گلاب خان

بازار میں ایک دکان کھلی جو شوہر فروخت کرتی ہے، اس دکان کے کھولتے ہی لڑکیوں اور عورتوں کا اژدہام اس بازار کی طرف چل پڑا- دکان کے داخلہ پر ایک بورڈ رکھا تھا جس پر لکھا تھا-
’’اس دکان میں کوئی بھی عورت یا لڑکی صرف ایک وقت ہی داخل ہوسکتی ہے‘‘۔
پھر نیچے ھدایات دی گئی تھیں کہ : ’’اس دکان کی چھ منزلیں ہیں ہر منزل پر اس منزل کے شوہروں کے بارے میں لکھا ہو گا، جیسے جیسے منزل بڑھتی جائے گی شوہر کے اوصاف میں اضافہ ہوتا جائے گا خریدار لڑکی یا عورت کسی بھی منزل سے شوہر کا انتخاب کر سکتی ہے اور اگر اس منزل پر کوئی پسند نہ آے تو اوپر کی منزل کو جا سکتی ہے۔ مگر ایک بار اوپر جانے کے بعد پھر نیچے نہیں آ سکتی سوائے باھر نکل جانے کے‘‘۔

ایک عورت جو جوان اور خوبصورت تھی دکان میں داخل ہوئی۔
پہلی منزل کے دروازے پر لکھا تھا۔ ’’اس منزل کے شوہر برسر روزگار ہیں اور الله والے ہیں‘‘۔
دوسری منزل کے دروازہ پر لکھا تھا، ’’اس منزل کے شوہر برسر روزگار ہیں، الله والے ہیں، اور بچوں کو پسند کرتے ہیں‘‘۔
تیسری منزل کے دروازہ پر لکھا تھا، ’’اس منزل کے شوہر برسر روزگار ہیں، الله والے ہیں، بچوں کو پسند کرتے ہیں اور خوبصورت بھی ہیں‘‘۔

یہ پڑھ کر عورت کچھ دیر کے لئے رک گئی، مگر پھر یہ سونچ کر کہ چلو ایک منزل اور جا کر دیکھتے ہیں۔ وہ اوپر چلی گئی۔
چوتھی منزل کے دروازہ پر لکھا تھا، ’’اس منزل کے شوہر برسر روزگار ہیں، الله والے ہیں، بچوں کو پسند کرتے ہیں،خوبصورت ہیں اور گھر کے کاموں میں مدد بھی کرتے ہیں‘‘۔
یہ پڑھ کر اس کو غش سا آنے لگا، کیا ایسے بھی مرد ہیں دنیا میں؟ وہ سونچنے لگی کہ شوہرخرید لے اور گھر چلی جائے، مگر دل نہ مانا، وہ ایک منزل اور اوپر چلی آئی-

وہاں دروازہ پر لکھا تھا -
’’اس منزل کے شوہر برسر روزگار ہیں، الله والے ہیں، بچوں کو پسند کرتے ہیں، بیحد خوبصورت ہیں، گھر کے کاموں میں مدد کرتے ہیں اور رومانٹک بھی ہیں‘‘۔

اب اس عورت کے اوسان جواب دینے لگے- وہ خیال کرنے لگی کہ ایسے مرد سے بہتر بھلا اور کیا ہو سکتا ہے مگر اس کا دل پھر بھی نہ مانا وہ چھٹی منزل پر چلی گئی۔
یہاں بورڈ پر لکھا تھا،
’’آپ اس منزل پر آنے والی ٣٤٤٨ ویں خاتوں ہیں - اس منزل پر کوئی بھی شوہر نہیں ہے، یہ منزل صرف اس لئے بنائی گئی ہے تا کہ اس بات کا سبوت دیا جا سکے کہ

’’عورت کو مطمئن کرنا نا ممکن ہے‘‘

آگے لکھا تھا

ہماری اسٹور پر آنے کا شکریہ، سیڑھیاں باھر کی طرف جاتی ہیں

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)

احمد بلال

یار کیا ڈرامہ کیا شاپ والے نے۔ میرا خیال ہے اگر وہ لڑکی کسی منزل میں چلی بھی جاتی تو اسے ٹرخا دیا جاتا۔ کیونکہ انتی خوبیاں بہرحال مشکل سے ہوتی ہیں ایک شخص‌میں

سحر

خیر یہ خوبیاں اتنی انوکھی بھی نہیں ہیں ۔
جو شوہر اسلام سے قریب ہوتے ہیں ان میں یہ خوبیاں بدرجہ اتم پائی جاتی ہیں ۔
اسی لیے کہتے ہیں شادی کے وقت باقی چیزوں سے ذیادہ انساان کا ایمان دیکھنا چاہیے ۔
شکریہ

