وجدان

طبی ماہرین نے تپ دق کی بیماری کے آغاز کا پتہ چلانے کیلئے فلسطین کے قدیم ترین شہر ''جریکو'' سے ملنے والے انسانی ڈھانچوں پر تحقیق شروع کر دی ہے جس سے بکٹیریا سے متعلق متعدد بمیاریوں کے خلاف تحقیق میں مدد ملنے کی توقع ہے۔ ایک محتاط اندازے کے مطابق تپ دق کا مرض قبل از مسیح عہد میں بھی موجود تھا، جیریکو فلسطین کے مغربی کنارے پر واقعہ دنیا کا قدیم ترین شہر ہے جو قریباً 9 ہزار سال پرانا علاقہ ہے۔ سائنس دانوں کے مطابق تپ دق ہمیشہ زیادہ آبادی والے علاقوں میں پھلتی پھولتی ہے۔ اس لیے اس تاریخی شہر سے ملنے والی ہڈیوں سے تپ دق کے شواہد مل سکتے ہیں۔ ہیبرویونیورسٹی آف یروشلیم کے پروفیسر مارک سپیگی لیمن کی سبراہی میں کام کرنے والی ٹیم تقریباً 6 ہزار سال پرانی انسانی ہڈیوں پر تحقیق میں مصروف ہے۔ ان افراد کی عمریں 50 سے 70 سال کے درمیان معلوم ہوئی ہیں جن میں سے متعدد افراد کی ہڈیوں سے تپ دق کی بیماری کے شواہد ملے ہیں۔ طبی ماہرین نے کہا ہے کہ ہڈیوں سے ملنے والے انسانی ڈی این اے سے اگر ہم اس بیماری کے ارتقاء کو سمجھنے میں کامیاب ہوگئے تو مستقبل میں اس بیماری کے مکمل خاتمے کی راہ ہموار ہو جائے گی۔

arslansun

بہت بہت شکریہ ۔ ۔