|
|||||||
| دیوان غالب کاغذی ہے پیرہن ہر پیکرِ تصویر کا نقش فریادی ہےکس کی شوخئ تحریر کا مرزہ اسد اللہ خان غالب صاحب کی شاعری |
دیوان غالب (باب 1)
 |
|
|
LinkBack | موضوع کے اختیارات | موضوع کی درجہ بندی | ظاہری انداز |
20-07-07, 11:43 AM
|
#1 |
|
ناظم اعلی
 
تاریخ شمولیت: Jun 2007
عمر: 30
مراسلات: 12,482
کمائي: 8,120,880,613,345
شکریہ: 7,484
3,660 مراسلہ میں 9,157 بارشکریہ ادا کیا گیا
|
دیوان غالب (باب 1)
کاغذی ہے پیرہن ہر پیکرِ تصویر کا
نقش فریادی ہےکس کی شوخئ تحریر کا کاغذی ہے پیرہن ہر پیکرِ تصویر کا کاوکاوِ سخت جانی ہائے تنہائی نہ پوچھ صبح کرنا شام کا، لانا ہے جوئے شیر کا جذبۂ بے اختیارِ شوق دیکھا چاہیے سینۂ شمشیر سے باہر ہے دم شمشیر کا آگہی دامِ شنیدن جس قدر چاہے بچھائے مدعا عنقا ہے اپنے عالمِ تقریر کا بس کہ ہوں غالب، اسیری میں بھی آتش زیِر پا موئے آتش دیدہ ہے حلقہ مری زنجیر کا [ترمیم] مبارک باد اسد، غمخوارِ جانِ دردمند آیا جراحت تحفہ، الماس ارمغاں، داغِ جگر ہدیہ مبارک باد اسد، غمخوارِ جانِ دردمند آیا [ترمیم] صحرا، مگر، بہ تنگئ چشمِ حُسود تھا جز قیس اور کوئی نہ آیا بروئے کار صحرا، مگر، بہ تنگئ چشمِ حُسود تھا آشفتگی نے نقشِ سویدا کیا درست ظاہر ہوا کہ داغ کا سرمایہ دود تھا تھا خواب میں خیال کو تجھ سے معاملہ جب آنکھ کھل گئی نہ زیاں تھا نہ سود تھا لیتا ہوں مکتبِ غمِ دل میں سبق ہنوز لیکن یہ کہ رفت گیا اور بود تھا ڈھانپا کفن نے داغِ عیوبِ برہنگی میں، ورنہ ہر لباس میں ننگِ وجود تھا تیشے بغیر مر نہ سکا کوہکن اسد سرگشتۂ خمارِ رسوم و قیود تھا [ترمیم] دل کہاں کہ گم کیجیے؟ ہم نے مدعا پایا کہتے ہو نہ دیں گے ہم دل اگر پڑا پایا دل کہاں کہ گم کیجیے؟ ہم نے مدعا پایا عشق سے طبیعت نے زیست کا مزا پایا درد کی دوا پائی، درد بے دوا پایا دوست دارِ دشمن ہے! اعتمادِ دل معلوم آہ بے اثر دیکھی، نالہ نارسا پایا سادگی و پرکاری، بے خودی و ہشیاری حسن کو تغافل میں جرأت آزما پایا غنچہ پھر لگا کھلنے، آج ہم نے اپنا دل خوں کیا ہوا دیکھا، گم کیا ہوا پایا حال دل نہیں معلوم، لیکن اس قدر یعنی ہم نے بار ہا ڈھونڈھا، تم نے بارہا پایا شورِ پندِ ناصح نے زخم پر نمک چھڑکا آپ سے کوئی پوچھے تم نے کیا مزا پایا [ترمیم] ہم نے دشتِ امکاں کو ایک نقشِ پا پایا ہے کہاں تمنّا کا دوسرا قدم یا رب ہم نے دشتِ امکاں کو ایک نقشِ پا پایا [ترمیم] آتش خاموش کی مانند، گویا جل گیا دل میرا سوز ِنہاں سے بے محابا جل گیا آتش خاموش کی مانند، گویا جل گیا دل میں ذوقِ وصل و یادِ یار تک باقی نہیں آگ اس گھر میں لگی ایسی کہ جو تھا جل گیا میں عدم سے بھی پرے ہوں، ورنہ غافل! بارہا میری آہِ آتشیں سے بالِ عنقا جل گیا عرض کیجئے جوہرِ اندیشہ کی گرمی کہاں؟ کچھ خیال آیا تھا وحشت کا، کہ صحرا جل گیا دل نہیں، تجھ کو دکھاتا ورنہ، داغوں کی بہار اِس چراغاں کا کروں کیا، کارفرما جل گیا میں ہوں اور افسردگی کی آرزو، غالب! کہ دل دیکھ کر طرزِ تپاکِ اہلِ دنیا جل گیا [ترمیم] قیس تصویر کے پردے میں بھی عریاں نکلا شوق، ہر رنگ رقیبِ سروساماں نکلا قیس تصویر کے پردے میں بھی عریاں نکلا زخم نے داد نہ دی تنگئ دل کی یارب تیر بھی سینۂ بسمل سے پَرافشاں نکلا بوئے گل، نالۂ دل، دودِ چراغِ محفل جو تری بزم سے نکلا، سو پریشاں نکلا دلِ حسرت زدہ تھا مائدۂ لذتِ درد کام یاروں کا بہ قدرٕ لب و دنداں نکلا اے نو آموزِ فنا ہمتِ دشوار پسند! سخت مشکل ہے کہ یہ کام بھی آساں نکلا دل میں پھر گریے نے اک شور اٹھایا غالب آہ جو قطرہ نہ نکلا تھا سُو طوفاں نکلا ۔۔۔۔۔ نسخۂ حمیدیہ میں مزید شعر: شوخئِ رنگِ حنا خونِ وفا سے کب تک آخر اے عہد شکن! تو بھی پشیماں نکلا [ترمیم] "عشقِ نبرد پیشہ" طلبگارِ مرد تھا دھمکی میں مر گیا، جو نہ بابِ نبرد تھا "عشقِ نبرد پیشہ" طلبگارِ مرد تھا تھا زندگی میں مرگ کا کھٹکا لگا ہوا اڑنے سے پیشتر بھی، مرا رنگ زرد تھا تالیفِ نسخہ ہائے وفا کر رہا تھا میں مجموعۂ خیال ابھی فرد فرد تھا دل تاجگر، کہ ساحلِ دریائے خوں ہے اب اس رہ گزر میں جلوۂ گل، آگے گرد تھا جاتی ہے کوئی کشمکش اندوہِ عشق کی ! دل بھی اگر گیا، تو وُہی دل کا درد تھا احباب چارہ سازئ وحشت نہ کر سکے زنداں میں بھی خیال، ببایاں نورد تھا یہ لاشِ بے کفن اسد خستہ جاں کی ہے حق مغفرت کرے عجب آزاد مرد تھا [ترمیم] تماشائے بہ یک کف بُردنِ صد دل، پسند آیا شمار سبحہ،" مرغوبِ بتِ مشکل" پسند آیا تماشائے بہ یک کف بُردنِ صد دل، پسند آیا بہ فیضِ بے دلی، نومیدئ جاوید آساں ہے کشائش کو ہمارا عقدۂ مشکل پسند آیا ہوائے سیرِگل، آئینۂ بے مہرئ قاتل کہ اندازِ بخوں غلطیدنِ*بسمل پسند آیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ اصل نسخۂ نظامی میں ’غلتیدن‘ ہے جو سہوِ کتابت ہے [ترمیم] ہے یہ وہ لفظ کہ شرمندۂ معنی نہ ہوا دہر میں نقشِ وفا وجہ ِتسلی نہ ہوا ہے یہ وہ لفظ کہ شرمندۂ معنی نہ ہوا سبزۂ خط سے ترا کاکلِ سرکش نہ دبا یہ زمرد بھی حریفِ دمِ افعی نہ ہوا میں نے چاہا تھا کہ اندوہِ وفا سے چھوٹوں وہ ستمگر مرے مرنے پہ بھی راضی نہ ہوا دل گزر گاہ خیالِ مے و ساغر ہی سہی گر نفَس جادۂ سرمنزلِ تقوی نہ ہوا ہوں ترے وعدہ نہ کرنے پر بھی راضی کہ کبھی گوش منت کشِ گلبانگِ تسلّی نہ ہوا کس سے محرومئ قسمت کی شکایت کیجیے ہم نے چاہا تھا کہ مر جائیں، سو وہ بھی نہ ہوا مر گیا صدمۂ یک جنبشِ لب سے غالب ناتوانی سے حریف دمِ عیسی نہ ہوا نسخۂ حمیدیہ میں مزید: وسعتِ رحمتِ حق دیکھ کہ بخشا جاۓ مجھ سا کافرکہ جو ممنونِ معاصی نہ ہوا [ترمیم] وہ اک گلدستہ ہے ہم بیخودوں کے طاقِ نسیاں کا ستایش گر ہے زاہد ، اس قدر جس باغِ رضواں کا وہ اک گلدستہ ہے ہم بیخودوں کے طاقِ نسیاں کا بیاں کیا کیجئے بیدادِکاوش ہائے مژگاں کا کہ ہر یک قطرہء خوں دانہ ہے تسبیحِ مرجاں کا نہ آئی سطوتِ قاتل بھی مانع ، میرے نالوں کو لیا دانتوں میں جو تنکا ، ہوا ریشہ نَیَستاں کا دکھاؤں گا تماشہ ، دی اگر فرصت زمانے نے مِرا ہر داغِ دل ، اِک تخم ہے سروِ چراغاں کا کیا آئینہ خانے کا وہ نقشہ تیرے جلوے نے کرے جو پرتوِ خُورشید عالم شبنمستاں کا مری تعمیر میں مُضمر ہے اک صورت خرابی کی ہیولٰی برقِ خرمن کا ، ہے خونِ گرم دہقاں کا اُگا ہے گھر میں ہر سُو سبزہ ، ویرانی تماشہ کر مدار اب کھودنے پر گھاس کے ہے، میرے درباں کا خموشی میں نہاں ، خوں گشتہ* لاکھوں آرزوئیں ہیں چراغِ مُردہ ہوں ، میں بے زباں ، گورِ غریباں کا ہنوز اک "پرتوِ نقشِ خیالِ یار" باقی ہے دلِ افسردہ ، گویا، حجرہ ہے یوسف کے زنداں کا نہیں معلوم ، کس کس کا لہو پانی ہوا ہوگا قیامت ہے سرشک آلودہ ہونا تیری مژگاں کا نظر میں ہے ہماری جادۂ راہِ فنا غالب کہ یہ شیرازہ ہے عالَم کے اجزائے پریشاں کا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔ نسخۂ حسرت موہانی میں ’سرگشتہ‘ [ترمیم] حبابِ موجۂ رفتار ہے نقشِ قدم میرا نہ ہوگا "یک بیاباں ماندگی" سے ذوق کم میرا حبابِ موجۂ رفتار ہے نقشِ قدم میرا محبت تھی چمن سے لیکن اب یہ بے دماغی ہے کہ موجِ بوئے گل سے ناک میں آتا ہے دم میرا [ترمیم] عبادت برق کی کرتا ہوں اور افسوس حاصل کا سراپا رہنِ عشق و ناگزیرِ الفتِ ہستی عبادت برق کی کرتا ہوں اور افسوس حاصل کا بقدرِ ظرف ہے ساقی! خمارِ تشنہ کامی بھی جوتو دریائے مے ہے، تو میں خمیازہ ہوں ساحل کا [ترمیم] یاں ورنہ جو حجاب ہے، پردہ ہے ساز کا محرم نہیں ہے تو ہی نوا ہائے راز کا یاں ورنہ جو حجاب ہے، پردہ ہے ساز کا رنگِ شکستہ صبحِ بہارِ نظارہ ہے یہ وقت ہے شگفتنِ گل ہائے ناز کا تو اور سوئے غیر نظرہائے تیز تیز میں اور دُکھ تری مِژہ ہائے دراز کا صرفہ ہے ضبطِ آہ میں میرا، وگرنہ میں طُعمہ ہوں ایک ہی نفَسِ جاں گداز کا ہیں بسکہ جوشِ بادہ سے شیشے اچھل رہے ہر گوشۂ بساط ہے سر شیشہ باز کا کاوش کا دل کرے ہے تقاضا کہ ہے ہنوز ناخن پہ قرض اس گرہِ نیم باز کا تاراجِ کاوشِ غمِ ہجراں ہوا، اسد! سینہ، کہ تھا دفینہ گہر ہائے راز کا [ترمیم] رکھیو یارب یہ درِ گنجینۂ گوہر کھلا بزمِ شاہنشاہ میں اشعار کا دفتر کھلا رکھیو یارب یہ درِ گنجینۂ گوہر کھلا شب ہوئی، پھر انجمِ رخشندہ کا منظر کھلا اِس تکلّف سے کہ گویا بتکدے کا در کھلا گرچہ ہوں دیوانہ، پر کیوں دوست کا کھاؤں فریب آستیں میں دشنہ پنہاں، ہاتھ میں نشتر کھلا گو نہ سمجھوں اس کی باتیں، گونہ پاؤں اس کا بھید پر یہ کیا کم ہے؟ کہ مجھ سے وہ پری پیکر کھلا ہے خیالِ حُسن میں حُسنِ عمل کا سا خیال خلد کا اک در ہے میری گور کے اندر کھلا منہ نہ کھلنے پرہے وہ عالم کہ دیکھا ہی نہیں زلف سے بڑھ کر نقاب اُس شوخ کے منہ پر کھلا در پہ رہنے کو کہا، اور کہہ کے کیسا پھر گیا جتنے عرصے میں مِرا لپٹا ہوا بستر کھلا کیوں اندھیری ہے شبِ غم، ہے بلاؤں کا نزول آج اُدھر ہی کو رہے گا دیدۂ اختر کھلا کیا رہوں غربت میں خوش، جب ہو حوادث کا یہ حال نامہ لاتا ہے وطن سے نامہ بر اکثر کھلا اس کی امّت میں ہوں مَیں، میرے رہیں کیوں کام بند واسطے جس شہ کے غالب! گنبدِ بے در کھلا [ترمیم] شعلۂ جوّالہ ہر اک حلقۂ گرداب تھا شب کہ برقِ سوزِ دل سے زہرۂ ابر آب تھا شعلۂ جوّالہ ہر اک حلقۂ گرداب تھا واں کرم کو عذرِ بارش تھا عناں گیرِ خرام گریے سے یاں پنبۂ بالش کفِ سیلاب تھا واں خود آرائی کو تھا موتی پرونے کا خیال یاں ہجومِ اشک میں تارِ نگہ نایاب تھا جلوۂ گل نے کیا تھا واں چراغاں آب جو یاں رواں مژگانِ چشمِ تر سے خونِ ناب تھا یاں سرِ پرشور بے خوابی سے تھا دیوار جو واں وہ فرقِ ناز محوِ بالشِ کمخواب تھا یاں نفَس کرتا تھا روشن، شمعِ بزمِ بےخودی جلوۂ گل واں بساطِ صحبتِ احباب تھا فرش سے تا عرش واں طوفاں تھا موجِ رنگ کا یاں زمیں سے آسماں تک سوختن کا باب تھا ناگہاں اس رنگ سے خوں نابہ ٹپکانے لگا دل کہ ذوقِ کاوشِ ناخن سے لذت یاب تھا [ترمیم] تھا سپندِبزمِ وصلِ غیر ، گو بیتاب تھا نالۂ دل میں شب اندازِ اثر نایاب تھا تھا سپندِبزمِ وصلِ غیر ، گو بیتاب تھا مَقدمِ سیلاب سے دل کیا نشاط آہنگ ہے ! خانۂ عاشق مگر سازِ صدائے آب تھا نازشِ ایّامِ خاکستر نشینی ، کیا کہوں پہلوئے اندیشہ ، وقفِ بسترِ سنجاب تھا کچھ نہ کی اپنے جُنونِ نارسا نے ، ورنہ یاں ذرّہ ذرّہ روکشِ خُرشیدِ عالم تاب تھا آج کیوں پروا نہیں اپنے اسیروں کی تجھے ؟ کل تلک تیرا بھی دل مہرووفا کا باب تھا یاد کر وہ دن کہ ہر یک حلقہ تیرے دام کا انتظارِ صید میں اِک دیدۂ بیخواب تھا میں نے روکا رات غالبؔ کو ، وگرنہ دیکھتے اُس کے سیلِ گریہ میں ، گردُوں کفِ سیلاب تھا [ترمیم] خونِ جگر ودیعتِ مژگانِ یار تھا ایک ایک قطرے کا مجھے دینا پڑا حساب خونِ جگر ودیعتِ مژگانِ یار تھا اب میں ہوں اور ماتمِ یک شہرِ آرزو توڑا جو تو نے آئینہ، تمثال دار تھا گلیوں میں میری نعش کو کھینچے پھرو، کہ میں جاں دادۂ ہوائے سرِ رہگزار تھا موجِ سرابِ دشتِ وفا کا نہ پوچھ حال ہر ذرہ، مثلِ جوہرِ تیغ، آب دار تھا کم جانتے تھے ہم بھی غمِ عشق کو، پر اب دیکھا تو کم ہوئے پہ غمِ روزگار تھا [ترمیم] آدمی کو بھی میسر نہیں انساں ہونا بسکہ دشوار ہے ہر کام کا آساں ہونا آدمی کو بھی میسر نہیں انساں ہونا گریہ چاہے ہے خرابی مرے کاشانے کی در و دیوار سے ٹپکے ہے بیاباں ہونا واۓ دیوانگئ شوق کہ ہر دم مجھ کو آپ جانا اُدھر اور آپ ہی حیراں* ہونا جلوہ از بسکہ تقاضائے نگہ کرتا ہے جوہرِ آئینہ بھی چاہے ہے مژگاں ہونا عشرتِ قتل گہِ اہل تمنا، مت پوچھ عیدِ نظّارہ ہے شمشیر کا عریاں ہونا لے گئے خاک میں ہم داغِ تمنائے نشاط تو ہو اور آپ بہ صد رنگِ گلستاں ہونا عشرتِ پارۂ دل، زخمِ تمنا کھانا لذت ریشِ جگر، غرقِ نمکداں ہونا کی مرے قتل کے بعد اس نے جفا سے توبہ ہائے اس زود پشیماں کا پشیماں ہونا حیف اُس چار گرہ کپڑے کی قسمت غالبؔ! جس کی قسمت میں ہو عاشق کا گریباں ہونا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ نسخۂ طاہر میں " پریشاں" [ترمیم] تا محیطِ بادہ صورت خانۂ خمیازہ تھا شب خمارِ شوقِ ساقی رستخیز اندازہ تھا تا محیطِ بادہ صورت خانۂ خمیازہ تھا یک قدم وحشت سے درسِ دفتر امکاں کھلا جادہ، اجزائے دو عالم دشت کا شیرازہ تھا مانعِ وحشت خرامی ہائے لیلےٰ کون ہے؟ خانۂ مجنونِ صحرا گرد بے دروازہ تھا پوچھ مت رسوائیِ اندازِ استغنائے حسن دست مرہونِ حنا، رخسار رہنِ غازہ تھا نالۂ دل نے دیئے اوراقِ لختِ دل بہ باد یادگارِ نالہ اک دیوانِ بے شیرازہ تھا [ترمیم] زخم کے بھرنے تلک ناخن نہ بڑھ جائیں گے کیا دوست غمخواری میں میری سعی فرمائیں گے کیا زخم کے بھرنے تلک ناخن نہ بڑھ جائیں گے کیا بے نیازی حد سے گزری بندہ پرور، کب تلک ہم کہیں گے حالِ دل، اور آپ فرمائیں گے 'کیا'؟ حضرتِ ناصح گر آئیں، دیدہ و دل فرشِ راہ کوئی مجھ کو یہ تو سمجھا دو کہ سمجھائیں گے کیا؟ آج واں تیغ و کفن باندھے ہوئے جاتا ہوں میں عذر میرے قتل کرنے میں وہ اب لائیں گے کیا گر کیا ناصح نے ہم کو قید، اچھا یوں سہی یہ جنونِ عشق کے انداز چھٹ جائیں گے کیا خانہ زادِ زلف ہیں، زنجیر سے بھاگیں گے کیوں ہیں گرفتارِ وفا، زنداں سے گھبرائیں گے کیا ہے اب اس معمورے میں قحطِ غمِ الفت اسدؔ ہم نے یہ مانا کہ دلّی میں رہیں، کھائیں گے کیا؟ [ترمیم] اگر اور جیتے رہتے ، یہی انتظار ہوتا یہ نہ تھی ہماری قسمت کہ وصالِ یار ہوتاا اگر اور جیتے رہتے ، یہی انتظار ہوتا ترے وعدے پر جئے ہم تو یہ جان جھوٹ جانا کہ خوشی سے مر نہ جاتے، اگر اعتبار ہوتا تری نازکی سے جانا کہ بندھا تھا عہد بودا کبھی تو نہ توڑ سکتا اگر استوار ہوتا کوئی میرے دل سے پوچھے ترے تیرِ نیم کش کو یہ خلش کہاں سے ہوتی، جو جگر کے پار ہوتا یہ کہاں کی دوستی ہے کہ بنے ہیں دوست نا صح کوئی چارہ ساز ہوتا، کوئی غم گسار ہوتا رگِ سنگ سے ٹپکتا وہ لہو کہ پھر نہ تھمتا جسے غم سمجھ رہے ہو، یہ اگر شرار ہوتا غم اگر چہ جاں گسل ہے پہ کہاں بچیں کہ دل ہے غمِ عشق گر نہ ہوتا، غم روزگار ہوتا کہوں کس سے میں کہ کیا ہے؟شب غم بری بلا ہے مجھے کیا برا تھا مرنا، اگر ایک بار ہوتا ہوئے مر کے ہم جو رسوا، ہوئے کیوں نہ غرق دریا؟ نہ کبھی جنازہ اٹھتا نہ کہیں مزار ہوتا اسے کون دیکھ سکتا، کہ یگانہ ہے وہ یکتا جو دوئی کی بو بھی ہوتی تو کہیں دو چار ہوتا یہ مسائل تصّوف یہ ترا بیان غالبؔ تجھے ہم ولی سمجھتے ،جو نہ بادہ خوار ہوتا [ترمیم] نہ ہو مرنا تو جینے کا مزا کیا ہوس کو ہے نشاطِ کار کیا کیا نہ ہو مرنا تو جینے کا مزا کیا تجاہل پیشگی سے مدعا کیا کہاں تک اے سراپا ناز کیا کیا؟ نوازش ہائے بے جا دیکھتا ہوں شکایت ہائے رنگیں کا گلا کیا نگاہِ بے محابا چاہتا ہوں تغافل ہائے تمکیں آزما کیا فروغِ شعلۂ خس یک نفَس ہے ہوس کو پاسِ ناموسِ وفا کیا نفس موجِ محیطِ بیخودی ہے تغافل ہائے ساقی کا گلا کیا دماغِ عطر پیراہن نہیں ہے غمِ آوارگی ہائے صبا کیا دلِ ہر قطرہ ہے سازِ ’انا البحر‘ ہم اس کے ہیں، ہمارا پوچھنا کیا محابا کیا ہے، مَیں ضامن، اِدھر دیکھ شہیدانِ نگہ کا خوں بہا کیا سن اے غارت گرِ جنسِ وفا، سن شکستِ قیمتِ دل کی صدا کیا کیا کس نے جگرداری کا دعویٰ؟ شکیبِ خاطرِ عاشق بھلا کیا یہ قاتل وعدۂ صبر آزما کیوں؟ یہ کافر فتنۂ طاقت ربا کیا؟ بلائے جاں ہے غالبؔ اس کی ہر بات عبارت کیا، اشارت کیا، ادا کیا! [ترمیم] پھر غلط کیا ہے کہ ہم سا کوئی پیدا نہ ہوا درخورِ قہر و غضب جب کوئی ہم سا نہ ہوا پھر غلط کیا ہے کہ ہم سا کوئی پیدا نہ ہوا بندگی میں بھی وہ آزادہ و خودبیں ہیں، کہ ہم الٹے پھر آئے، درِ کعبہ اگر وا نہ ہوا سب کو مقبول ہے دعویٰ تری یکتائی کا روبرو کوئی بتِ آئینہ سیما نہ ہوا کم نہیں نازشِ ہمنامئ چشمِ خوباں تیرا بیمار، برا کیا ہے؟ گر اچھا نہ ہوا سینے کا داغ ہے وہ نالہ کہ لب تک نہ گیا خاک کا رزق ہے وہ قطرہ کہ دریا نہ ہوا نام کا میرے ہے جو دکھ کہ کسی کو نہ ملا کام میں میرے ہے جو فتنہ کہ برپا نہ ہوا* ہر بُنِ مو سے دمِ ذکر نہ ٹپکے خونناب حمزہ کا قِصّہ ہوا، عشق کا چرچا نہ ہوا قطرے میں دجلہ دکھائی نہ دے اور جزو میں کُل کھیل لڑکوں کا ہوا، دیدۂ بینا نہ ہوا تھی خبر گرم کہ غالبؔ کے اُڑیں گے پرزے دیکھنے ہم بھی گئے تھے، پہ تماشا نہ ہوا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ کام کا ہے مرے وہ فتنہ کہ برپا نہ ہوا (نسخۂ حسرت، نسخۂ مہر) [ترمیم] کہ ہے سر پنجۂ مژگانِ آہو پشت خار اپنا اسدؔ ہم وہ جنوں جولاں گدائے بے سر و پا ہیں کہ ہے سر پنجۂ مژگانِ آہو پشت خار اپنا [ترمیم] بہ خوں غلطیدۂ صد رنگ، دعویٰ پارسائی کا پۓ نذرِ کرم تحفہ ہے 'شرمِ نا رسائی' کا بہ خوں غلطیدۂ صد رنگ، دعویٰ پارسائی کا نہ ہو' حسنِ تماشا دوست' رسوا بے وفائی کا بہ مہرِ صد نظر ثابت ہے دعویٰ پارسائی کا زکاتِ حسن دے، اے جلوۂ بینش، کہ مہر آسا چراغِ خانۂ درویش ہو کاسہ گدائی کا نہ مارا جان کر بے جرم، غافل!* تیری گردن پر رہا مانند خونِ بے گنہ حق آشنائی کا تمنائے زباں محوِ سپاسِ بے زبانی ہے مٹا جس سے تقاضا شکوۂ بے دست و پائی کا وہی اک بات ہے جو یاں نفَس واں نکہتِ گل ہے چمن کا جلوہ باعث ہے مری رنگیں نوائی کا دہانِ ہر" بتِ پیغارہ جُو"، زنجیرِ رسوائی عدم تک بے وفا چرچا ہے تیری بے وفائی کا نہ دے نامے کو اتنا طول غالبؔ، مختصر لکھ دے کہ حسرت سنج ہوں عرضِ ستم ہائے جدائی کا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔ نسخۂ حمیدیہ، نظامی، حسرت اور مہر کے نسخوں میں لفظ ’قاتل‘ ہے [ترمیم] بے تکلف، داغِ مہ مُہرِ دہاں ہوجائے گا گر نہ ‘اندوہِ شبِ فرقت ‘بیاں ہو جائے گا بے تکلف، داغِ مہ مُہرِ دہاں ہوجائے گا زہرہ گر ایسا ہی شامِ ہجر میں ہوتا ہے آب پر توِ مہتاب سیلِ خانماں ہوجائے گا لے تو لوں سوتے میں اس کے پاؤں کا بوسہ، مگر ایسی باتوں سے وہ کافر بدگماں ہوجائے گا دل کو ہم صرفِ وفا سمجھے تھے، کیا معلوم تھا یعنی یہ پہلے ہی نذرِ امتحاں ہوجائے گا سب کے دل میں ہے جگہ تیری، جو تو راضی ہوا مجھ پہ گویا، اک زمانہ مہرباں ہوجائے گا گر نگاہِ گرم فرماتی رہی تعلیمِ ضبط شعلہ خس میں، جیسے خوں رگ میں، نہاں ہوجائے گا باغ میں مجھ کو نہ لے جا ورنہ میرے حال پر ہر گلِ تر ایک "چشمِ خوں فشاں" ہوجائے گا واۓ گر میرا ترا انصاف محشر میں نہ ہو اب تلک تو یہ توقع ہے کہ واں ہوجائے گا فائدہ کیا؟ سوچ، آخر تو بھی دانا ہے اسدؔ دوستی ناداں کی ہے، جی کا زیاں ہوجائے گا [ترمیم] میں نہ اچھا ہوا، برا نہ ہوا درد مِنّت کشِ دوا نہ ہوا میں نہ اچھا ہوا، برا نہ ہوا جمع کرتے ہو کیوں رقیبوں کو اک تماشا ہوا، گلا نہ ہوا ہم کہاں قسمت آزمانے جائیں تو ہی جب خنجر آزما نہ ہوا کتنے شیریں ہیں تیرے لب ،"کہ رقیب گالیاں کھا کے بے مزا نہ ہوا" ہے خبر گرم ان کے آنے کی آج ہی گھر میں بوریا نہ ہوا کیا وہ نمرود کی خدائی تھی؟ بندگی میں مرا بھلا نہ ہوا جان دی، دی ہوئی اسی کی تھی حق تو یوں* ہے کہ حق ادا نہ ہوا زخم گر دب گیا، لہو نہ تھما کام گر رک گیا، روا نہ ہوا رہزنی ہے کہ دل ستانی ہے؟ لے کے دل، "دلستاں" روانہ ہوا کچھ تو پڑھئے کہ لوگ کہتے ہیں آج غالب غزل سرا نہ ہوا! ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔ نسخۂ مہر، نسخۂ علامہ آسی میں 'یوں' کے بجا ئے "یہ“آیا ہے [ترمیم] گہر میں محو ہوا اضطراب دریا کا گلہ ہے شوق کو دل میں بھی تنگئ جا کا گہر میں محو ہوا اضطراب دریا کا یہ جانتا ہوں کہ تو اور پاسخِ مکتوب! مگر ستم زدہ ہوں ذوقِ خامہ فرسا کا حنائے پائے خزاں ہے بہار اگر ہے یہی دوامِ کلفتِ خاطر ہے عیش دنیا کا غمِ فراق میں تکلیفِ سیرِ باغ نہ دو مجھے دماغ نہیں خندہ* ہائے بے جا کا ہنوز محرمئ حسن کو ترستا ہوں کرے ہے ہر بُنِ مو کام چشمِ بینا کا دل اس کو، پہلے ہی ناز و ادا سے، دے بیٹھے ہمیں دماغ کہاں حسن کے تقاضا کا نہ کہہ کہ گریہ بہ مقدارِ حسرتِ دل ہے مری نگاہ میں ہے جمع و خرچ دریا کا فلک کو دیکھ کے کرتا ہوں اُس کو یاد اسد جفا میں اس کی ہے انداز کارفرما کا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ نسخۂ نظامی کی املا ہے ’خند ہاۓ‘ [ترمیم] خطِّ جامِ مے سراسر رشتۂ گوہر ہوا قطرۂ مے بس کہ حیرت سے نفَس پرور ہوا خطِّ جامِ مے سراسر رشتۂ گوہر ہوا اعتبارِ عشق کی خانہ خرابی دیکھنا غیر نے کی آہ لیکن وہ خفا مجھ پر ہوا [ترمیم] تپشِ شوق نے ہر ذرّے پہ اک دل باندھا جب بہ تقریبِ سفر یار نے محمل باندھا تپشِ شوق نے ہر ذرّے پہ اک دل باندھا اہل بینش نے بہ حیرت کدۂ شوخئ ناز جوہرِ آئینہ کو طوطئ بسمل باندھا یاس و امید نے اک عرَبدہ میداں مانگا عجزِ ہمت نے طِلِسمِ دلِ سائل باندھا نہ بندھے تِشنگئ ذوق کے مضموں، غالب گرچہ دل کھول کے دریا کو بھی ساحل باندھا [ترمیم] گر میں نے کی تھی توبہ، ساقی کو کیا ہوا تھا؟ میں اور بزمِ مے سے یوں تشنہ کام آؤں گر میں نے کی تھی توبہ، ساقی کو کیا ہوا تھا؟ ہے ایک تیر جس میں دونوں چھِدے پڑے ہیں وہ دن گئے کہ اپنا دل سے جگر جدا تھا درماندگی میں غالب کچھ بن پڑے تو جانوں جب رشتہ بے گرہ تھا، ناخن گرہ کشا تھا [ترمیم] بحر گر بحر نہ ہوتا تو بیاباں ہوتا گھر ہمارا جو نہ روتے بھی تو ویراں ہوتا بحر گر بحر نہ ہوتا تو بیاباں ہوتا تنگئ دل کا گلہ کیا؟ یہ وہ کافر دل ہے کہ اگر تنگ نہ ہوتا تو پریشاں ہوتا بعد یک عمرِ وَرع بار تو دیتا بارے کاش رِضواں ہی درِ یار کا درباں ہوتا [ترمیم] ڈُبویا مجھ کو ہونے نے، نہ ہوتا میں تو کیا ہوتا نہ تھا کچھ تو خدا تھا، کچھ نہ ہوتا تو خدا ہوتا ڈُبویا مجھ کو ہونے نے، نہ ہوتا میں تو کیا ہوتا ہُوا جب غم سے یوں بے حِس تو غم کیا سر کے کٹنے کا نہ ہوتا گر جدا تن سے تو زانو پر دھرا ہوتا ہوئی مدت کہ غالب مرگیا، پر یاد آتا ہے وہ ہر اک بات پر کہنا کہ یوں ہوتا تو کیا ہوتا [ترمیم] یاں جادہ بھی فتیلہ ہے لالے کے داغ کا یک ذرۂ زمیں نہیں بے کار باغ کا یاں جادہ بھی فتیلہ ہے لالے کے داغ کا بے مے کِسے ہے طاقتِ آشوبِ آگہی کھینچا ہے عجزِ حوصلہ نے خط ایاغ کا بُلبل کے کاروبار پہ ہیں خندہ ہائے گل کہتے ہیں جس کو عشق خلل ہے دماغ کا تازہ نہیں ہے نشۂ فکرِ سخن مجھے تِریاکئِ قدیم ہوں دُودِ چراغ کا سو بار بندِ عشق سے آزاد ہم ہوئے پر کیا کریں کہ دل ہی عدو ہے فراغ کا بے خونِ دل ہے چشم میں موجِ نگہ غبار یہ مے کدہ خراب ہے مے کے سراغ کا باغِ شگفتہ تیرا بساطِ نشاطِ دل ابرِ بہار خمکدہ کِس کے دماغ کا! [ترمیم] رازِ مکتوب بہ بے ربطئِ عنواں سمجھا وہ میری چینِ جبیں سے غمِ پنہاں سمجھا رازِ مکتوب بہ بے ربطئِ عنواں سمجھا یک الِف بیش نہیں صقیلِ آئینہ ہنوز چاک کرتا ہوں میں جب سے کہ گریباں سمجھا شرحِ اسبابِ گرفتارئِ خاطر مت پوچھ اس قدر تنگ ہوا دل کہ میں زنداں سمجھا بدگمانی نے نہ چاہا اسے سرگرمِ خرام رخ پہ ہر قطرہ عرق دیدۂ حیراں سمجھا عجزسے اپنے یہ جانا کہ وہ بد خو ہوگا نبضِ خس سے تپشِ شعلۂ سوزاں سمجھا سفرِ عشق میں کی ضعف نے راحت طلبی ہر قدم سائے کو میں اپنے شبستان سمجھا تھا گریزاں مژۂ یار سے دل تا دمِ مرگ دفعِ پیکانِ قضا اِس قدر آساں سمجھا دل دیا جان کے کیوں اس کو وفادار، اسد غلطی کی کہ جو کافر کو مسلماں سمجھا [ترمیم] دل، جگر تشنۂ فریاد آیا پھر مجھے دیدۂ تر یاد آیا دل، جگر تشنۂ فریاد آیا دم لیا تھا نہ قیامت نے ہنوز پھر ترا وقتِ سفر یاد آیا سادگی ہائے تمنا، یعنی پھر وہ نیرنگِ نظر یاد آیا عذرِ واماندگی، اے حسرتِ دل! نالہ کرتا تھا، جگر یاد آیا زندگی یوں بھی گزر ہی جاتی کیوں ترا راہ گزر یاد آیا کیا ہی رضواں سے لڑائی ہوگی گھر ترا خلد میں گر یاد آیا آہ وہ جرأتِ فریاد کہاں دل سے تنگ آکے جگر یاد آیا پھر تیرے کوچے کو جاتا ہے خیال دلِ گم گشتہ، مگر، یاد آیا کوئی ویرانی سی ویرانی ہے دشت کو دیکھ کے گھر یاد آیا میں نے مجنوں پہ لڑکپن میں اسدؔ سنگ اٹھایا تھا کہ سر یاد آیا [ترمیم] آپ آتے تھے، مگر کوئی عناں گیر بھی تھا ہوئی تاخیر تو کچھ باعثِ تاخیر بھی تھا آپ آتے تھے، مگر کوئی عناں گیر بھی تھا تم سے بے جا ہے مجھے اپنی تباہی کا گلہ اس میں کچھ شائبۂ خوبیِ تقدیر بھی تھا تو مجھے بھول گیا ہو تو پتا بتلا دوں؟ کبھی فتراک میں تیرے کوئی نخچیر بھی تھا قید میں ہے ترے وحشی کو وہی زلف کی یاد ہاں! کچھ اک رنجِ گرانباریِ زنجیر بھی تھا بجلی اک کوند گئی آنکھوں کے آگے تو کیا! بات کرتے، کہ میں لب تشنۂ تقریر بھی تھا یوسف اس کو کہوں اور کچھ نہ کہے، خیر ہوئی گر بگڑ بیٹھے تو میں لائقِ تعزیر بھی تھا دیکھ کر غیر کو ہو کیوں نہ کلیجا ٹھنڈا نالہ کرتا تھا، ولے طالبِ تاثیر بھی تھا پیشے میں عیب نہیں، رکھیے نہ فرہاد کو نام ہم ہی آشفتہ سروں میں وہ جواں میر بھی تھا ہم تھے مرنے کو کھڑے، پاس نہ آیا، نہ سہی آخر اُس شوخ کے ترکش میں کوئی تیر بھی تھا پکڑے جاتے ہیں فرشتوں کے لکھے پر ناحق آدمی کوئی ہمارا َدمِ تحریر بھی تھا؟ ریختے کے تمہیں استاد نہیں ہو غالبؔ کہتے ہیں اگلے زمانے میں کوئی میر بھی تھا [ترمیم] زیارت کدہ ہوں دل آزردگاں کا لب خشک در تشنگی، مردگاں کا زیارت کدہ ہوں دل آزردگاں کا ہمہ نا امیدی، ہمہ بد گمانی میں دل ہوں فریبِ وفا خوردگاں کا [ترمیم] اوروں پہ ہے وہ ظلم کہ مجھ پر نہ ہوا تھا تو دوست کسی کا بھی، ستمگر! نہ ہوا تھا اوروں پہ ہے وہ ظلم کہ مجھ پر نہ ہوا تھا چھوڑا مہِ نخشب کی طرح دستِ قضا نے خورشید ہنوز اس کے برابر نہ ہوا تھا توفیق بہ اندازۂ ہمت ہے ازل سے آنکھوں میں ہے وہ قطرہ کہ گوہر نہ ہوا تھا جب تک کہ نہ دیکھا تھا قدِ یار کا عالم میں معتقدِ فتنۂ محشر نہ ہوا تھا میں سادہ دل، آزردگیِ یار سے خوش ہوں یعنی سبقِ شوقِ مکرّر نہ ہوا تھا دریائے معاصی ُتنک آبی سے ہوا خشک میرا سرِ دامن بھی ابھی تر نہ ہوا تھا جاری تھی اسدؔ! داغِ جگر سے مری تحصیل آ تشکدہ جاگیرِ سَمَندر نہ ہوا تھا [ترمیم] رشتۂٴ ہر شمع خارِ کِسوتِ فانوس تھا شب کہ وہ مجلس فروزِ خلوتِ ناموس تھا رشتۂٴ ہر شمع خارِ کِسوتِ فانوس تھا مشہدِ عاشق سے کوسوں تک جو اُگتی ہے حنا کس قدر یا رب! ہلاکِ حسرتِ پابوس تھا حاصلِ الفت نہ دیکھا جز شکستِ آرزو دل بہ دل پیوستہ، گویا، یک لبِ افسوس تھا کیا کروں بیمارئِ غم کی فراغت کا بیاں جو کہ کھایا خونِ دل، بے منتِ کیموس تھا [ترمیم] صاحب کو دل نہ دینے پہ کتنا غرور تھا آئینہ دیکھ، اپنا سا منہ لے کے رہ گئے صاحب کو دل نہ دینے پہ کتنا غرور تھا قاصد کو اپنے ہاتھ سے گردن نہ ماریے اس کی خطا نہیں ہے یہ میرا قصور تھا [ترمیم] اک گھر میں مختصر سا بیاباں ضرور تھا ضعفِ جنوں کو وقتِ تپش در بھی دور تھا اک