|
|||||||
| دیوان غالب کاغذی ہے پیرہن ہر پیکرِ تصویر کا نقش فریادی ہےکس کی شوخئ تحریر کا مرزہ اسد اللہ خان غالب صاحب کی شاعری |
دیوان غالب (باب 9)
 |
|
|
LinkBack | موضوع کے اختیارات | موضوع کی درجہ بندی | ظاہری انداز |
20-07-07, 11:57 AM
|
#1 |
|
ناظم اعلی
 
تاریخ شمولیت: Jun 2007
عمر: 30
مراسلات: 12,482
کمائي: 8,120,880,613,345
شکریہ: 7,484
3,660 مراسلہ میں 9,157 بارشکریہ ادا کیا گیا
|
دیوان غالب (باب 9)
[ترمیم] طاقت کہاں کہ دید کا احساں اٹھائیے
صد جلوہ رو بہ رو ہے جو مژگاں اٹھائیے طاقت کہاں کہ دید کا احساں اٹھائیے ہے سنگ پر براتِ معاشِ جنونِ عشق یعنی ہنوز منّتِ طفلاں اٹھائیے دیوار بارِ منّتِ مزدور سے ہے خم اے خانماں خراب نہ احساں اٹھائیے یا میرے زخمِ رشک کو رسوا نہ کیجیے یا پردۂ تبسّمِ پنہاں اٹھائیے [ترمیم] بھَوں پاس آنکھ قبلۂ حاجات چاہیے مسجد کے زیرِ سایہ خرابات چاہیے بھَوں پاس آنکھ قبلۂ حاجات چاہیے عاشق ہوئے ہیں آپ بھی ایک اور شخص پر آخر ستم کی کچھ تو مکافات چاہیے دے داد اے فلک! دلِ حسرت پرست کی* ہاں کچھ نہ کچھ تلافیِ مافات چاہیے سیکھے ہیں مہ رخوں کے لیے ہم مصوّری تقریب کچھ تو بہرِ ملاقات چاہیے مے سے غرض نشاط ہے کس رو سیاہ کو اک گونہ بیخودی مجھے دن رات چاہیے ہے رنگِ لالہ و گل و نسریں جدا جدا ہر رنگ میں بہار کا اثبات چاہیے سر پاۓ خم پہ چاہیے ہنگامِ بے خودی رو سوۓ قبلہ وقتِ مناجات چاہیے یعنی بہ حسبِ گردشِ پیمانۂ صفات عارف ہمیشہ مستِ مئے ذات چاہیے نشو و نما ہے اصل سے غالب فروع کو خاموشی ہی سے نکلے ہے جو بات چاہیے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔ نسخۂ مہر میں "کو" [ترمیم] سو رہتا ہے بہ اندازِ چکیدن سر نگوں وہ بھی بساطِ عجز میں تھا ایک دل یک قطرہ خوں وہ بھی سو رہتا ہے بہ اندازِ چکیدن سر نگوں وہ بھی رہے اس شوخ سے آزردہ ہم چندے تکلّف سے تکلّف بر طرف، تھا ایک اندازِ جنوں وہ بھی خیالِ مرگ کب تسکیں دلِ آزردہ کو بخشے مرے دامِ تمنّا میں ہے اک صیدِ زبوں وہ بھی نہ کرتا کاش نالہ مجھ کو کیا معلوم تھا ہمدم کہ ہوگا باعثِ افزائشِ دردِ دروں وہ بھی نہ اتنا بُرّشِ تیغِ جفا پر ناز فرماؤ مرے دریاۓ بیتابی میں ہے اک موجِ خوں وہ بھی مئے عشرت کی خواہش ساقیِ گردوں سے کیا کیجے لیے بیٹھا ہے اک دو چار جامِ واژگوں وہ بھی مرے دل میں ہے غالب شوقِ وصل و شکوۂ ہجراں خدا وہ دن کرے جو اس سے میں یہ بھی کہوں، وہ بھی [ترمیم] تنگ آئے ہیں ہم ایسے خوشامد طلبوں سے ہے بزمِ بتاں میں سخن آزردہ لبوں سے تنگ آئے ہیں ہم ایسے خوشامد طلبوں سے ہے دورِ قدح وجہ پریشانیِ صہبا یک بار لگا دو خمِ مے میرے لبوں سے رندانِ درِ مے کدہ گستاخ ہیں زاہد زنہار نہ ہونا طرف ان بے ادبوں سے بیدادِ وفا دیکھ کہ جاتی رہی آخر ہر چند مری جان کو تھا ربط لبوں سے [ترمیم] سن لیتے ہیں گو ذکر ہمارا نہیں کرتے تا ہم کو شکایت کی بھی باقی نہ رہے جا سن لیتے ہیں گو ذکر ہمارا نہیں کرتے غالب ترا احوال سنا دینگے ہم ان کو وہ سن کے بلا لیں یہ اجارا نہیں کرتے [ترمیم] وہ جو رکھتے تھے ہم اک حسرتِ تعمیر، سو ہے گھر میں تھا کیا کہ ترا غم اسے غارت کرتا وہ جو رکھتے تھے ہم اک حسرتِ تعمیر، سو ہے [ترمیم] فلک کا دیکھنا تقریب تیرے یاد آنے کی غمِ دنیا سے گر پائی بھی فرصت سر اٹھانے کی فلک کا دیکھنا تقریب تیرے یاد آنے کی کھلےگا کس طرح مضموں مرے مکتوب کا یا رب قسم کھائی ہے اس کافر نے کاغذ کے جلانے کی لپٹنا پرنیاں میں شعلۂ آتش کا آساں ہے ولے مشکل ہے حکمت دل میں سوزِ غم چھپانے کی انہیں منظور اپنے زخمیوں کا دیکھ آنا تھا اٹھے تھے سیرِ گل کو، دیکھنا شوخی بہانے کی ہماری سادگی تھی التفاتِ ناز پر مرنا ترا آنا نہ تھا ظالم مگر تمہید جانے کی لکد کوبِ حوادث کا تحمّل کر نہیں سکتی مری طاقت کہ ضامن تھی بتوں کے ناز اٹھانے کی کہوں کیا خوبیِ اوضاعِ ابنائے زماں غالب بدی کی اس نے جس سے ہم نے کی تھی بارہا نیکی [ترمیم] دل جوشِ گریہ میں ہے ڈوبی ہوئی اسامی حاصل سے ہاتھ دھو بیٹھ اے آرزو خرامی دل جوشِ گریہ میں ہے ڈوبی ہوئی اسامی اس شمع کی طرح سے جس کو کوئی بجھائے میں بھی جلے ہؤوں میں ہوں داغِ نا تمامی [ترمیم] جس میں کہ ایک بیضۂ مور آسمان ہے کیا تنگ ہم ستم زدگاں کا جہان ہے جس میں کہ ایک بیضۂ مور آسمان ہے ہے کائنات کو حَرَکت تیرے ذوق سے پرتو سے آفتاب کے ذرّے میں جان ہے حالانکہ ہے یہ سیلیِ خارا سے لالہ رنگ غافل کو میرے شیشے پہ مے کا گمان ہے کی اس نے گرم سینۂ اہلِ ہوس میں جا آوے نہ کیوں پسند کہ ٹھنڈا مکان ہے کیا خوب! تم نے غیر کو بوسہ نہیں دیا بس چپ رہو ہمارے بھی منہ میں زبان ہے بیٹھا ہے جو کہ سایۂ دیوارِ یار میں فرماں رواۓ کشورِ ہندوستان ہے ہستی کا اعتبار بھی غم نے مٹا دیا کس سے کہوں کہ داغ جگر کا نشان ہے ہے بارے اعتمادِ وفاداری اس قدر غالب ہم اس میں خوش ہیں کہ نا مہربان ہے [ترمیم] کیا ہوئی ظالم تری غفلت شعاری ہائے ہائے درد سے میرے ہے تجھ کو بے قراری ہائے ہائے کیا ہوئی ظالم تری غفلت شعاری ہائے ہائے