور دنیا میں اس قسم کی تنصیبات بہت کم ہیں۔

ان کا کہنا تھا کہ’یہ منصوبہ تکنیکی اور ماحولیاتی اعتبار سے ظاہر کرے گا کہ یہ آسٹریلیا اور دنیا کے لیے کتنا اہم ہے‘۔ اس مرکز کو آسٹریلیا کی وفاقی اور ریاستی حکومت کی مدد سے بنایا گیا ہے اور اس تجرباتی منصوبے کی خاصیت ہے کہ یہ تیل، گیس اور کوئلے سے بننے والی کاربن ڈائی آکسائیڈ کے اخراج کو کافی حد تک کم کرے گا۔

آسٹریلوی سائنسدانوں کا ماننا ہے کہ علاقے کی زیر زمین چٹانیں ایک لاکھ ٹن کاربن ڈائی آکسائیڈ جذب کر لیں گی اور انہیں امید ہے کہ یہ گیس غیرمعینہ مدت تک پتھروں میں جذب رہے گی۔

تاہم اس مرکز کے حوالے سے ماحولیات کے بارے میں کام کرنے والے آسٹریلوی ماہرین کا کہنا ہے کہ یہ تکنیک بہت مہنگی ہے اور اس کے بارے میں ابھی بہت سے سوالات کے جواب حاصل کرنا باقی ہے۔

واضح رہے کہ آسٹریلیا کاربن ڈائی آکسائیڈ خارج کرنے والے ممالک میں سر فہرست ہے۔

منتظمین

بہت عمدہ معلومات ہیں۔

عرفان حیدر

سلام،

کچھ سالوں پہلے ریزیڈینٹ ایول کے نام سے فلم آئی تھی جس میں بالکل اسی طرح کا ریسرچ سینٹر تھا جو کہ کئی کیلومیٹر زیرزمین تھا، لگتا ہے کہ یہ اب حقیقت بن چکا ہے۔

وسلام،

محمدعدنان

بہت اچھی معلومات ہیں جناب لیکن یہی میں‌پہلے خبری سیکشن میں‌پوسٹ کرچکا ہوں

وجدان

جناب عدنان صاحب ، یہ مسئلہ پہلے بھی آیا ہے کہ ساری خبریں فرنٹ پر نہیں‌آتی ہیں جسکی وجہ سے پڑھی بھی نہیں‌جاتی(اسکے علاوہ سب کچھ پڑھنے کے لئے بہت سا وقت درکار ہوتا ہے) اور یوں‌ڈبلنگ ہو جاتی ہے، اسکا کوئی حل نکالا جائے۔ تاکہ دو بندے ایک ہی خبر کو بار بار پوسٹ نا کریںِ

شکریہ

منتظمین

اگر خبریں فرنٹ پر آ جائیں تو پھر کچھ اور بچتا ہی نہیں ہے۔۔۔۔ ڈبلنگ سے بچنے ک کے لیے خبروں کے فورم میں ایک دفعہ موضوعات دیکھ لیے جائیں تو کافی مدد مل سکتی ہے۔

ریزڈنٹ ایول اچھی فلم ہے-

__________________
تم سپاہی نہیں ہو پیشہ ور قاتلو!

The Great

اپکا بہت شکریہ۔ بہت اچھی معلومات ہیں

nsa47

زبردست ہے ۔ !