طاھر

السلام علیکم،

ایک شادی شدہ جوڑے کو ان کی شادی کے گیارہ سال بعد اللہ نے ایک بیٹا عطا کیا۔
وہ بیٹا اس جوڑے کی آنکھ کا تارہ تھا اور سب ہنسی خوشی رہ رہے تھے۔

جب وہ بچہ 2 سال کا ہوا تو ایک واقعہ پیش آیا۔

ایک دن صبح‌دفتر جاتے ہوئے آدمی نے دوا کی بوتل کھلی دیکھی، چونکہ وہ جلدی میں تھا لہذا اس نے اپنی بیوی کو تنبیہ کردی کہ اس کو یاد سے جلد از جلد بند کر دے۔ شوہر کے دفتر جانے کے بعد بیوی کام میں اس قدر مصروف ہو گئ کہ اسے دوا کی بوتل کا خیال ہی نہیں آیا۔

دوسری طرف بچے نے ایک خوبصورت چھوٹی سی رنگین بوتل اپنی پہنچ میں دیکھی تو اس نے دیکھا کہ یہ کیا ہے؟ واہ ! کتنا مزیدار شربت لگتا ہے - اور جناب بچے نہ پوری بوتل پی لی۔

یہ دوا دراصل بڑوں کی ایک تیز دوا تھی جسکی خوراک ایک چائے کا چمچہ تھی۔ بچے کے پیتے ہیں اس کی طبیعت خراب ہونے لگی اور جب ماں نے بچے اور بوتل کو دیکھا تو وہ سب سمجھ گئ اور فوراً اسپتال کی طرف بھاگی۔

جب تک غمزدہ اور پریشان باپ اسپتال پہنچا، بچے کا انتقال ہو گیا۔

باپ نے اپنی بیوی سے پوچھا کہ کیا ہوا تھا، جب بیوی نے تمام صورتحال واضح کی تو اس نے انتہائ غمزدہ ہو کر اپنی بیوی کو چار لفظ بولے۔۔۔۔

آپ کا کیا خیال ہے شوہر نے بیوی سے کیا چار لفظ کہے ؟








شوہر نے صرف یہ کہا کہ "میں‌ تمہارے ساتھ ہوں"

شوہر کا یہ انتہائ غیر متوقع رویہ Proactive Behavior کہلاتا ہے

بچہ مر چکا تھا اور اس کو دوبارہ زندہ کرنا ناممکن تھا۔

اس تمام حادثہ کا قصور وار صرف ماں ہی نہیں باپ بھی تھا - کیونکہ اگر وہ پہلے ہی بوتل کو بند کر دیتا تو یہ واقعہ ہی نہ ہوتا۔

دونوں میں کسی نے دوسرے کو اس کا ذمہ دار نہیں ٹہرایا۔ ماں نے اپنا بچہ کھویا ہے، اس سے زیادہ غم کسی کو نہیں ہو سکتا اور اس وقت اسے اپنے شوہر کی ضرورت ہے کہ اس غم کو برداشت کر سکے، لہذا شوہر نے اپنے ان الفاظ سے اسے وہ تمام چیزیں دی دیں جسکی اسے ضرورت تھی۔

اگر ہم تمام دنیا میں اس زاویہ سے دیکھیں تو یقین مانیں دنیا کی کافی مشکلات حل ہو سکتی ہیں۔ ہزاروں میل کا سفر ایک چھوٹے سے قدم سے شروع ہوتا ہے۔ اپنی تمام جلن، حسد، معاف نہ کرنا، خود پسندی اور خوف کی عادات کو نکال باہر کر کے دیکھیں، یہ دنیا اور اس کے لوگ ایسے نہیں جیسے کہ آپ اکثر سوچتے تھے۔

اس واقعے سے ہم یہ سبق حاصل کر سکتے ہیں کہ ہم اکثر اپنا وقت اس بات میں‌ضائع کر دیتے ہیں‌کہ کسی چیز کے ہونے کا ذمہ دار کون ہے، یا کس کی وجہ سے یہ ہوا ہے۔ انگریزی میں جسے کہتے ہیں Blame Game، چاہے وہ خاندانی تعلقات میں ہو، نوکری میں ہو یا دوستوں کے ساتھ، ہمارا وقت انہی میں خرچ ہو جاتا ہے۔اس طریقہ میں‌ ناصرف آپس میں‌غلط فہمیاں‌بڑھتی ہیں، بلکہ انسانوں کے درمیان گرم جوشی اور محبت میں‌بھی کمی آتی جاتی ہے۔

سوچیں‌اور عمل کرنے کی کوشش کرے - اللہ ہم پر آسانی فرمائے !

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

ابن جلال

بہت اچھا لکھا ہے ۔ بہت زبردست

طاھر

السلام علیکم،

پسندیدگی کا شکریہ !

والسلام

طاہر

عبدالقدوس

طاہر بھائی اس کو مینجمنٹ میں نہیں ہونا چاہیے؟

شاہد جمیل حفیظ

ماشاءاللہ
زبردست
کیا خوب تحریر ہے

J.S

بہت خوب طاہر بھائی بہت خوب

arif

طاھرانکل بہت خوب اچھی پوسٹ ہے مزید کا انتظار رہے گا

طاھر

السلام علیکم عبدالقدوس بھائ!

جی ہاں، سوال اچھا ہے، لیکن اس کا تعلق بالواسطہ مینجمنٹ سے نہیں اس لیئے اس کو علیحدہ ہی رکھا تھا۔ باقی آپ لوگ سمجھتے ہیں کہ اس کو مینجمنٹ میں ہونا چاہیے تو پھر ادہر پھینک دیتے ہیں

والسلام
طاہر

شمشاد احمد

بہت خوب۔۔۔۔۔۔۔۔۔۔۔۔۔۔

عدنان دانی

بہت خوب ، جناب۔ کیا بات ہے آپکی

یاسر عمران مرزا

بہت ہی عمدہ جناب
بہت شکریہ

منتظمین

سرورق کے لیے پیش کریں

فیصل ناصر

سرورق کے لئے اپلائی کردیا گیا

ابو عمار العباسی

۔۔۔۔۔۔۔کاش ہم لوگ زندگی کے ہر میدان میں اس زاویے سے سوچا کریں۔۔۔۔۔۔۔