تیرے دل میں گر نہ تھا آشوبِ غم کا حوصلہ تو نے پھر کیوں کی تھی میری غم گساری ہائے ہائے کیوں مری غم خوارگی کا تجھ کو آیا تھا خیال دشمنی اپنی تھی میری دوست داری ہائے ہائے عمر بھر کا تو نے پیمانِ وفا باندھا تو کیا عمر کو بھی تو نہیں ہے پائداری ہائے ہائے زہر لگتی ہے مجھے آب و ہواۓ زندگی یعنی تجھ سے تھی اسے نا سازگاری ہائے ہائے گل فشانی ہاۓ نازِ جلوہ کو کیا ہو گیا خاک پر ہوتی ہے تیری لالہ کاری ہائے ہائے شرمِ رسوائی سے جا چھپنا نقابِ خاک میں ختم ہے الفت کی تجھ پر پردہ داری ہائے ہائے خاک میں ناموسِ پیمانِ محبّت مل گئی اٹھ گئی دنیا سے راہ و رسمِ یاری ہائے ہائے ہاتھ ہی تیغ آزما کا کام سے جاتا رہا دل پہ اک لگنے نہ پایا زخمِ کاری ہائے ہائے کس طرح کاٹے کوئی شبہاۓ تارِ برشکال ہے نظر خو کردۂ اختر شماری ہائے ہائے گوش مہجورِ پیام و چشم محرومِ جمال ایک دل تِس پر یہ نا امّیدواری ہائے ہائے عشق نے پکڑا نہ تھا غالب ابھی وحشت کا رنگ رہ گیا تھا دل میں جو کچھ ذوقِ خواری ہائے ہائے [ترمیم] تسکیں کو دے نوید* کہ مرنے کی آس ہے سر گشتگی میں عالمِ ہستی سے یاس ہے تسکیں کو دے نوید* کہ مرنے کی آس ہے لیتا نہیں مرے دلِ آوارہ کی خبر اب تک وہ جانتا ہے کہ میرے ہی پاس ہے کیجے بیاں سرورِ تبِ غم کہاں تلک ہر مو مرے بدن پہ زبانِ سپاس ہے ہے وہ غرورِ حسن سے بیگانۂ وفا ہرچند اس کے پاس دلِ حق شناس ہے پی جس قدر ملے شبِ مہتاب میں شراب اس بلغمی مزاج کو گرمی ہی راس ہے ہر اک مکان کو ہے مکیں سے شرف اسد مجنوں جو مر گیا ہے تو جنگل اداس ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ نسخۂ عرشی میں یوں ہے: ’تسکین کو نوید‘۔ اصل نظامی اور دوسرے نسخوں میں اسی طرح ہے۔ [ترمیم] خوش ہوں کہ میری بات سمجھنی محال ہے گر خامشی سے فائدہ اخفاۓ حال ہے خوش ہوں کہ میری بات سمجھنی محال ہے کس کو سناؤں حسرتِ اظہار کا گلہ دل فردِ جمع و خرچِ زباں ہاۓ لال ہے کس پردے میں ہے آئینہ پرداز اے خدا رحمت کہ عذر خواہ لبِ بے سوال ہے ہے ہے خدا نہ خواستہ وہ اور دشمنی اے شوقِ منفعل! یہ تجھے کیا خیال ہے مشکیں لباسِ کعبہ علی کے قدم سے جان نافِ زمین ہے نہ کہ نافِ غزال ہے وحشت پہ میری عرصۂ آفاق تنگ تھا دریا زمین کو عرقِ انفعال ہے ہستی کے مت فریب میں آ جائیو اسد عالم تمام حلقۂ دامِ خیال ہے [ترمیم] حذر کرو مرے دل سے کہ اس میں آگ دبی ہے تم اپنے شکوے کی باتیں نہ کھود کھود کے* پوچھو حذر کرو مرے دل سے کہ اس میں آگ دبی ہے دلا یہ درد و الم بھی تو مغتنم ہے کہ آخر نہ گریۂ سحری ہے نہ آہ نیم شبی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کر ۔ نسخۂ مہر [ترمیم] ظاہرا کاغذ ترے خط کا غلط بردار ہے ایک جا حرفِ وفا لکّھا تھا، سو* بھی مٹ گیا ظاہرا کاغذ ترے خط کا غلط بردار ہے جی جلے ذوقِ فنا کی نا تمامی پر نہ کیوں ہم نہیں جلتے نفس ہر چند آتش بار ہے آگ سے پانی میں بجھتے وقت اٹھتی ہے صدا ہر کوئی در ماندگی میں نالے سے ناچار ہے ہے وہی بد مستیِ ہر ذرّہ کا خود عذر خواہ جس کے جلوے سے زمیں تا آسماں سرشار ہے مجھ سے مت کہہ "تو ہمیں کہتا تھا اپنی زندگی" زندگی سے بھی مرا جی ان دنوں بیزار ہے آنکھ کی تصویر سر نامے پہ کھینچی ہے کہ تا تجھ پہ کھل جاوے کہ اس کو حسرتِ دیدار ہے ۔۔۔۔۔۔ وہ۔ نسخۂ مہر [ترمیم] کندھا بھی کہاروں کو بدلنے نہیں دیتے پینس میں گزرتے ہیں جو کوچے سے وہ میرے کندھا بھی کہاروں کو بدلنے نہیں دیتے [ترمیم] جسے کہتے ہیں نالہ وہ اسی عالم کا عنقا ہے مری ہستی فضاۓ حیرت آبادِ تمنّا ہے جسے کہتے ہیں نالہ وہ اسی عالم کا عنقا ہے خزاں کیا فصلِ گل کہتے ہیں کس کو؟ کوئی موسم ہو وہی ہم ہیں، قفس ہے، اور ماتم بال و پر کا ہے وفاۓ دلبراں ہے اتّفاقی ورنہ اے ہمدم اثر فریادِ دل ہاے حزیں کا کس نے دیکھا ہے نہ لائی* شوخئ اندیشہ تابِ رنجِ نومیدی کفِ افسوس ملنا عہدِ تجدیدِ تمنّا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔ نہ لائے (نسخۂ مہر) [ترمیم] نبضِ بیمارِ وفا دودِ چراغِ کشتہ ہے رحم کر ظالم کہ کیا بودِ چراغِ کشتہ ہے نبضِ بیمارِ وفا دودِ چراغِ کشتہ ہے دل لگی کی آرزو بے چین رکھتی ہے ہمیں ورنہ یاں بے رونقی سودِ چراغِ کشتہ ہے [ترمیم] سرمہ تو کہوے کہ دودِ شعلہ آواز ہے چشمِ خوباں خامشی میں بھی نوا پرداز ہے سرمہ تو کہوے کہ دودِ شعلہ آواز ہے پیکرِ عشّاق سازِ طالعِ نا ساز ہے نالہ گویا گردشِ سیّارہ کی آواز ہے دست گاہِ دیدۂ خوں بارِ مجنوں دیکھنا یک بیاباں جلوۂ گل فرشِ پا انداز ہے [ترمیم] میری وحشت تری شہرت ہی سہی عشق مجھ کو نہیں وحشت ہی سہی میری وحشت تری شہرت ہی سہی قطع کیجے نہ تعلّق ہم سے کچھ نہیں ہے تو عداوت ہی سہی میرے ہونے میں ہے کیا رسوائی اے وہ مجلس نہیں خلوت ہی سہی ہم بھی دشمن تو نہیں ہیں اپنے غیر کو تجھ سے محبّت ہی سہی اپنی ہستی ہی سے ہو جو کچھ ہو آگہی گر نہیں غفلت ہی سہی عمر ہر چند کہ ہے برق خرام دل کے خوں کرنے کی فرصت ہی سہی ہم کوئی ترکِ وفا کرتے ہیں نہ سہی عشق مصیبت ہی سہی کچھ تو دے اے فلکِ نا انصاف آہ و فریاد کی رخصت ہی سہی ہم بھی تسلیم کی خو ڈالیں گے بے نیازی تری عادت ہی سہی یار سے چھیڑ چلی جائے اسد گر نہیں وصل تو حسرت ہی سہی [ترمیم] صبحِ وطن ہے خندۂ دنداں نما مجھے ہے آرمیدگی میں نکوہش بجا مجھے صبحِ وطن ہے خندۂ دنداں نما مجھے ڈھونڈے ہے اس مغنّیِ آتش نفس کو جی جس کی صدا ہو جلوۂ برقِ فنا مجھے مستانہ طے کروں ہوں رہِ وادیِ خیال تا باز گشت سے نہ رہے مدّعا مجھے کرتا ہے بسکہ باغ میں تو بے حجابیاں آنے لگی ہے نکہتِ گل سے حیا مجھے کھلتا کسی پہ کیوں مرے دل کا معاملہ شعروں کے انتخاب نے رسوا کیا مجھے [ترمیم] ہم بھی کیا یاد کریں گے کہ خدا رکھتے تھے زندگی اپنی جب اس شکل سے گزری غالب ہم بھی کیا یاد کریں گے کہ خدا رکھتے تھے [ترمیم] بیٹھا رہا اگرچہ اشارے ہوا کیے اس بزم میں مجھے نہیں بنتی حیا کیے بیٹھا رہا اگرچہ اشارے ہوا کیے دل ہی تو ہے سیاستِ درباں سے ڈر گیا میں اور جاؤں در سے ترے بِن صدا کیے رکھتا پھروں ہوں خرقہ و سجّادہ رہنِ مے مدّت ہوئی ہے دعوتِ آب و ہوا کیے بے صرفہ ہی گزرتی ہے، ہو گرچہ عمرِ خضر حضرت بھی کل کہیں گے کہ ہم کیا کیا کیے مقدور ہو تو خاک سے پوچھوں کہ اے* لئیم تو نے وہ گنجہاۓ گرانمایہ کیا کیے کس روز تہمتیں نہ تراشا کیے عدو ؟ کس دن ہمارے سر پہ نہ آرے چلا کیے ؟ صحبت میں غیر کی نہ پڑی ہو کہیں یہ خو دینے لگا ہے بوسہ بغیر التجا کیے ضد کی ہے اور بات مگر خو بری نہیں بھولے سے اس نے سینکڑوں وعدے وفا کیے غالب تمہیں کہو کہ ملے گا جواب کیا مانا کہ تم کہا کیے اور وہ سنا کیے ۔۔۔۔۔۔۔۔۔۔۔۔۔۔۔۔۔۔۔۔۔۔۔ او۔ نسخۂ مہر [ترمیم] اس سال کے حساب کو برق آفتاب ہے رفتارِ عمر قطعِ رہ اضطراب ہے اس سال کے حساب کو برق آفتاب ہے میناۓ مے ہے سروِ نشاطِ بہار سے بالِ تَدَر و* جلوۂ موجِ شراب ہے زخمی ہوا ہے پاشنہ پاۓ ثبات کا نے بھاگنے کی گوں، نہ اقامت کی تاب ہے جادادِ بادہ نوشیِ رنداں ہے شش جہت غافل گماں کرے ہے کہ گیتی خراب ہے نظّارہ کیا حریف ہو اس برقِ حسن کا جوشِ بہار جلوے کو جس کے نقاب ہے میں نامراد دل کی تسلّی کو کیا کروں مانا کہ تیری رخ سے نگہ کامیاب ہے گزرا اسد مسرّتِ پیغامِ یار سے قاصد پہ مجھ کو رشکِ سوال و جواب ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔ تذرو اور تدرو دونوں طرح لکھا جاتاہے۔ نسخۂ مہر [ترمیم] میں اسے دیکھوں، بھلا کب مجھ سے دیکھا جائے ہے دیکھنا قسمت کہ آپ اپنے پہ رشک آ جائے ہے میں اسے دیکھوں، بھلا کب مجھ سے دیکھا جائے ہے ہاتھ دھو دل سے یہی گرمی گر اندیشے میں ہے آبگینہ تندئِ صہبا سے پگھلا جائے ہے غیر کو یا رب وہ کیوں کر منعِ گستاخی کرے گر حیا بھی اس کو آتی ہے تو شرما جائے ہے شوق کو یہ لت کہ ہر دم نالہ کھینچے جائیے دل کی وہ حالت کہ دم لینے سے گھبرا جائے ہے دور چشمِ بد تری بزمِ طرب سے واہ واہ نغمہ ہو جاتا ہے واں گر نالہ میرا جائے ہے گرچہ ہے طرزِ تغافل پردہ دارِ رازِ عشق پر ہم ایسے کھوئے جاتے ہیں کہ وہ پا جائے ہے اس کی بزم آرائیاں سن کر دلِ رنجور، یاں مثلِ نقشِ مدّعاۓ غیر بیٹھا جائے ہے ہو کے عاشق وہ پری رخ اور نازک بن گیا رنگ کھُلتا جائے ہے جتنا کہ اڑتا جائے ہے نقش کو اس کے مصوّر پر بھی کیا کیا ناز ہیں کھینچتا ہے جس قدر اتنا ہی کھنچتا جائے ہے سایہ میرا مجھ سے مثلِ دود بھاگے ہے اسد پاس مجھ آتش بجاں کے کس سے ٹھہرا جائے ہے [ترمیم] تب اماں ہجر میں دی بردِ لیالی نے مجھے گرمِ فریاد رکھا شکلِ نہالی نے مجھے تب اماں ہجر میں دی بردِ لیالی نے مجھے نسیہ و نقدِ دو عالم کی حقیقت معلوم لے لیا مجھ سے مری ہمّتِ عالی نے مجھے کثرت آرائیِ وحدت ہے پرستارئ وہم کر دیا کافر ان اصنامِ خیالی نے مجھے ہوسِ گل کے تصوّر میں بھی کھٹکا نہ رہا عجب آرام دیا بے پر و بالی نے مجھے [ترمیم] برقِ خرمنِ راحت، خونِ گرمِ دہقاں ہے کار گاہ ہستی میں لالہ داغ ساماں ہے برقِ خرمنِ راحت، خونِ گرمِ دہقاں ہے غنچہ تا شگفتن ہا برگِ عافیت معلوم باوجودِ دل جمعی خوابِ گل پریشاں ہے ہم سے رنجِ بیتابی کس طرح اٹھایا جائے داغ پشتِ دستِ عجز، شعلہ خس بہ دنداں ہے [ترمیم] ہم بیاباں میں ہیں اور گھر میں بہار آئی ہے اگ رہا ہے در و دیوار سے سبزہ غالب ہم بیاباں میں ہیں اور گھر میں بہار آئی ہے [ترمیم] بس نہیں چلتا کہ پھر خنجر کفِ قاتل میں ہے سادگی پر اس کی، مر جانے کی حسرت دل میں ہے بس نہیں چلتا کہ پھر خنجر کفِ قاتل میں ہے دیکھنا تقریر کی لذّت کہ جو اس نے کہا میں نے یہ جانا کہ گویا یہ بھی میرے دل میں ہے گرچہ ہے کس کس برائی سے ولے با ایں ہمہ ذکر میرا مجھ سے بہتر ہے کہ اس محفل میں ہے بس ہجومِ نا امیدی خاک میں مل جائے گی یہ جو اک لذّت ہماری سعئِ بے حاصل میں ہے رنجِ رہ کیوں کھینچیے؟ واماندگی کو عشق ہے اٹھ نہیں سکتا ہمارا جو قدم منزل میں ہے جلوہ زارِ آتشِ دوزخ ہمارا دل سہی فتنۂ شورِ قیامت کس کی آب و گِل میں ہے ہے دلِ شوریدۂ غالب طلسمِ پیچ و تاب رحم کر اپنی تمنّا پر کہ کس مشکل میں ہے [ترمیم] دونوں کو اک ادا میں رضامند کر گئی دل سے تری نگاہ جگر تک اتر گئی دونوں کو اک ادا میں رضامند کر گئی شق ہو گیا ہے سینہ، خوشا لذّتِ فراغ تکلیفِ پردہ داریِ زخمِ جگر گئی وہ بادۂ شبانہ کی سر مستیاں کہاں اٹھیے بس اب کہ لذّتِ خوابِ سحر گئی اڑتی پھرے ہے خاک مری کوۓ یار میں بارے اب اے ہوا! ہوسِ بال و پر گئی دیکھو تو دل فریبـئ اندازِ نقشِ پا موجِ خرامِ یار بھی کیا گل کتر گئی ہر بوالہوس نے حسن پرستی شعار کی اب آبروۓ شیوہ اہلِ نظر گئی نظّارے نے بھی کام کِیا واں نقاب کا مستی سے ہر نگہ ترے رخ پر بکھر گئی فردا و دی کا تفرِقہ یک بار مٹ گیا کل تم گئے کہ ہم پہ قیامت گزر گئی مارا زمانے نے اسداللہ خاں تمہیں وہ ولولے کہاں وہ جوانی کدھر گئی [ترمیم] حورانِ خلد میں تری صورت مگر ملے تسکیں کو ہم نہ روئیں جو ذوقِ نظر ملے حورانِ خلد میں تری صورت مگر ملے اپنی گلی میں مجھ کو نہ کر دفن بعدِ قتل میرے پتے سے خلق کو کیوں تیرا گھر ملے ساقی گری کی شرم کرو آج، ورنہ ہم ہر شب پیا ہی کرتے ہیں مے جس قدر ملے تجھ سے تو کچھ کلام نہیں لیکن اے ندیم میرا سلام کہیو اگر نامہ بر ملے تم کو بھی ہم دکھائیں کہ مجنوں نے کیا کِیا فرصت کشاکشِ غمِ پنہاں سے گر ملے لازم نہیں کہ خضر کی ہم پیروی کریں جانا* کہ اک بزرگ ہمیں ہم سفر ملے اے ساکنانِ کوچۂ دل دار دیکھنا تم کو کہیں جو غالب آشفتہ سر ملے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔ دیوانِ غالب ( فرہنگ کے ساتھ) میں "مانا" ہے۔ [ترمیم] اپنے جی میں ہم نے ٹھانی اور ہے کوئی دن گر زندگانی اور ہے اپنے جی میں ہم نے ٹھانی اور ہے آتشِ دوزخ میں یہ گرمی کہاں سوزِ غم ہاۓ نہانی اور ہے بارہا دیکھی ہیں ان کی رنجشیں پر کچھ اب کے سر گرانی اور ہے دے کے خط منہ دیکھتا ہے نامہ بر کچھ تو پیغامِ زبانی اور ہے قاطعِ اعمار ہیں اکثر نجوم وہ بلاۓ آسمانی اور ہے ہو چکیں غالب بلائیں سب تمام ایک مرگِ ناگہانی اور ہے کوئی امّید بر نہیں آتی کوئی صورت نظر نہیں آتی موت کا ایک دن معین ھے نیند کیوں رات بھر نہیں آتی؟ آگے آتی تھی حال دل پہ ہنسی اب کسی بات پر نہیں آتی جانتا ہوں ثوابِ طاعت و زہد پر طبعیت ادھر نہیں آتی ہے کچھ ایسی ہی بات جو چپ ہوں ورنہ کیا بات کر نہیں آتی کیوں نہ چیخوں کہ یاد کرتے ہیں میری آواز گر نہیں آتی داغِ دل گر نظر نہیں آتا بو بھی اے چارہ گر نہیں آتی ہم وہاں ہیں جہاں سے ہم کو بھی کچھ ہماری خبر نہیں آتی مرتے ہیں آرزو میں مرنے کی موت آتی ہے پر نہیں آتی کعبے کس منہ سے جاؤ گے غالب شرم تم کو مگر نہیں آتی [ترمیم] آخر اس درد کی دوا کیا ہے؟ دلِ ناداں تجھے ہوا کیا ہے؟ آخر اس درد کی دوا کیا ہے؟ ہم ہیں مشتاق اور وہ بےزار یا الٰہی یہ ماجرا کیا ہے؟ میں بھی منہ میں زبان رکھتا ہوں کاش پوچھو کہ مدّعا کیا ہے جب کہ تجھ بن نہیں کوئی موجود پھر یہ ہنگامہ اے خدا کیا ہے؟ یہ پری چہرہ لوگ کیسے ہیں؟ غمزہ و عشوہ و ادا کیا ہے؟ شکنِ زلفِ عنبریں کیوں ہے* نگہِ چشمِ سرمہ سا کیا ہے؟ سبزہ و گل کہاں سے آئے ہیں؟ ابر کیا چیز ہے؟ ہوا کیا ہے؟ ہم کو ان سے وفا کی ہے امّید جو نہیں جانتے وفا کیا ہے؟ ہاں بھلا کر ترا بھلا ہوگا اَور درویش کی صدا کیا ہے؟ جان تم پر نثار کرتا ہوں میں نہیں جانتا دعا کیا ہے؟ میں نے مانا کہ کچھ نہیں غالب مفت ہاتھ آئے تو برا کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔ ہیں۔ نسخۂ مہر [ترمیم] یک مرتبہ گھبرا کے کہو کوئی "کہ وو آئے" کہتے تو ہو تم سب کہ بتِ غالیہ مو آئے یک مرتبہ گھبرا کے کہو کوئی "کہ وو آئے" ہوں کشمکشِ نزع میں ہاں جذبِ محبّت کچھ کہہ نہ سکوں، پر وہ مرے پوچھنے کو آئے ہے صاعقہ و شعلہ و سیماب کا عالم آنا ہی سمجھ میں مری آتا نہیں، گو آئے ظاہر ہے کہ گھبرا کے نہ بھاگیں گے نکیرین ہاں منہ سے مگر بادۂ دوشینہ کی بو آئے جلاّد سے ڈرتے ہیں نہ واعظ سے جھگڑتے ہم سمجھے ہوئے ہیں اسے جس بھیس میں جو آئے ہاں اہلِ طلب! کون سنے طعنۂ نا یافت دیکھا کہ وہ ملتا نہیں اپنے ہی کو کھو آئے اپنا نہیں وہ شیوہ کہ آرام سے بیٹھیں اس در پہ نہیں بار تو کعبے ہی کو ہو آئے کی ہم نفسوں نے اثرِ گریہ میں تقریر اچّھے رہے آپ اس سے مگر مجھ کو ڈبو آئے اس انجمنِ ناز کی کیا بات ہے غالب ہم بھی گئے واں اور تری تقدیر کو رو آئے [ترمیم] سینہ جویاۓ زخمِ کاری ہے پھر کچھ اک دل کو بیقراری ہے سینہ جویاۓ زخمِ کاری ہے پھِر جگر کھودنے لگا ناخن آمدِ فصلِ لالہ کاری ہے قبلۂ مقصدِ نگاہِ نیاز پھر وہی پردۂ عماری ہے چشم دلاّلِ جنسِ رسوائی دل خریدارِ ذوقِ خواری ہے وُہ ہی* صد رنگ نالہ فرسائی وُہ ہی* صد گونہ اشک باری ہے دل ہواۓ خرامِ ناز سے پھر محشرستانِ بیقراری ہے جلوہ پھر عرضِ ناز کرتا ہے روزِ بازارِ جاں سپاری ہے پھر اسی بے وفا پہ مرتے ہیں پھر وہی زندگی ہماری ہے پھر کھلا ہے درِ عدالتِ ناز گرم بازارِ فوجداری ہے ہو رہا ہے جہان میں اندھیر زلف کی پھر سرشتہ داری ہے پھر دیا پارۂ جگر نے سوال ایک فریاد و آہ و زاری ہے پھر ہوئے ہیں گواہِ عشق طلب اشک باری کا حکم جاری ہے دل و مژگاں کا جو مقدمہ تھا آج پھر اس کی روبکاری ہے بے خودی بے سبب نہیں غالب کچھ تو ہے جس