چاچا کمال

سعودی عرب میں ان دنوں پاکستان کی ایک خاتون کی کہانی اخبارات کی زینت بنی ہوئی ہے۔
اس کہانی کی ابتداء بیس سال قبل اس وقت ہوئی جب وزیرا نامی لڑکی کے والد نے اس کے رشتے کے لیے زہریا نامی لڑکے کو زبان دی کہ جیسے ہی لڑکی شادی کی عمر کو پہنچے گی اس کی شادی اس سے کردی جائے گی۔

اس رشتے کے عوض لڑکی کے والد نے پینتیس ہزار سعودی ریال بطور جہیز کی رقم کے اس لڑکے سے دو عینی شاہدین کی موجودگی میں لیے۔

اس بات کے کچھ عرصے بعد زہریا پاکستان چلا گیا۔دوسری طرف جب وزیرا جوان ہوئی تو وہ علی نامی ایک لڑکے کی محبت میں مبتلا ہو گئی۔ اس کے والد نے اسے زہریا سے کیا اپنا وعدہ یاد دلایا اور یہ بھی بتایا کہ وہ اس رشتے کے عوض رقم بھی لے چکا ہے لیکن وزیرا نے اس کی ایک نہ سنی اور علی سے شادی کرلی۔

علی سے شادی کے بعد ان کےیہاں دو بچے نجف اور نیف ہوئے۔

اس شادی کے پانچ سال بعد زہریا واپس لوٹ آیا تو اسے علم ہوا کہ اس کی غیر موجودگی میں اس کی بیوی کی شادی کسی اور کے ساتھ ہو گئی ہے۔

اس واقعے کے ادراک کے بعد ہی اس نے علی اور وزیرا کی شادی کی قانونی حیثیت کو چیلنج کردیا اور شریعت کورٹ میں اپنی بیوی کی تحویل کے لیے درخواست دائر کی۔

عدالت نے علی اور وزیرا کی شادی کو مسترد کرتے ہوئے وزیرا کو حکم دیا کہ وہ علی کو چھوڑ دے۔ سعودی عرب کی سب سے بڑی عدالت نے بھی اس فیصلے کی توثیق کی۔

وزیرا نے اس فیصلے کے خلاف اپیل کی جسے شریعہ کی اعلی عدالت نے یہ کہہ کر مسترد کردیا کہ وزیرا نے جو نکات اٹھائے ہیں وہ قانونی طور پر ناکافی ہیں۔

آخر میں اس نے اپنے پہلے شوہر زہریا سے خلع کے لیے درخواست دائر کی۔

کئی پیشیوں کے بعد عدالت نے وزیرا کو کہا کہ وہ خلع سے پہلے زہریا سے لیا پیسہ واپس کرے۔

تیرہ دسمبر کو اس کیس کی سماعت کے لیے تاریخ مقرر کی گئی لیکن اس وقت تک چونکہ وزیرا یہ رقم جمع نہیں کر سکی تھی چنانچہ عدالت نے سماعت اس وقت تک کے لیے ملتوی کردی جب تک کہ اپنی آزادی کے لیے وہ متعلقہ رقم جمع نہیں کر لیتی۔

اسی دوران زہریانے وزیرا کے والد کےخلاف ایک اور کیس داخل کیا جس میں اس نے انہیں اس کی غیر موجودگی میں وزیرا کی شادی کسی اور سے کرنے کا مجرم ٹھرایا۔

اس تمام قصے میں زہریا کے خلاف جو بات جاتی ہے وہ اس کی اتنی طویل غیر حاضری ہے اور شاید عدالت اس بنیاد پر وزیرا کے خلع کے مقدمے کی اپیل پر غور کر لے۔

اب اس غریب لڑکی کا عجیب حال ہے کہ وہ دو افراد کی بیوی ہے یا ان میں سے کسی کی نہیں۔ آخر وہ کس کی بیوی ہے یہ تو وقت ہی بتائے گا۔


دیکھیں اسلامی ملک میں کیا ہو رہا ہے؟

شیخ ہمدان

بھائی میرے یہ نہ کہیں کہ اسلامی ملک میں‌ کیا ہو رہا ہے، یہ کہیں کہ اسلامی لوگ کیا کر رہے ہیں!
اگر شادی ہوئی ہی نہیں تو خلع کس بات کا اور اگر شادی ہوئی ہے تو پھر نکاح پر نکاح جائز نہیں۔ یہ حرام شادی ہے۔ لڑکی کو غریب نہیں کہنا چاہئے۔ اسے پیسے واپس کرنے چاہئیں۔

زندہ دل

اسلام علیکم!

