وجدان

کینیڈا کے طبی ماہرین نے کہا ہے کہ ملیریا کے علاج کی عام دوائی کلوروکوئین میں اینٹی بائیو ٹکس سے ملتے جلتے پائے جانے والے کیمیکلز کے غیر ضروری اور مضر اثرات ہوتے ہیں جس کی وجہ سے بکٹیریا میں دیگر اینٹی بائیوٹکس کے خلاف بھی مزاحمت پیدا ہوجاتی ہے۔ ایک حالیہ رپورٹ کے مطابق کینیڈین ماہرین کی ایک ٹیم نے دور دراز دیہی علاقوں میں 500 دیہاتیوں سے خون کے نمونے لیے جو کہ کلوروکوئین سمیت دیگر اینٹی بائیوٹک ادویات استعمال کرتے رہے تاہم ان میں بکٹیریا نے مزاحمت کر لی۔ ان دیہاتیوں میں سے 5 فیصد نے سیپروفلاکسین نامی اینٹی بائیوٹک کے خلاف بھی مزاحمت کر لی اور ای کولی نامی بکٹیریا تیار کر لیے جو کہ امریکہ جیسے ترقی یافتہ ملک کے انتہائی نگہداشت کے شعبوں میں بھی 4 فیصد تک پائے جاتے ہیں۔ ماہرین کے مطابق ملیریا کے علاج میں استعمال ہونے والی دوائی میں پایا جانے والا کیمیکل کئی اینٹی بائیوٹک ادویات کی بکٹیریا کے خلاف طاقت کم کر دیتا ہے۔