فیصل ناصر

گیارہ ستمبر 2001 کو امریکہ پر ہونے والے حملوں کے بعد سے دہشت گردی کے خلاف شروع ہونے والی جنگ میں پاکستان میں سب سے زیادہ ہلاکتیں ہوئی ہیں اور پاکستان کا معاشی نقصان بھی بہت ہوا ہے، لیکن سال دو ہزار ایک سے اب تک پاکستان کو مختلف مدوں میں صرف پندرہ ارب ڈالر کی رقم ادا کی گئی ہے۔

دہشت گردی کے خلاف جنگ پر اٹھنے والے اخراجات کے علاوہ اب امریکہ کیری لوگر بل کے تحت سالانہ ڈیڑھ ارب ڈالر پاکستان کو ادا کرنے کا پابند ہے لیکن اس مد میں بھی پہلے برس اب تک صرف تین سو ملین ڈالر ہی پاکستان کو ملے ہیں۔

پاکستان میں حکام امریکہ کی جانب سے ملنے والی امداد کی تفصیل دینے سے بچنے کی کوشش کرتے ہیں۔ تاہم اعلیٰ فوجی ذرائع نے حال ہی میں بی بی سی کو بتایا کہ سال دو ہزار ایک سے دو ہزار دس تک امریکہ سے پاکستان کو کوئلیشن سپورٹ فنڈ کی مد میں گیارہ ارب ڈالر کے بلوں کے عوض محض دس ارب ڈالر رقم ملی۔

یہ رقم دہشت گردی کے خلاف جنگ میں پاکستان کے اخراجات کے عوض پاکستان کو دی جاتی ہے۔

فوجی حکام کا کہنا ہے کہ اس میں سے صرف ایک عشاریہ چھ ارب ڈالر فوج کو ملے ہیں جبکہ باقی رقم وفاقی حکومت کے خزانے میں جمع ہوئی۔

امریکہ اور پاکستانی فوجی حکام کو اس رقم کے درست استعمال پر تحفظات ہیں۔

اس کے علاوہ امریکہ تین ارب ڈالر سے زائد رقم معاشی مدد کے طور پر اور ڈھائی ارب ڈالر سکیورٹی منصوبوں کے لیے بھی ادا کر چکا ہے۔

پاکستان اور امریکہ کے درمیان اختلافات دہشت گردی کے خلاف جنگ میں خفیہ معلومات کے تبادلے تک محدود نہیں بلکہ اخراجات پر بھی اکثر تنازع رہتا ہے۔ کبھی پاکستان کو اخراجات کی ادائیگی میں امریکہ کی جانب سے تاخیر کی شکایت رہتی ہے تو کبھی امریکہ کو غلط بلوں کا شکوہ رہتا ہے۔

وال سٹریٹ جنرل اخبار کی ایک تازہ رپورٹ کے مطابق پاکستان کی جانب سے بھیجے گئے بلوں کو مختلف وجوہات کی بنا پر مسترد کرنے کی شرح میں بھی گزشتہ چند برسوں میں اضافہ دیکھا جا رہا ہے۔ امریکہ نے گزشتہ برس پاکستان کے چالیس فیصد بل مسترد کیے۔

اخبار کے مطابق صفائی اور کیمیکلز کی مد میں پاکستان کی جانب سے پانچ کروڑ ڈالر کے ایک بل پر امریکہ نے صرف اسی لاکھ ڈالر ادائیگی کی ہیں۔ ادائیگیوں پر اختلافات اپنی جگہ لیکن نہ تو پاکستان کی سیاسی اور نہ فوجی قیادت اس حالت میں ہے کہ امریکی امداد کو مسترد کر سکے۔

یہی وجہ ہے کہ بعض تجزیہ نگاروں کے خیال میں پاکستان ایبٹ آباد کارروائی کے بعد بھی امریکہ کے خلاف سخت موقت اختیار کرنے سے باز رہا ہے۔

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

راجہ اکرام

پہلے تو آتی تھی حال دل پر ہنسی
مگر اب کسی بات پر نہیں آتی