ریاض ۔ سعودی عرب نے کہا ہے کہ ایران پر حملے کیلئے خلیجی ممالک لانچنگ پیڈ نہیں بنیں گے۔ اتوار کو سعودی عرب، ایران اور خلیج تعاون کونسل کی تقریب سے خطاب کرتے ہوئے سعودی وزیر داخلہ شہزادہ نائف نے کہا کہ خلیجی ممالک کو ایران کیخلاف کسی بھی فوجی کارروائی کیلئے لانچنگ پیڈ کے طور پر استعمال نہیں کیا جائے گا۔ انہوںنے کہا کہ ایران پر امریکی حملے کی صورت میں ایران کو پڑوسی عرب ممالک پر حملے میں کوئی دلچسپی نہیں۔ ہمارے ایرانی بھائی باخبر ہیں اور ایرانی پڑوسیوں اور اپنے بھائیوں کو نقصان پہنچانے کا باعث نہیں بنے گا اور نہ ہی عرب ممالک ایرانی بھائیوں کے نقصان کا ذریعہ بنیں گے۔

__________________