کی پردہ داری ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔ نسخۂ مہر و آسی میں " وُہی" [ترمیم] نمک پاشِ خراشِ دل ہے لذّت زندگانی کی جنوں تہمت کشِ تسکیں نہ ہو گر شادمانی کی نمک پاشِ خراشِ دل ہے لذّت زندگانی کی کشاکش ہاۓ ہستی سے کرے کیا سعیِ آزادی ہوئی زنجیر، موجِ* آب کو فرصت روانی کی پس از مردن بھی دیوانہ زیارت گاہ طفلاں ہے شرارِ سنگ نے تربت پہ میری گل فشانی کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔ نسخۂ طاہر میں " زنجیرِ موجِ آب" [ترمیم] مبادا خندۂ دنداں نما ہو صبح محشر کی نِکوہِش ہے سزا فریادئِ بیدادِ دِلبر کی مبادا خندۂ دنداں نما ہو صبح محشر کی رگِ لیلیٰ کو خاکِ دشتِ مجنوں ریشگی بخشے اگر بو دے بجاۓ دانہ دہقاں نوک نشتر کی پرِ پروانہ شاید بادبانِ کشتئ مے تھا ہوئی مجلس کی گرمی سے روانی دَورِ ساغر کی کروں بیدادِ ذوقِ پَر فشانی عرض کیا قدرت کہ طاقت اُڑ گئی، اڑنے سے پہلے، میرے شہپر کی کہاں تک روؤں اُس کے خیمے کے پیچھے، قیامت ہے! مری قسمت میں یا رب کیا نہ تھی دیوار پتھّر کی؟ [ترمیم] جتنے زیادہ ہو گئے اتنے ہی کم ہوئے بے اعتدالیوں سے سبُک سب میں ہم ہوئے جتنے زیادہ ہو گئے اتنے ہی کم ہوئے پنہاں تھا دام سخت قریب* آشیان کے اڑنے نہ پائے تھے کہ گرفتار ہم ہوئے ہستی ہماری اپنی فنا پر دلیل ہے یاں تک مٹے کہ آپ ہم اپنی قَسم ہوئے سختی کشانِ عشق کی پوچھے ہے کیا خبر وہ لوگ رفتہ رفتہ سراپا الم ہوئے تیری وفا سے کیا ہو تلافی؟ کہ دہر میں تیرے سوا بھی ہم پہ بہت سے ستم ہوئے لکھتے رہے جنوں کی حکایاتِ خوں چکاں ہر چند اس میں ہاتھ ہمارے قلم ہوئے اللہ ری تیری تندئ خو جس کے بیم سے اجزاۓ نالہ دل میں مرے رزقِ ہم ہوئے اہلِ ہوس کی فتح ہے ترکِ نبردِ عشق جو پاؤں اٹھ گئے وہی ان کے علم ہوئے نالے عدم میں چند ہمارے سپرد تھے جو واں نہ کھنچ سکے سو وہ یاں آ کے دم ہوئے چھوڑی اسد نہ ہم نے گدائی میں دل لگی سائل ہوئے تو عاشقِ اہلِ کرم ہوئے ۔۔۔۔۔۔۔۔۔۔۔۔۔۔۔۔۔۔۔۔ نسخۂ حمیدیہ اور مالک رام میں " دامِ سخت قریب" [ترمیم] تو فسردگی نہاں ہے بہ کمینِ بے زبانی جو نہ نقدِ داغِ دل کی کرے شعلہ پاسبانی تو فسردگی نہاں ہے بہ کمینِ بے زبانی مجھے اس سے کیا توقّع بہ زمانۂ جوانی کبھی کودکی میں جس نے نہ سنی مری کہانی یوں ہی دکھ کسی کو دینا نہیں خوب ورنہ کہتا کہ مرے عدو کو یا رب ملے میری زندگانی [ترمیم] اک شمع ہے دلیلِ سحر سو خموش ہے ظلمت کدے میں میرے شبِ غم کا جوش ہے اک شمع ہے دلیلِ سحر سو خموش ہے نے مژدۂ وصال نہ نظّارۂ جمال مدّت ہوئی کہ آشتئ چشم و گوش ہے مے نے کِیا ہے حسنِ خود آرا کو بے حجاب اے شوق یاں اجازتِ تسلیمِ ہوش ہے گوہر کو عقدِ گردنِ خوباں میں دیکھنا کیا اوج پر ستارۂ گوہر فروش ہے دیدار بادہ، حوصلہ ساقی، نگاہ مست بزمِ خیال مے کدۂ بے خروش ہے اے تازہ واردانِ بساطِ ہواۓ دل زنہار اگر تمہیں ہوسِ ناۓ و نوش ہے دیکھو مجھے! جو دیدۂ عبرت نگاہ ہو میری سنو! جو گوشِ نصیحت نیوش ہے ساقی بہ جلوہ دشمنِ ایمان و آگہی مطرب بہ نغمہ رہزنِ تمکین و ہوش ہے یا شب کو دیکھتے تھے کہ ہر گوشۂ بساط دامانِ باغبان و کفِ گل فروش ہے لطفِ خرامِ ساقی و ذوقِ صداۓ چنگ یہ جنّتِ نگاہ وہ فردوسِ گوش ہے یا صبح دم جو دیکھیے آ کر تو بزم میں نے وہ سرور و سوز* نہ جوش و خروش ہے داغِ فراقِ صحبتِ شب کی جلی ہوئی اک شمع رہ گئی ہے سو وہ بھی خموش ہے آتے ہیں غیب سے یہ مضامیں خیال میں غالب صریرِ خامہ نواۓ سروش ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ نسخۂ آگرہ 1863ء اور نسخۂ مہر میں ’سور‘ [ترمیم] طاقتِ بیدادِ انتظار نہیں ہے آ، کہ مری جان کو قرار نہیں ہے طاقتِ بیدادِ انتظار نہیں ہے دیتے ہیں جنّت حیاتِ دہر کے بدلے نشّہ بہ اندازۂ خمار نہیں ہے گِریہ نکالے ہے تیری بزم سے مجھ کو ہائے کہ رونے پہ اختیار نہیں ہے ہم سے عبث ہے گمانِ رنجشِ خاطر خاک میں عشّاق کی غبار نہیں ہے دل سے اٹھا لطفِ جلوہہاۓ معانی غیرِ گل آئینۂ بہار نہیں ہے قتل کا میرے کیا ہے عہد تو بارے وائے اگر عہد استوار نہیں ہے تو نے قسم مے کشی کی کھائی ہے غالب تیری قسم کا کچھ اعتبار نہیں ہے [ترمیم] چل نکلتے جو مے پیے ہوتے میں انہیں چھیڑوں اور کچھ نہ کہیں چل نکلتے جو مے پیے ہوتے قہر ہو یا بلا ہو جو کچھ ہو کاشکے تم مرے لیے ہوتے میری قسمت میں غم گر اتنا تھا دل بھی یا رب کئی دیے ہوتے آ ہی جاتا وہ راہ پر غالب کوئی دن اور بھی جیے ہوتے [ترمیم] کہ تارِ دامن و تارِ نظر میں فرق مشکل ہے ہجومِ غم سے یاں تک سر نگونی مجھ کو حاصل ہے کہ تارِ دامن و تارِ نظر میں فرق مشکل ہے رفوۓ زخم سے مطلب ہے لذّت زخمِ سوزن کی سمجھیو مت کہ پاسِ درد سے دیوانہ غافل ہے وہ گل جس گلستاں میں جلوہ فرمائی کرے غالب چٹکنا غنچۂ گل کا صداۓ خندۂ دل ہے [ترمیم] خارِ پا ہیں جوہرِ آئینۂ زانو مجھے پا بہ دامن ہو رہا ہوں بسکہ میں صحرا نورد خارِ پا ہیں جوہرِ آئینۂ زانو مجھے دیکھنا حالت مرے دل کی ہم آغوشی کے وقت* ہے نگاہِ آشنا تیرا سرِ ہر مو مجھے ہوں سراپا سازِ آہنگِ شکایت کچھ نہ پوچھ ہے یہی بہتر کہ لوگوں میں نہ چھیڑے تو مجھے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔ نسخۂ مہرمیں " ہم آغوشی کے بعد" [ترمیم] جاں کالبدِ صورتِ دیوار میں آوے جس بزم میں تو ناز سے گفتار میں آوے جاں کالبدِ صورتِ دیوار میں آوے سائے کی طرح ساتھ پھریں سرو و صنوبر تو اس قدِ دلکش سے جو گلزار میں آوے تب نازِ گراں مایگئ اشک بجا ہے جب لختِ جگر دیدۂ خوں بار میں آوے دے مجھ کو شکایت کی اجازت کہ ستمگر کچھ تجھ کو مزہ بھی مرے آزار میں آوے اس چشمِ فسوں گر کا اگر پائے اشارہ طوطی کی طرح آئینہ گفتار میں آوے کانٹوں کی زباں سوکھ گئی پیاس سے یا رب اک آبلہ پا وادیِ پر خار میں آوے مر جاؤں نہ کیوں رشک سے جب وہ تنِ نازک آغوشِ خمِ حلقۂ زُنّار میں آوے غارت گرِ ناموس نہ ہو گر ہوسِ زر کیوں شاہدِ گل باغ سے بازار میں آوے تب چاکِ گریباں کا مزا ہے دلِ نالاں* جب اک نفس الجھا ہوا ہر تار میں آوے آتش کدہ ہے سینہ مرا رازِ نہاں سے اے وائے اگر معرضِ اظہار میں آوے گنجینۂ معنی کا طلسم اس کو سمجھیے جو لفظ کہ غالب مرے اشعار میں آوے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ مالک رام اور عرشی میں ہے ’دلِ ناداں‘ لیکن ’نالاں‘ ہی غالب کے اندازِ بیان کے مطابق زیادہ درست معلوم ہوتا ہے۔ [ترمیم] اس سے میرا مہِ خورشید جمال اچّھا ہے حسنِ مہ گرچہ بہ ہنگامِ کمال اچّھا ہے اس سے میرا مہِ خورشید جمال اچّھا ہے بوسہ دیتے نہیں اور دل پہ ہے ہر لحظہ نگاہ جی میں کہتے ہیں کہ مفت آئے تو مال اچّھا ہے اور بازار سے لے آئے اگر ٹوٹ گیا ساغرِ جم سے مرا جامِ سفال اچّھا ہے بے طلب دیں تو مزہ اس میں سوا ملتا ہے وہ گدا جس کو نہ ہو خوۓ سوال اچّھا ہے ان کے دیکھے سے جو آ جاتی ہے منہ پر رونق وہ سمجھتے ہیں کہ بیمار کا حال اچّھا ہے دیکھیے پاتے ہیں عشّاق بتوں سے کیا فیض اک برہمن نے کہا ہے کہ یہ سال اچّھا ہے ہم سخن تیشے نے فرہاد کو شیریں سے کیا جس طرح کا کہ* کسی میں ہو کمال اچّھا ہے قطرہ دریا میں جو مل جائے تو دریا ہو جائے کام اچّھا ہے وہ، جس کا کہ مآل اچّھا ہے خضر سلطاں کو رکھے خالقِ اکبر سر سبز شاہ کے باغ میں یہ تازہ نہال اچّھا ہے ہم کو معلوم ہے جنّت کی حقیقت لیکن دل کے خوش رکھنے کو غالب یہ خیال اچّھا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔ نسخۂ مہر میں "جس طرح کا بھی" [ترمیم] امتحاں اور بھی باقی ہو تو یہ بھی نہ سہی نہ ہوئی گر مرے مرنے سے تسلّی نہ سہی امتحاں اور بھی باقی ہو تو یہ بھی نہ سہی خار خارِ المِ حسرتِ دیدار تو ہے شوق گلچینِ گلستانِ تسلّی نہ سہی مے پرستاں خمِ مے منہ سے لگائے ہی بنے ایک دن گر نہ ہوا بزم میں ساقی نہ سہی نفسِ قیس کہ ہے چشم و چراغِ صحرا گر نہیں شمعِ سیہ خانۂ لیلی نہ سہی ایک ہنگامے پہ* موقوف ہے گھر کی رونق نوحۂ غم ہی سہی نغمۂ شادی نہ سہی نہ ستائش کی تمنّا نہ صلے کی پروا گر نہیں ہیں مرے اشعار میں معنی؟ نہ سہی عشرتِ صحبتِ خوباں ہی غنیمت سمجھو نہ ہوئی غالب اگر عمرِ طبیعی نہ سہی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ نسخۂ مہر میں "پر" [ترمیم] کہ اپنے سائے سے سر پاؤں سے ہے دو قدم آگے عجب نشاط سے جلاّد کے چلے ہیں ہم آگے کہ اپنے سائے سے سر پاؤں سے ہے دو قدم آگے قضا نے تھا مجھے چاہا خرابِ بادۂ الفت فقط خراب لکھا، بس نہ چل سکا قلم آگے غمِ زمانہ نے جھاڑی نشاطِ عشق کی مستی وگرنہ ہم بھی اٹھاتے تھے لذّتِ الم آگے خدا کے واسطے داد اس جنونِ شوق کی دینا کہ اس کے در پہ پہنچتے ہیں نامہ بر سے ہم آگے یہ عمر بھر جو پریشانیاں اٹھائی ہیں ہم نے تمہارے آئیو اے طرّہ ہاۓ خم بہ خم آگے دل و جگر میں پَر افشاں جو ایک موجۂ خوں ہے ہم اپنے زعم میں سمجھے ہوئے تھے اس کو دم آگے قسم جنازے پہ آنے کی میرے کھاتے ہیں غالب ہمیشہ کھاتے تھے جو میری جان کی قسم آگے [ترمیم] یہ بھی مت کہہ کہ جو کہیے تو گِلا ہوتا ہے شکوے کے نام سے بے مہر خفا ہوتا ہے یہ بھی مت کہہ کہ جو کہیے تو گِلا ہوتا ہے پُر ہوں میں شکوے سے یوں، راگ سے جیسے باجا اک ذرا چھیڑیے پھر دیکھیے کیا ہوتا ہے گو سمجھتا نہیں پر حسنِ تلافی دیکھو شکوۂ جور سے سر گرمِ جفا ہوتا ہے عشق کی راہ میں ہے چرخِ مکوکب کی وہ چال سست رو جیسے کوئی آبلہ پا ہوتا ہے کیوں نہ ٹھہریں ہدفِ ناوکِ بیداد کہ ہم آپ اٹھا لاتے ہیں گر تیر خطا ہوتا ہے خوب تھا پہلے سے ہوتے جو ہم اپنے بد خواہ کہ بھلا چاہتے ہیں اور برا ہوتا ہے نالہ جاتا تھا پرے عرش سے میرا اور اب لب تک آتا ہے جو ایسا ہی رسا ہوتا ہے خامہ میرا کہ وہ ہے باربُدِ بزمِ سخن شاہ کی مدح میں یوں نغمہ سرا ہوتا ہے اے شہنشاہِ کواکب سپہ و مہرِ علم تیرے اکرام کا حق کس سے ادا ہوتا ہے سات اقلیم کا حاصل جو فراہم کیجے تو وہ لشکر کا ترے نعل بہا ہوتا ہے ہر مہینے میں جو یہ بدر سے ہوتا ہے ہلال آستاں پر ترے مہ ناصیہ سا ہوتا ہے میں جو گستاخ ہوں آئینِ غزل خوانی میں یہ بھی تیرا ہی کرم ذوق فزا ہوتا ہے رکھیو غالب مجھے اس تلخ نوائی میں معاف آج کچھ درد مرے دل میں سوا ہوتا ہے [ترمیم] تمہیں