اصل مراسلہ منجانب : gazali دل چاہتا ہے باذوق قارئین کیلئے حضرت ٹیپو سلطان شہید کے تعلق سے دیگر باقیات کو بھی شیئر کر دیا جائے۔پر ڈر لگتا ہے ۔ جی ہاں ناظم صاحب سے ان کا اچھا سا نام ہے ۔راجہ اکرام صاحب سنا ہے موصوف پیر جی بھی کہلاتے ہیں۔

اصل مراسلہ منجانب : gazali دل چاہتا ہے باذوق قارئین کیلئے حضرت ٹیپو سلطان شہید کے تعلق سے دیگر باقیات کو بھی شیئر کر دیا جائے۔پر ڈر لگتا ہے ۔ جی ہاں ناظم صاحب سے ان کا اچھا سا نام ہے ۔راجہ اکرام صاحب سنا ہے موصوف پیر جی بھی کہلاتے ہیں۔

سلطان ٹیپو کی تیغ زنی اور شہادت

تلوار میں جوہر تھے قیامت کی بلاتھی
اغیار کی جس صف میں یہ چمکی وہ صفا تھی

وہ برق تھی یا برق کے ہنسنے کی ادا تھی
آسیب کا سایہ تھی ، چھلاوہ تھی ، قضا تھی

راکب کے وہ دو کر کے ٹہرتی نہ تھی زیں پر
مرکب کی کمر کاٹ کے جاتی تھی زمیں پر

بچ نہ گیا سامنے جو بد گہر آیا
سر جس کا اُٹھا خاک پہ غلطاں نظر آیا

کشتہ ہوا جو سر سے کفن با ندھ کر آیا
کھلتا تھا زباں کا کہ لہو منہ میں بھر آیا

تلوار تھی اعدا کا لہو چاٹ کے مد ہوش
ہر سمت تھا ہنگامہ مہ تفریق سرودوش

ہلچل پڑی اعدا میں جو وہ صف شکن آیا
حال نذر کریں اسکے سوا کچھ نہ بن آیا

اک شور اٹھا رن میں کہ وہ تیغ زن آیا
وہ وقت کہ ہوتے ہیں جدا جان وتن آیا

ہر بار اجل تیغ سے کہتی تھی ٹھر جا
مسدود ہے اس بھیڑ میں رستہ ہی عدم کا

تھی شمع جو سلطان کے اقبال کی روشن
اس نام کی ہیبت سے لرز اٹھتے تھے دشمن

فتنہ کو زمیں پر کہیں ملتا نہ تھا مسکن
ہوتی تھی جدا دوش سے اکڑی ہوئی گردن

ناموسِ وطن شمع تو پروانہ تھا ٹیپو
غیرت کی صدف میں دُر یک دانہ تھا ٹیپو

یہ حکم دیا فوج کو سر جائے تو جائے
سایہ بھی مگر غیر کا قلعے میں نہ آئے

سر اس کا نہ ہو آگے جو پاؤں اٹھائے
اس خط سے خبردار کوئی بڑھنے نہ پائے

پروا نہیں ہر گام پہ باران بلا ہو
جاں ملک کی عزت کے تحفظ پہ فدا ہو

مقتول ہوئے جنگ میں مردان دلاور
باقی نہ رہے لشکر اسلام میں افسر

سچ ہے کہ قضا سے نہیں جیتا کوئی لڑ کر
سلطاں نے پیا نزر میں آب ِ دمِ خنجر

طالع کی خرابی ہو کہ تدبیر کی خامی
اس ملک کی تقدیر میں لکھی تھی غلامی

( مولانا انعام اللہ خان ناصر ایڈیٹر احسان لا ہور) بحوالہ تاریخ سلطنت خدا داد