skjatala

امپالا

افریقہ اور دیگر ممالک میں ہرن کی بے شمار اقسام پائی جاتی ہیں۔ لیکن امپالا کی خوبصورتی اور نزاکت سب سے بڑھ کر ہے۔ اس کے بھاگنے اور جست لگانے کا انداز سب سے نرالا اور قابل دید ہوتا ہے۔ اس کی جست اونچی اور لمبی ہوتی ہے۔ ایسا معلوم ہوتا ہے جیسے کسی فلم کو کم رفتار (Slow Motion) سے چلایا جا رہا ہے۔ اس کی جست کے تین درجات ہوتے ہیں۔
(۱) سیدھا ہو کر اوپر چھلانگ مارتا ہے۔ یہ ڈھائی میٹر تک ہو سکتی ہے۔
(۲) ہوا میں معلق ہو کر پیٹ کے نیچے پیر دبا کر جست لگاتا ہے۔
(۳) اپنے دونوں اگلے پیر زمین پر ٹیک کر پھر دوسری جست کے لیے طاقت مجتمع کرتا ہے۔ کبھی کبھی تو اس کی جست سات آٹھ میٹر تک ہوتی ہے۔ جغرافیہ چینل میں اس کی نقل و حرکات کو نہایت خوبصورتی اور چابکدستی سے دکھایا جاتا ہے۔ ایسا معلوم ہوتا ہے جیسے یہ اُڑ رہا ہے اس کی سبک رفتاری اور خوبصورتی کو مدنظر رکھتے ہوئے امریکہ کو ایک موٹر ساز کمپنی نے ایک ماڈل کا نام امبالا رکھا۔

یہ امپالا کے لیے ایک باوقار اعزاز ہے۔ نازک مزاج جانور ہے اس لیے معمولی سی آہٹ پا کر خوفزدہ ہو جاتا ہے، اور بھاگنے کے لیے تیار ہو جاتا ہے۔ نر امپالا کے سینگ کافی مہنگے فروخت ہوتے ہیں اور اس کے گوشت کی لذت کا کیا کہنا۔ اس لیے تو شکاری اس کے پیچھے پڑے رہتے ہیں۔ مادہ امپالا کے سینگ نہیں ہوتے۔

اگر ہوتے ہیں تو برائے نام چند ماہ تک بچہ ماں کے سایہ میں گزارتا ہے۔ اس کے بعد اکیلا گھومنے لگتا ہے، مگر ماں کی نظر ہمیشہ اس پر لگی رہتی ہے۔ یہ کسی سے دشمنی نہیں رکھتا۔ چنانچہ شتر مرغ، زیبرا، لنگور اور دیگر جانوروں کے ساتھ بلا خوف و خطر چرتا ہوا نظر آتا ہے۔
نیازی
امپالا

Attached Images

  

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر

ننھا بچہ

ماشاءاللہ
۔۔۔۔۔۔۔۔۔۔۔۔۔۔۔۔

منتظمین

سرورق کے لیے اپلائی کریں

skjatala

یہ میرا ذاتی نہیں ہے، یہ نیازی صاحب نے دوسری فورم پر لکھا تھا میں نے صرف تصویریں ایڈ کیں ہیں-

راجہ اکرام

شیئرنگ بھی کمال ہے
اور جانوربھی خوبصورت ہے ۔۔۔۔۔ واہ مالک تیری قدرت کے رنگ

shafresha

یہ ایک اچھی اور مُفید شئیرنگ ہے، شئیرنگ کا شکریہ سر جی!!!!!!!!!

عروج

اتنا معصوم جانور۔۔۔۔۔۔۔۔۔۔۔۔۔ اللہ حُسن دیتا ھے تو نزاکت آ ھی جاتی ھے۔