ہاں جناب شیخ ہمدان صاحب بلکل ٹھیک کہا آپ نے۔۔۔

عبدالقدوس

میرے خیال سے صرف پیسوں کی واپسی پر اکتفاء نہیں کرنا چاہیےبلکہ ساتھ میں تینوں کو سزا بھی دینی چاہیے

وجدان

ویسے میرے خیال میں شوہر تو وہی ہے جس کے ساتھ نکاح ہوا ہے، شادی کے لئے پیسے باپ نے لئے تھے نا کہ لڑکی نے خود، دوسری بات یہ کہ لڑکی نا بالغ تھی، تیسری بات کہ اسلام میں پیسوں کے عوض کسی لڑکی کو کسی کے لئے مختص کر دینا جائز نہیں‌ہے، چوتھی بات زہریا صاحب کو کس نے کہا تھا کہ وہ اتنے عرصے غائب رہیں؟
کمال ہے سیدھی سی بات ہے جسے خوامخواہ جلیبی بنایا ہوا ہے۔

خلیل

میرے خیال میں

ابھی کچھ نہیں آیا جب کوئی بات آئی تو بتا دونگا

عبدالقدوس

ویسے میں نے کہیں پڑھا اور سنا ہے کہ اگر خاوند بیوی سے 6 ماہ دور رہے تو بیوی جزوی طلاق لے سکتی ہے

nad67

اسلامی عدالت کا حکم سر آنکھوں پہ

فیصل ناصر

چا چا خبر کا لنک بتائیں گے کیا ؟
کچھ عرصہ پہلے میں نے ایسی ہی ایک بات بطور پہیلی سنی تھی

کنعان

یہ کہانی کسی پاکستانی کی نہیں بلکہ کسی عربی کے ہے کیونکہ اس میں جو کریکٹر ہیں وہ عربی نام کے ہیں۔

اور یہ کہانی آپ نے 2008 میں لگائی تھی تو یہ کہانی 30 دسمبر 2005 میں بی
بی سی نے شائع کی تھی اس کا لنک یہ ھے

BBCUrdu.com

آئیں اس کے کچھ پہلوؤں پر روشنی ڈالتے ہیں




20 سال پہلے جب وہ لڑکی پیدا ہوئی تو وہ جس نے 35 ہزار ریال دئے تھے وہ کوئی آدمی ہی ہو گا
اور سعودی عرب میں کوئی بھی پاکستانی ایسا نہیں جس کے پاس آج کی تاریخ کے حساب سے 24 سال پہلے کسی پاکستانی کے پاس 35 ہزار ریال ہونگے اور اس نے کسی کو دئے ہونگے۔



2005 میں یہ سٹوری اخبار میں لگی
معاہدے کے 15 سال بعد لڑکی کی شادی ہوئی
شادی کے 5 سال بعد وزیرا واپس آیا
اب زہریا معاہدے کے کچھ عرصہ بعد کب پاکستان گیا تھا جبکہ 15 سال بعد اس کی شادی ہوئی



سعودی عرب میں کوئی بھی پاکستانی لڑکی محبت کی شادی اپنی مرضی سے نہیں کر سکتی کیونکہ سعودی عرب کا قانون ھے وہاں کوئی بندہ اپنی بہن کے گھر کے سواہ کسی دوست کے گھر بھی اس کے خاوند کے بغیر نہیں جا سکتا۔ جو بھائی سعودی عرب میں فیملی والے رہتے ہیں وہ اچھی طرح جانتے ہیں۔



بچوں کے بھی عربی نام



زیریا معاہدے کے کچھ عرصے بعد پاکستان جاتا ھے اور شادی کے 5 سال بعد واپس بھی آ گیا ڈبل شاٹ
شادی ہوئی نہیں تو بیوی کہاں سے بن گئی



ناممکن کوئی پاکستانی ایسا نہیں کر سکتا سعودی میں یہ کسی عربی کا کام ہی ھے۔



یہ سٹوری پاکستانی کی کبھی نہیں ہو سکتی


یہ لکھنے میں آپ بھی غلطی کر گئے دوست