گھر میں مختصر سا بیاباں ضرور تھا [ترمیم] نہیں رفتارِ عمرِ تیز رو پابندِ مطلب ہا فنا کو عشق ہے بے مقصداں حیرت پرستاراں نہیں رفتارِ عمرِ تیز رو پابندِ مطلب ہا [ترمیم] جس دل پہ ناز تھا مجھے وہ دل نہیں رہا عرضِ نیازِ عشق کے قابل نہیں رہا جس دل پہ ناز تھا مجھے وہ دل نہیں رہا جاتا ہوں داغِ حسرتِ ہستی لیے ہوئے ہوں شمعِ کشتہ درخورِ محفل نہیں رہا مرنے کی اے دل اور ہی تدبیر کر کہ میں شایانِ دست و خنجرِ قاتل نہیں رہا بر روۓ شش جہت درِ آئینہ باز ہے یاں امتیازِ ناقص و کامل نہیں رہا وا کر دیے ہیں شوق نے بندِ نقابِ حسن غیر از نگاہ اب کوئی حائل نہیں رہا گو میں رہا رہینِ ستم ہاے روزگار لیکن ترے خیال سے غافل نہیں رہا دل سے ہوائے کشتِ وفا مٹ گئی کہ واں حاصل سواے حسرتِ حاصل نہیں رہا بیدادِ عشق سے نہیں ڈرتا مگر اسد جس دل پہ ناز تھا مجھے وہ دل نہیں رہا [ترمیم] عقل کہتی ہے کہ وہ بے مہر کس کا آشنا رشک کہتا ہے کہ اس کا غیر سے اخلاص حیف! عقل کہتی ہے کہ وہ بے مہر کس کا آشنا ذرّہ ذرّہ ساغرِ مے خانۂ نیرنگ ہے گردشِ مجنوں بہ چشمکہاے لیلیٰ آشنا شوق ہے "ساماں طرازِ نازشِ اربابِ عجز" ذرّہ صحرا دست گاہ و قطرہ دریا آشنا میں اور ایک آفت کا ٹکڑا وہ دلِ وحشی، "کہ ہے عافیت کا دشمن اور آوارگی کا آشنا" شکوہ سنجِ رشکِ ہم دیگر نہ رہنا چاہیے میرا زانو مونس اور آئینہ تیرا آشنا کوہکن" نقّاشِ یک تمثالِ شیریں" تھا اسد سنگ سے سر مار کر ہووے نہ پیدا آشنا [ترمیم] بن گیا رقیب آخر۔ تھا جو رازداں اپنا ذکر اس پری وش کا، اور پھر بیاں اپنا بن گیا رقیب آخر۔ تھا جو رازداں اپنا مے وہ کیوں بہت پیتے بز مِ غیر میں یا رب آج ہی ہوا منظور اُن کو امتحاں اپنا منظر اک بلندی پر اور ہم بنا سکتے عرش سے اُدھر ہوتا، کاشکے مکاں اپنا دے وہ جس قد ر ذلت ہم ہنسی میں ٹالیں گے بارے آشنا نکلا، ان کا پاسباں، اپنا در دِ دل لکھوں کب تک، جاؤں ان کو دکھلادوں انگلیاں فگار اپنی، خامہ خونچکاں اپنا گھستے گھستے مٹ جاتا، آپ نے عبث بدلا ننگِ سجدہ سے میرے، سنگِ آستاں اپنا تا کرے نہ غمازی، کرلیا ہے دشمن کو دوست کی شکایت میں ہم نے ہمزباں اپنا ہم کہاں کے دانا تھے، کس ہنر میں یکتا تھے بے سبب ہوا غالب دشمن آسماں اپنا [ترمیم] کہ رہے چشمِ خریدار پہ احساں میرا سرمۂ مفتِ نظر ہوں مری قیمت* یہ ہے کہ رہے چشمِ خریدار پہ احساں میرا رخصتِ نالہ مجھے دے کہ مبادا ظالم تیرے چہرے سے ہو ظاہر غمِ پنہاں میرا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ نسخۂ آگرہ، منشی شیو نارائن، 1863ء میں’مری قسمت‘ [ترمیم] بے شانۂ صبا نہیں طُرّہ گیاہ کا غافل بہ وہمِ ناز خود آرا ہے ورنہ یاں بے شانۂ صبا نہیں طُرّہ گیاہ کا بزمِ قدح سے عیشِ تمنا نہ رکھ، کہ رنگ صید ز دام جستہ ہے اس دام گاہ کا رحمت اگر قبول کرے، کیا بعید ہے شرمندگی سے عذر نہ کرنا گناہ کا مقتل کو کس نشاط سے جا تا ہو ں میں، کہ ہے پُرگل خیالِ زخم سے دامن نگاہ کا جاں در" ہواۓ یک نگہِ گرم" ہے اسد پروانہ ہے وکیل ترے داد خواہ کا [ترمیم] کہتے ہیں ہم تجھ کو منہ دکھلائیں کیا جور سے باز آئے پر باز آئیں کیا کہتے ہیں ہم تجھ کو منہ دکھلائیں کیا رات دن گردش میں ہیں سات آسماں ہو رہے گا کچھ نہ کچھ گھبرائیں کیا لاگ ہو تو اس کو ہم سمجھیں لگاؤ جب نہ ہو کچھ بھی تو دھوکا کھائیں کیا ہو لیے کیوں نامہ بر کے ساتھ ساتھ یا رب اپنے خط کو ہم پہنچائیں کیا موجِ خوں سر سے گزر ہی کیوں نہ جائے آستانِ یار سے اٹھ جائیں کیا عمر بھر دیکھا کیے مرنے کی راہ مر گیے پر دیکھیے دکھلائیں کیا پوچھتے ہیں وہ کہ غالبؔ کون ہے کوئی بتلاؤ کہ ہم بتلائیں کیا [ترمیم] چمن زنگار ہے آئینۂ بادِ بہاری کا لطافت بےکثافت جلوہ پیدا کر نہیں سکتی چمن زنگار ہے آئینۂ بادِ بہاری کا حریفِ جوششِ دریا نہیں خوددارئ ساحل جہاں ساقی ہو تو باطل ہے دعویٰ ہوشیاری کا [ترمیم] درد کا حد سے گزرنا ہے دوا ہو جانا عشرتِ قطرہ ہے دریا میں فنا ہو جانا درد کا حد سے گزرنا ہے دوا ہو جانا تجھ سے، قسمت میں مری، صورتِ قفلِ ابجد تھا لکھا بات کے بنتے ہی جدا ہو جانا دل ہوا کشمکشِ چارۂ زحمت میں تمام مِٹ گیا گھِسنے میں اُس عُقدے کا وا ہو جانا اب جفا سے بھی ہیں محروم ہم اللہ اللہ اس قدر دشمنِ اربابِ وفا ہو جانا ضعف سے گریہ مبدّل بہ دمِ سرد ہوا باور آیا ہمیں پانی کا ہوا ہو جانا دِل سے مِٹنا تری انگشتِ حنائی