کہو کہ یہ اندازِ گفتگو کیا ہے ہر ایک بات پہ کہتے ہو تم کہ تو کیا ہے تمہیں کہو کہ یہ اندازِ گفتگو کیا ہے نہ شعلے میں یہ کرشمہ نہ برق میں یہ ادا کوئی بتاؤ کہ وہ شوخِ تند خو کیا ہے یہ رشک ہے کہ وہ ہوتا ہے ہم سخن تم سے وگرنہ خوفِ بد آموزیِ عدو کیا ہے چپک رہا ہے بدن پر لہو سے پیراہن ہمارے جَیب کو اب حاجتِ رفو کیا ہے جلا ہے جسم جہاں، دل بھی جل گیا ہوگا کریدتے ہو جو اب راکھ جستجو کیا ہے رگوں میں دوڑتے پھرنے کے ہم نہیں قائل جب آنکھ سے ہی* نہ ٹپکا تو پھر لہو کیا ہے وہ چیز جس کے لیے ہم کو ہو بہشت عزیز سواۓ بادۂ گلفامِ مشک بو کیا ہے پیوں شراب اگر خم بھی دیکھ لوں دو چار یہ شیشہ و قدح و کوزہ و سبو کیا ہے رہی نہ طاقتِ گفتار اور اگر ہو بھی تو کس امید پہ کہیے کہ آرزو کیا ہے ہوا ہے شہ کا مصاحب پھرے ہے اتراتا وگرنہ شہر میں غالب کی آبرو کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ اصل نسخے میں ’جب آنکھ سے ہی‘ ہے لیکن بعض جدید نسخوں میں ’جب آنکھ ہی سے‘ رکھا گیا ہے جس سے مطلب زیادہ واضح ہو جاتا ہے لیکن نظامی میں یوں ہی ہے۔ "بادہ و گلفامِ مشک بو"۔ نسخۂ مہر [ترمیم] ہم رہیں یوں تشنہ لب پیغام کے غیر لیں محفل میں بوسے جام کے ہم رہیں یوں تشنہ لب پیغام کے خستگی کا تم سے کیا شکوہ کہ یہ ہتھکنڈے ہیں چرخِ نیلی فام کے خط لکھیں گے گرچہ مطلب کچھ نہ ہو ہم تو عاشق ہیں تمہارے نام کے رات پی زمزم پہ مے اور صبح دم دھوئے دھبّے جامۂ احرام کے دل کو آنکھوں نے پھنسایا کیا مگر یہ بھی حلقے ہیں تمہارے دام کے شاہ کی ہے غسلِ صحّت کی خبر دیکھیے کب دن پھریں حمّام کے عشق نے غالب نکمّا کر دیا ورنہ ہم بھی آدمی تھے کام کے [ترمیم] کہ ہوئے مہر و مہ تماشائی پھر اس انداز سے بہار آئی کہ ہوئے مہر و مہ تماشائی دیکھو اے ساکنانِ خطّۂ خاک اس کو کہتے ہیں عالم آرائی کہ زمیں ہو گئی ہے سر تا سر رو کشِ سطحِ چرخِ مینائی سبزے کو جب کہیں جگہ نہ ملی بن گیا روۓ آب پر کائی سبزہ و گل کے دیکھنے کے لیے چشمِ نرگس کو دی ہے بینائی ہے ہوا میں شراب کی تاثیر بادہ نوشی ہے باد پیمائی کیوں نہ دنیا کو ہو خوشی غالب شاہِ دیں دار* نے شفا پائی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔ اصل نسخے میں املا ہے ’دیندار‘ جب کہ تقطیع میں نون غنہ آتا ہے اس لۓ تلفّظ کی وضاحت کے لۓ یہاں ’دیں دار‘ لکھا گیا ہے [ترمیم] اگر پہلو تہی کیجے تو جا میری بھی خالی ہے تغافل دوست ہوں میرا دماغِ عجز عالی ہے اگر پہلو تہی کیجے تو جا میری بھی خالی ہے رہا آباد عالم اہلِ ہمّت کے نہ ہونے سے بھرے ہیں جس قدر جام و سبو، مے خانہ خالی ہے [ترمیم] اور پھر وہ بھی زبانی میری کب وہ سنتا ہے کہانی میری اور پھر وہ بھی زبانی میری خلشِ غمزۂ خوں ریز نہ پوچھ دیکھ خوں نابہ فشانی میری کیا بیاں کر کے مرا روئیں گے یار مگر آشفتہ بیانی میری ہوں ز خود رفتۂ بیداۓ خیال بھول جانا ہے نشانی میری متقابل ہے مقابل میرا رک گیا دیکھ روانی میری قدرِ سنگِ سرِ رہ رکھتا ہوں سخت ارزاں ہے گرانی میری گرد بادِ رہِ بیتابی ہوں صرصرِ شوق ہے بانی میری دہن اس کا جو نہ معلوم ہوا کھل گئی ہیچ مدانی میری کر دیا ضعف نے عاجز غالب ننگِ پیری ہے جوانی میری [ترمیم] پاۓ طاؤس پئے خامۂ مانی مانگے نقشِ نازِ بتِ طنّاز بہ آغوشِ رقیب پاۓ طاؤس پئے خامۂ مانی مانگے تو وہ بد خو کہ تحیّر کو تماشا جانے غم وہ افسانہ کہ آشفتہ بیانی مانگے وہ تبِ* عشق تمنّا ہے کہ پھر صورتِ شمع شعلہ تا نبضِ جگر ریشہ دوانی مانگے ۔۔۔۔۔۔۔۔۔۔۔۔۔۔۔۔۔۔۔۔۔۔۔ تپ۔ نسخۂ مہر [ترمیم] ہر غنچے کا گل ہونا آغوش کشائی ہے گلشن کو تری صحبت از بسکہ خوش آئی ہے ہر غنچے کا گل ہونا آغوش کشائی ہے واں کُنگرِ استغنا ہر دم ہے بلندی پر یاں نالے کو اُور الٹا دعواۓ رسائی ہے از بسکہ سکھاتا ہے غم ضبط کے اندازے جو داغ نظر آیا اک چشم نمائی ہے [ترمیم] لکھ دیجیو یا رب اسے قسمت میں عدو کی جس زخم کی ہو سکتی ہو تدبیر رفو کی لکھ دیجیو یا رب اسے قسمت میں عدو کی اچّھا ہے سر انگشتِ حنائی کا تصوّر دل میں نظر آتی تو ہے اک بوند لہو کی کیوں ڈرتے ہو عشّاق کی بے حوصلگی سے یاں تو کوئی سنتا نہیں فریاد کسو کی دشنے نے کبھی منہ نہ لگایا ہو جگر کو خنجر نے کبھی بات نہ پوچھی ہو گلو کی صد حیف وہ نا کام کہ اک عمر سے غالب حسرت میں رہے ایک بتِ عربدہ جو کی [ترمیم] حیراں کیے ہوئے ہیں دلِ بے قرار کے سیماب پشت گرمیِ آئینہ دے ہے ہم حیراں کیے ہوئے ہیں دلِ بے قرار کے آغوشِ گل کشودہ براۓ وداع ہے اے عندلیب چل! کہ چلے دن بہار کے [ترمیم] معشوقِ شوخ و عاشقِ دیوانہ چاہۓ ہے وصل ہجر عالمِ تمکین و ضبط میں معشوقِ شوخ و عاشقِ دیوانہ چاہۓ اُس لب سے مل ہی جاۓ گا بوسہ کبھی تو، ہاں! شوقِ فضول و جرأتِ رندانہ چاہۓ [ترمیم] یہ اگر چاہیں تو پھر کیا چاہیے چاہیے اچھّوں کو ، جتنا چاہیے یہ اگر چاہیں تو پھر کیا چاہیے صُحبتِ رنداں سے واجب ہے حَذر جاۓ مے ، اپنے کو کھینچا چاہیے چاہنے کو تیرے کیا سمجھا تھا دل ؟ بارے اب اِس سے بھی سمجھا چاہیے ! چاک مت کر جیب ، بے ایامِ گُل کُچھ ادھر کا بھی اشارہ چاہیے دوستی کا پردہ ہے بیگانگی منہ چُھپانا ہم سے چھوڑا چاہیے دُشمنی نے میری ، کھویا غیر کو کِس قدر دُشمن ہے ، دیکھا چاہیے اپنی، رُسوائی میں کیا چلتی ہے سَعی یار ہی ہنگامہ آرا چاہیے منحصر مرنے پہ ہو جس کی امید نااُمیدی اُس کی دیکھا چاہیے غافل ، اِن مہ طلعتوں کے واسطے چاہنے والا بھی اچھا چاہیے چاہتے ہیں خُوبرویوں کو اسد آپ کی صُورت تو دیکھا چاہیے [ترمیم] میری رفتار سے بھاگے ہے ، بیاباں مجھ سے ہر قدم دورئِ منزل ہے نمایاں مجھ سے میری رفتار سے بھاگے ہے ، بیاباں مجھ سے درسِ عنوانِ تماشا ، بہ تغافلِ خُوشتر ہے نگہ رشتۂ شیرازۂ مژگاں مجھ سے وحشتِ آتشِ دل سے ، شبِ تنہائی میں صورتِ دُود ، رہا سایہ گُریزاں مجھ سے غمِ عشاق نہ ہو ، سادگی آموزِ بُتاں کِس قدر خانۂ آئینہ ہے ویراں مجھ سے اثرِ آبلہ سے ، جادۂ صحراۓ جُنوں صُورتِ رشتۂ گوہر ہے چراغاں مجھ سے بیخودی بسترِ تمہیدِ فراغت ہو جو! پُر ہے سایے کی طرح ، میرا شبستاں مجھ سے شوقِ دیدار میں ، گر تُو مجھے گردن مارے ہو نگہ ، مثلِ گُلِ شمع ، پریشاں مجھ سے بیکسی ہاۓ شبِ ہجر کی وحشت ، ہے ہے ! سایہ خُورشیدِ قیامت میں ہے پنہاں مجھ سے گردشِ ساغرِ صد جلوۂ رنگیں ، تجھ سے آئینہ دارئ یک دیدۂ حیراں ، مُجھ سے نگہِ گرم سے ایک آگ ٹپکتی ہے ، اسد! ہے چراغاں ، خس و خاشاکِ گُلستاں مجھ سے [ترمیم] کیا بنے بات ، جہاں بات بنائے نہ بنے نکتہ چیں ہے ، غمِ دل اُس کو سُنائے نہ بنے کیا بنے بات ، جہاں بات بنائے نہ بنے میں بُلاتا تو ہوں اُس کو ، مگر اے جذبۂ دل اُس پہ بن جائے کُچھ ایسی کہ بِن آئے نہ بنے کھیل سمجھا ہے ، کہیں چھوڑ نہ دے ، بھول نہ جائے کاش ! یُوں بھی ہو کہ بِن میرے ستائے نہ بنے غیر پھرتا ہے لیے یوں ترے خط کو کہ ، اگر کوئی پُوچھے کہ یہ کیا ہے ، تو چُھپائے نہ بنے اِس نزاکت کا بُرا ہو ، وہ بھلے ہیں ، تو کیا ہاتھ آویں ، تو اُنھیں ہاتھ لگائے نہ بنے کہہ سکے کون کہ یہ جلوہ گری کس کی ہے پردہ چھوڑا ہے وہ اُس نے کہ اُٹھائے نہ بنے موت کی راہ نہ دیکھوں ؟ کہ بِن آئے نہ رہے تم کو چاہوں ؟ کہ نہ آؤ ، تو بُلائے نہ بنے بوجھ وہ سر سے گرا ہے کہ اُٹھائے نہ اُٹھے کام وہ آن پڑا ہے کہ بنائے نہ بنے عشق پر زور نہیں ، ہے یہ وہ آتش غالب! کہ لگائے نہ لگے ، اور بُجھائے نہ بنے [ترمیم] صبح کے مانند ، زخمِ دل گریبانی کرے چاک کی خواہش ، اگر وحشت بہ عُریانی کرے صبح کے مانند ، زخمِ دل گریبانی کرے جلوے کا تیرے وہ عالم ہے کہ ، گر کیجے خیال دیدۂ دل کو زیارت گاہِ حیرانی کرے ہے شکستن سے بھی دل نومید ، یارب ! کب تلک آبگینہ کوہ پر عرضِ گِرانجانی کرے میکدہ گر چشمِ مستِ ناز سے پاوے شکست مُوۓ شیشہ دیدۂ ساغر کی مژگانی کرے خطِّ عارض سے ، لکھا ہے زُلف کو الفت نے عہد یک قلم منظور ہے ، جو کچھ پریشانی کرے [ترمیم] ولے مجھے تپشِ دل ، مجالِ خواب تو دے وہ آ کے ، خواب میں ، تسکینِ اضطراب تو دے ولے مجھے تپشِ دل ، مجالِ خواب تو دے کرے ہے قتل ، لگاوٹ میں تیرا
__________________
ہمارے لیے دعا کریں ہمیں دعاؤں کی بہت ضرورت ہے پلیز پلیز پلیز
|
|
|
| خرم شہزاد خرم کا شکریہ ادا کیا گیا | نورالدین (10-08-10) |
|
20-07-07, 02:57 PM
|
#2 |
|
ناظم اعلی
   
تاریخ شمولیت: May 2007
مقام: خود کی تلاش میں
مراسلات: 15,327
کمائي: 5,560,014,189
شکریہ: 12,919
6,824 مراسلہ میں 15,898 بارشکریہ ادا کیا گیا
 |
جواب: دیوان غالب (باب 9)
ماشا اللہ بہت اچھے keep it up
|
|
|
|
|
28-07-07, 09:15 AM
|
#3 |
|
ناظم اعلی
تاریخ شمولیت: Jun 2007
عمر: 30
مراسلات: 12,482
کمائي: 8,120,880,613,345
شکریہ: 7,484
3,660 مراسلہ میں 9,157 بارشکریہ ادا کیا گیا
|
جواب: دیوان غالب (باب 9)
شکریہ
|
|
|
|
|
| Tags |
| ہنگامہ, کمال, گمان, پسند, وفا, قیس, قدم, لوگ, چین, نقشِ پا, نثار, نظر, مینائی, معلوم, آئینہ, ایمان, اللہ, اشعار, جواب, دعا, سحری, علی, عشق, غزل, صدا |
| Currently Active Users Viewing This Thread: 1 (0 members and 1 guests) | |
| موضوع کے اختیارات | |
| ظاہری انداز | Rate This Thread |
Linear Mode
|
|
Similar Threads
|
||||
| موضوع | موضوع شروع کیا | فورم | جوابات | آخری مراسلہ |
| ایوانِ وزیراعلیٰ پنجاب کو خواتین کی آئی ٹی یونیورسٹی بنادیا گیا | عبدالقدوس | خبریں | 10 | 14-02-12 01:02 AM |
| ہاورڈ یونیورسٹی کے نمائندے کو معزول چیف جسٹس کو ایوارڈ دینے سے روک دیا گیا | عبدالقدوس | خبریں | 1 | 01-03-11 07:30 PM |
| ایوان صدر اور وزیراعظم کے سکیورٹی اہلکاروں کی مکمل چھان بین شروع | گلاب خان | خبریں | 1 | 01-03-11 07:25 PM |
| ”آئیفا ایوارڈزکاؤنٹ ڈاؤن“ اور ”آئیفا ایوارڈزویک اینڈ ود اسٹارز“آج جیو سے پ | عبدالقدوس | خبریں | 0 | 22-06-08 08:51 PM |
| یورو کپ فٹبال:روس، ہالینڈکو3-1شکست دے کرسیمی فائنل میں پہنچ گیا بیسل … یور | عبدالقدوس | خبریں | 0 | 22-06-08 08:32 PM |
تمام اوقات پاکستانی معیاری وقت ( +5 GMT) کے لحاظ سے ہیں۔ ابھی وقت ہے 02:10 PM
