السلام علیکم

یہ سوال خاص طور پر عبدالقدوس بھائی سے ہے جو کہ نادرا کے متعلق کافی معلومات رکھتے ہیں۔ اگر کوئی دوسرے صاحب چاہیں تو وہ بھی جواب دے سکتے ہیں۔ میرا پاکستانی نیشنل آئی ڈی کارڈ تقریبا 6 ماہ پہلے ایکسپائر ہو گیا ہے ، یعنی اس کی معیاد ختم ہو چکی ہے۔ سعودی عرب میں ہم پاسپورٹ اورشناختی کارڈ سے متعلقہ خدمات پاکستان ایمبیسی جدہ سے حاصل کرتے ہیں۔ اگر شناختی کارڈ ایکسپائر ہونے پر بروقت تجدید نہ کرایا جائے تو اس کا کوئی جرمانہ تو نہیں؟

نیز اگر فوری طور پر اسے تجدید نہ کراؤں تو کوئی پرابلم تو نہیں، میرا مطلب ہے ایک دو مہینے بعد کرا لوں تو ٹھیک رہے گا؟

اور کیا ہمارے اختیار میں ہے کہ ہم 5 سال کا یا 10 سال کا آئی ڈی بنوا لیں؟ پاکستان میں تو اردو کارڈ آسانی سے چل جاتا ہے۔لیکن یہاں پر اکثر لوگ ضرورت پڑنے پر انگریزی کارڈ بنوا لیتے ہیں۔ تو کیا انگریزی کا کارڈ بنوا لوں؟ جو پاکستان میں بھی چل جائے اور یہاں بھی۔

اور یہ NICOP کیا بلا ہے اور کیا مجھے اس کی کوئی ضرورت ہو سکتی ہے ؟ ابھی اگر میں NICOP بنوا لوں تو مجھے عام آئی ڈی کارڈ ایمبیسی کو واپس کرنا پڑے گا؟ بعدازاں پاکستان جانے پر یہ NICOP کارآمد ہو گا یا نہیں؟

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com