کریملن کا گھڑیال

کریملن کا گھڑیال · 27-02-11, 05:07 AM

السلام علیکم ورحمۃ اللہ وبرکتہ
ماسکو کے باشندے اکثر صحیح وقت معلوم کرنے کے لیے وہ گھڑیال دیکھتے ہیں جو کریملن کے سپاسکایا برج پر نصب ہے۔ یہ گھڑیال پندرہویں صدی کے آخر میں اس برج پر نصب کیا گیا تھا۔ گزشتہ صدیوں کے دوران گھڑیال کو چند مرتبہ تبدیل کیا جانا پڑا کیونکہ وہ یا تو آگ سے جل جاتا تھا یا پھر خراب ہو جاتا تھا۔

آج سپاسکایا پرج پر جو گھڑیال ہے وہ ملکۂ روس Yekaterina دویم کے دور حکومت میں 1767 میں نصب کیا گیا تھا۔ اس عرصے میں گھڑیال کی کئی بار مرمت کی گئی ہے۔ پچھلی بار اس کی مرمت 1999 میں ہوئی تھی۔

کریملن کا گھڑیال بہت ہی بڑا ہے۔ اس کا اندازہ لگانے کے لیے یہ کہنا کافی ہوگا کہ یہ گھڑیال سپاسکایا برج کی تین منزلوں پر واقع ہے۔ گھڑیال کے ڈائل کا قطر چھہ میٹر ہے اور چھوٹی سوئی تین میٹر لمبی ہے۔ گھڑیال کی مشینری پچیس ٹن وزنی ہے جو 160 سے 220 کلوگرام وزنی باٹوں کے زیر اثر چلتی ہے۔ کسی برج پر نصب یہ یورپ کا واحد گھڑیال ہے جو اس طریقے سے کام کرتا ہے۔

کریملن کے گھڑیال کی موسیقی کی مشین تانبے کی بنی دس گھنٹیوں پر مشتمل ہے جن میں سے سب سے بڑی گھنٹی کا وزن دو ٹن ہے۔ یہ گھنٹی ہر گھنٹے کے بعد بجتی ہے جبکہ باقی نو گھنٹیاں ہر پندرہ منٹ کے بعد۔ کچھ عرصہ پہلے سپاسکایا برج پر لوہے کے چند تختے لگا دئے گئے ہیں جن کے ذریعے دو پہر اور آدھی رات روس کے قومی ترانے کی دھن بجائی جاتی ہے۔

چند سال قبل ماسکو میں یہ خیال عام ہوا تھا کہ فرسودہ ہونے والے گھڑیال کو کریملن سے ہٹا کر کسی عجائب گھر میں رکھا جانا ہوگا اور اس کی جگہ جدید الیکٹرانک سسٹم نصب کیا جانا ہوگا۔ خوش قسمتی سے اس منصوبے پر عمل درآمد نہیں کیا گیا۔ اس کی بجائے گھڑیال کی مشینری کو برقیانے کا فیصلہ کیا گیا اور اسے علم فلکیات کے ماسکو کے ادارے کے نگراں گھڑیال سے وابستہ کر دیا گیا۔ اب کریملن کے گھڑیال کی مشینری کو ہاتھوں سے نہیں چلانا پڑتا۔ اس کے علاوہ اب یقین سے کہا جا سکتا ہے کہ اس گھڑیال پر وقت ہمیشہ صحیح ہوتا ہے۔

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)