کا خیال ہو گیا گوشت سے ناخن کا جُدا ہو جانا ہے مجھے ابرِ بہاری کا برس کر کھُلنا روتے روتے غمِ فُرقت میں فنا ہو جانا گر نہیں نکہتِ گل کو ترے کوچے کی ہوس کیوں ہے گردِ رہِ جَولانِ صبا ہو جانا تاکہ تجھ پر کھُلے اعجازِ ہواۓ صَیقل دیکھ برسات میں سبز آئنے کا ہو جانا بخشے ہے جلوۂ گُل، ذوقِ تماشا غالب چشم کو چاہۓ ہر رنگ میں وا ہو جانا [ترمیم] غالب ایسے گنج کو عیاں یہی ویرانہ تھا شکوۂ یاراں غبارِ دل میں پنہاں کر دیا غالب ایسے گنج کو عیاں یہی ویرانہ تھا [ترمیم] رنگ اڑتا ہے گُلِستاں کے ہواداروں کا پھر وہ سوۓ چمن آتا ہے خدا خیر کرے رنگ اڑتا ہے گُلِستاں کے ہواداروں کا [ترمیم] جسے تو بندگی کہتا ہے دعویٰ ہے خدائی کا اسد! یہ عجز و بے سامانئِ فرعون توَام ہے جسے تو بندگی کہتا ہے دعویٰ ہے خدائی کا [ترمیم] بس کہ فعّالِ ما یرید ہے آج 1857ء بس کہ فعّالِ ما یرید ہے آج ہر سلحشور انگلستاں کا گھر سے بازار میں نکلتے ہوۓ زہرہ ہوتا ہے آب انساں کا چوک جس کو کہیں وہ مقتل ہے گھر بنا ہے نمونہ زنداں کا شہرِ دہلی کا ذرّہ ذرّہ خاک تشنۂ خوں ہے ہر مسلماں کا کوئی واں سے نہ آ سکے یاں تک آدمی واں نہ جا سکے یاں کا میں نے مانا کہ مل گۓ پھر کیا وہی رونا تن و دل و جاں کا گاہ جل کر کیا کیۓ شکوہ سوزشِ داغ ہاۓ پنہاں کا گاہ رو کر کہا کیۓ باہم ماجرا دیدہ ہاۓ گریاں کا اس طرح کے وصال سے یا رب کیا مٹے داغ دل سے ہجراں کا [ترمیم] نگیں میں جوں شرارِ سنگ نا پیدا ہے نام اس کا بہ رہنِ شرم ہے با وصفِ شوخی اہتمام اس کا نگیں میں جوں شرارِ سنگ نا پیدا ہے نام اس کا مِسی آلود ہے مُہرنوازش نامہ ظاہر ہے کہ داغِ آرزوۓ بوسہ دیتا ہے پیام اس کا بامیّدِ نگاہِ خاص ہوں محمل کشِ حسرت مبادا ہو عناں گیرِ تغافل لطفِ عام اس کا [ترمیم] نقص پر اپنے ہوا جو مطلعِ، کامل ہوا عیب کا دریافت کرنا، ہے ہنرمندی اسد نقص پر اپنے ہوا جو مطلعِ، کامل ہوا [ترمیم] شوخئِ وحشت سے افسانہ فسونِ خواب تھا شب کہ ذوقِ گفتگو سے تیرے، دل بے تاب تھا شوخئِ وحشت سے افسانہ فسونِ خواب تھا واں ہجومِ نغمہ ہاۓ سازِ عشرت تھا اسد ناخنِ غم یاں سرِ تارِ نفس مضراب تھا [ترمیم] وہ دلِ سوزاں کہ کل تک شمع، ماتم خانہ تھا دود کو آج اس کے ماتم میں سیہ پوشی ہوئی وہ دلِ سوزاں کہ کل تک شمع، ماتم خانہ تھا شکوۂ یاراں غبارِ دل میں پنہاں کر دیا غالب ایسے کنج کو شایاں یہی ویرانہ تھا
__________________
ہمارے لیے دعا کریں ہمیں دعاؤں کی بہت ضرورت ہے پلیز پلیز پلیز
|
|
|
|
20-07-07, 03:24 PM
|
#2 |
|
ناظم اعلی
   
تاریخ شمولیت: May 2007
مقام: خود کی تلاش میں
مراسلات: 15,327
کمائي: 5,560,014,189
شکریہ: 12,919
6,824 مراسلہ میں 15,898 بارشکریہ ادا کیا گیا
 |
جواب: دیوان غالب (باب 1)
ماشا اللہ بہت اچھے keep it up
|
|
|
|
|
21-07-07, 01:23 PM
|
#3 |
|
ناظم اعلی
تاریخ شمولیت: Jun 2007
عمر: 30
مراسلات: 12,482
کمائي: 8,120,880,613,345
شکریہ: 7,484
3,660 مراسلہ میں 9,157 بارشکریہ ادا کیا گیا
|
جواب: دیوان غالب (باب 1)
شکریہ
|
|
|
|
|
| Tags |
| پسند, قیس, قدم, لوگ, نقشِ پا, مسائل, معلوم, آوارگی, آئینہ, آج, آدمی, اللہ, اندازِ, استاد, اشعار, ترمیم, جھوٹ, جواب, حنا, خبر, دریافت, عقل, عبادت, غزل, صدائے |
| Currently Active Users Viewing This Thread: 1 (0 members and 1 guests) | |
| موضوع کے اختیارات | |
| ظاہری انداز | Rate This Thread |
Linear Mode
|
|
Similar Threads
|
||||
| موضوع | موضوع شروع کیا | فورم | جوابات | آخری مراسلہ |
| ایوانِ وزیراعلیٰ پنجاب کو خواتین کی آئی ٹی یونیورسٹی بنادیا گیا | عبدالقدوس | خبریں | 10 | 14-02-12 01:02 AM |
| ہاورڈ یونیورسٹی کے نمائندے کو معزول چیف جسٹس کو ایوارڈ دینے سے روک دیا گیا | عبدالقدوس | خبریں | 1 | 01-03-11 07:30 PM |
| ایوان صدر اور وزیراعظم کے سکیورٹی اہلکاروں کی مکمل چھان بین شروع | گلاب خان | خبریں | 1 | 01-03-11 07:25 PM |
| ”آئیفا ایوارڈزکاؤنٹ ڈاؤن“ اور ”آئیفا ایوارڈزویک اینڈ ود اسٹارز“آج جیو سے پ | عبدالقدوس | خبریں | 0 | 22-06-08 08:51 PM |
| یورو کپ فٹبال:روس، ہالینڈکو3-1شکست دے کرسیمی فائنل میں پہنچ گیا بیسل … یور | عبدالقدوس | خبریں | 0 | 22-06-08 08:32 PM |
تمام اوقات پاکستانی معیاری وقت ( +5 GMT) کے لحاظ سے ہیں۔ ابھی وقت ہے 02:09 PM
