ایران کی جانب سے خلاء میں تحقیقاتی راکٹ بھیجے جانے اور خلائی کلب میں شامل ہونے کی ایران کی صلاحیت پر مغربی ذرائع ابلاغ میں وسیع رد عمل سامنے آیا ہے ۔

مغربی خبررساں ایجنسیوں نے ایرانی وزير دفاع کے اس بیان کااعلان کرتے ہوئے کہ ایران اب خلائی کلب میں شامل ہوسکتا ہے ، ایران کی جانب سے خلاء میں تحقیقاتی راکٹ بھیجے جانے کے بارے میں معاندانہ پروپیگنڈہ شروع کردیا ہے ۔

سی این این نے ایران کا تحقیقاتی راکٹ خلاء میں بھیجے جانے پر اپنے ردعمل میں کہا کہ ایران کا یہ اقدام بقول اس کے ایسی حالت میں انجام پایا ہے کہ ایٹمی مسئلے میں بحران شدید ہوگیا ہے اور ایران کے نائب وزير خارجہ نے اس بات پر زوردیا ہے کہ ایران امریکہ کے ممکنہ حملے کی صورت میں بھی اپنی ایٹمی سرگرمیاں جاری رکھے گا ۔

سی این این نے اس کا کوئي ذکر نہیں کیا کہ دونوں باتوں میں کیا تعلق پایا جاتا ہے ۔

واشنگٹن میں انٹرنیشنل سیکورٹی آرگنائزیشن کے ڈائریکٹر جان پائک نے بھی سی این این سے ایک انٹرویو میں اعتراف کیا کہ ایران کا پہلا خلائی تحقیقاتی راکٹ جسے کامیابی کے ساتھ خلاء میں بھیجا گیا ۔

ایران کے ادارۂ خلائي تحقیقات نے تیار کیاہے ۔

ایران کے خلائی تحقیقاتی ادارے کے سربراہ محسن بہرامی نے بتایا کہ یہ خلائی تحقیقاتی راکٹ ایران کی وزارت دفاع اور سائنس ، ریسرچ اینڈ ٹیکنالوجی کی وزارت کے باہمی معاہدے کے بعد دفاعی صنعت کے تحقیقاتی ادارے نے تیار کیا ۔

انہوں نے بتایا کہ یہ خلائي تحقیقاتی راکٹ محمکۂ زراعتی جہاد کے انجینئرنگ کالج کے تیار کردہ راکٹ لانچر کے ذریعے خلاء میں بھیجا گیا ۔

انہوں نے بتایا کہ اس راکٹ کی ڈیزائننگ اور تیاری کے تمام مراحل ایران کے خلائی تحقیقاتی ادارے کے سائنسدانوں اور ماہرین کے ذریعے انجام پائے ہیں ۔

اس میں شک نہیں کہ ایران نے دور مار بیلسٹک میزائل تیار کرنے کی توانائیاں کافی بڑھا لی ہیں۔

یورو نیوز نے بھی ایک رپورٹ میں ایران پہلا راکٹ خلاء میں بھیجنے کی خبر دی اور کہا یہ راکٹ کے اندر تیار ہونے والے تحقیقاتی آلات لے جانے کی صلاحیت رکھتا ہے ۔ یورو نیوز نے اپنی رپورٹ میں مزید کہا کہ اس خبر کا اعلان ایسے موقع پر کیا گیا ہے کہ ایران کے ایٹمی معاملے میں بقول اس کے بین الاقوامی برادری اور ایران کے درمیان کشیدگي بڑھ گئی ہے ۔

تہران میں بی بی سی کی نامہ نگار فرانسس ہیریسن نے بھی کہا کہ بقول ان کے واضح ہے کہ اس راکٹ میں ایسی ٹیکنالوجی سے کام لیا گيا ہے جو ایران کے شہاب تین بیلسٹک میزائلوں میں استعمال کی گئی ہے ۔

فرانسس ہیری سن نے اپنی رپورٹ میں مزيد کہا کہ فوجی ماہرین کا کہنا ہے کہ اگر ایران نے واقعی ایسا کوئی راکٹ خلاء میں بھیجا ہے تو اس کا مطلب یہ ہے کہ ایران نے میزائل کی ٹیکنالوجی میں قابل توجہ پیشرفت کرلی ہے اور اس نے راکٹ کو ٹھنڈا رکھنے والے انجن تیار کرلئے ہیں ۔

صیہونی حکومت کے سائنس دان تل اینبار نے ایران کی فضائي صلاحیتوں پر تشویش کا اظہار کیا ہے ۔

موصولہ اطلاعات کے مطابق اسرائیلی اخبار یروشلم پوسٹ نے لکھا ہے کہ صیہونی حکومت کے فضائي و خلائي اسٹڈیز کے فیشر انسٹی ٹیوٹ کے ایک سنیئر رکن تل اینبار نے خلا میں راکٹ بھیجنے میں ایران کی کامیابی پر اپنی تشویش کا اظہار کرتے ہوئے اسے صیہونی راہنماؤں کے لئے لمحہ فکریہ قراردیا ہے ۔واضح رہے کہ ایران نے دو دن قبل خلاء میں اپنا پہلا راکٹ بھیجنے کا کامیاب تجربہ کیا تھا ۔(26 فروری 2007)

__________________