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

ARHAM

میرے پاس بھی یہ ای میل آئی تھی ۔۔۔میں سوچتی ہوں مرد ان باتوں پر اتنا خوش کیوں ہوتے ہیں ۔۔۔
دیکھا جائےتو جتنی چھان پھٹک اور اعتراضات لڑکیوں کو تلاش کرنے میں جاتی ہے لڑکے والوں کی طرف سے اتنے اعتراضات لڑکی والوں کی طرف سے نہیں ہوتے ۔۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

پاکستانی

لڑکی والوں کی طرف سے عموماََ تین چیزیں دیکھی جاتی ہے۔ لڑکا نیک اور خوش اخلاق ہو، گھر یا گھریلو ماحول اچھا ہے، روزگار اچھا ہو،

چھان پھٹک اور اعتراضات لڑکیوں کو ڈھونڈنے کے حوالے سے زیادہ اہمیت رکھتا ہے لڑکوں کے معاملے میں۔ اور بہنا اس بات میں حکمت کی بات موجود ہے۔
جس کی ایک چھوٹی سے مثال یہ کہ ایک لڑکے کو ہمیشہ انفرادی طور پر دیکھا جاتا ہے جبکہ ایک لڑکی کا اثرورسوخ ایک خاندان تک جاتا ہے

__________________

ARHAM

پاکستانی بھای
میرا کہنے کا مقصد صرف یہ تھا کہ
جب تحقیقات لڑکی کے لیے زیادہ ہوتی ہیں تو یہ لطیفہ ہی غلط ہوجاتا ہے ۔۔۔
باقی یہ ٹاپک بہت وسیع ہے ۔۔ !!

گلاب خان

اعتراض تو بلاوجہ بھی کئے جاسکتے ہیں، لیکن شادی سے پہلے مرد یا عورت دونوں کے لئے معیار وہی ہونا چاہیئے جو اللہ اور اللہ کے آخری نبی صلی اللہ علیہ وآلہ وسلم نے فرمایا ہے۔

راجہ اکرام

احمد بھائی
اتنا قحط بھی نہیں ہے
اس سے زیادہ خوبیاں بھی ہوتی ہیں ، بلکہ یہ تو ان کا عشر عشیر بھی نہیں ہیں

__________________
محتاج اصلاح و دعا

حیدر

جی ہاں آپ نے بالکل بجا فرمایا ۔ اب مجھے ہی دیکھ لیں۔ فی الوقت میں کسی ک شوہر تو نہیں ہوں لیکن خوبیوں کے معاملے میں آپکا زیر خط فقرہ مجھے ہی بیان کرتا ہے

راجہ اکرام

جی بدر بھائی
لیکن میرا روئے سخن راجہ اکرام کی جانب تھا
چلیں اگر آپ بھی میری طرح ہیں تو کم از کم احمد بلال بھائی کو تسلی ہو جائے گی کہ ایک سے زائد افراد ان صفات سے متصف پائے جاتے ہیں

حیدر

چناچہ۔ ۔ ۔ وہ کیا ہے کہ خؤاتین مایوس نہ ہوں۔ ان کو آخری منزل پر بھی مایوس نہیں ہونا پڑے گا۔

راجہ اکرام

جی اگر یہی حال رہا تو چھت پر بھی لوگ ملیں گے

بلال اویسی

واہ واہ کیا آمد ہوئی ہے۔سنئے سنئےمطلب پڑھیئے

چھت تو چھت چھجے بھی ناچھوڑے ہم نے

ایک خاتون کی خواہش ہےکہ
چھت تو چھت چھجے بھی ناچھوڑے ہم نے

حضرت علامہ اقبال سے معذرت کے ساتھ

چھت تو چھت چھجے بھی ناچھوڑے ہم نے
دیواروں پے دوڑا دیئے گھوڑے ہم نے

ھارون اعظم

اپنے منہ میاں‌ مٹھو بن رہے ہیں راجہ بھائی اور بدر بھائی۔ ارے یار کسرِ نفسی سے کام لینا چاہیئے۔

__________________


http:// haroonazam.wordpress.com

ھارون اعظم کا بلاگ۔

marhaba

یہ صرف عورت کی بات نہیں ۔میں سمجھتا ہوں کہ یہ انسان کی بات ہے۔اس میں مردوعورت سب شامل ہیں۔
بات گرچہ کہ مزاحیہ ہے۔ لیکن حقیقت کی عکاسی کررہی ہے۔
جزاکم اللہ خیرا