وجدان

موبائل فون پر گھنٹوں باتیں کرنے، پیغامات بھجوانے اور مس کالز کرنے والے کو نفسیاتی عارضے لاحق ہوسکتے ہیں۔ ایک تازہ ترین طبی تحقیق کے مطابق موبائل فون کو استعمال کرنے کی عادت ایسے ہی ہے جیسے کسی کو منشیات یاشراب نوشی کی عادت پر جاتی ہے۔ فرق صرف یہ ہے کہ دوسری بری عادتوں سے ذہنی صحت کے علاوہ جسمانی بھی متاثرہ ہوتی ہے لیکن موبائل فون کے استعمال کی عادت سے صرف نفسیاتی عوارض لاحق ہوجاتے ہیں جو اکثرا اوقات کسی نوٹس میں نہیں آتے۔ ایک تازہ ترین طبی تحقیق کے مطابق تحقیق میں شامل 40 فیصد نو عمر افراد نے اعتراف کیا کہ وہ ایک دن میں چار گھنٹے موبائل پر بات کرتے ہیں۔ ان میں سے بہت نوجوانوں نے اس بات کا اظہار کیا کہ اگر ان کی مس کال یا پیغام کا جواب نہ دیا جائے تووہ بہت زیادہ پریشانی کا شکار ہو جاتے ہیں۔ سائنسدانوں کے مطابق موبائل پر گفتگو کے عادی نفسیاتی عارضے میں مبتلا ہونے کے بعد اپنی دوسری اہم سرگرمیوں کو نظر انداز کرنے لگ جاتے ہیں جس کی وجہ سے وہ پڑھائی، دوستوں اور قریبی عزیزوں سے دور ہو جاتے ہیں۔ وہ موبائل کو دنیا سے رابطے کا مسلسل ذریعہ سمجھتے ہوئے روایتی معاشرتی روابط سے دوری اختیار کر جاتے ہیں۔ اسی سوچ کی وجہ سے جب ان کے پاس موبائل نہ ہو تو وہ بے خوابی، بدہضمی، کپکپاہٹ وگھبراہٹ کا شکار ہونے کے علاوہ ذہنی پہچان اور خلفشارمیں مبتلا ہو جاتے ہیں۔

منتظمین

ہر چیز کی زیادتی باعث پریشانی ہوتی ہے۔

nsa47

صحیح بات ہے ۔