کیا ایسا ہو نہیں سکتا!
بیٹھ کے میں اور تم رو برو
بھول کر ماضی کی ہر تلخ بات
آپس میں کر لیں کوئی سمجھوتہ ایسا
نہ تم کرو شکوہ کوئی
نہ گلہ کروں میں کوئی
کیا ایسا ہو نہیں سکتا!
بات تم کرو یا میں کروں
نکلے مگر زبان سے ایک ساتھ
خیال تیرا ہو یا میرا
سوچیں تو ایک ساتھ
سانس تیری ہو یا میری
آئے یا جائے پر ایک ساتھ
دل تیرا ہو یا میرا
دھڑکے تو ایک ساتھ
قدم تیرے ہوں یا میرے
نکلیں تو ایک ساتھ
خوشی تیری ہو یا میری
مُسکرائیں تو ایک ساتھ
دکھ کوئی تجھے پہنچے یا مجھے
آنسو بہائیں تو ایک ساتھ
زندگی تیری ہو یا میری
گزرے تو ایک ساتھ
موت تجھے آئے یا مجھے
مریں تو ایک ساتھ

کبھی تنہائی میں بیٹھ کر
یہ ضرور سوچنا
ہونے کو اس دنیا میں کیا ہو نہیں سکتا
مل بیٹھ کر ہم دونوں یہ قضیہ ہی چکا دیں
کیا ایسا ہو نہیں سکتا!