رضی الدین رضی

جہاں دھندلا سا منظر ہے وہاں اجلا بنانا ہے
بہت اچھے وطن کو اور بھی اچھا بنانا ہے

ہر اک گوشہ ہمیں بس جھلملاتا ہی نظر آئے
ستارے جوڑ کر ان سے ترا نقشہ بنانا ہے

وطن کے خال و خد ہوں یا مرے محبوب کا چہرہ
یہ میرے ذہن میں جیسا ہے بس ویسا بنانا ہے

کہیں کلیاں، کہیں خوشبو،کہیں پر خوش نوا پنچھی
مجھے معلوم ہے میں نے یہاں کیا کیا بنانا ہے

بنانا ہے رضٰی میں نے کسی مزدور کا چہرہ
مگر یہ عزم ہے اس کو سدا ہنستا بنانا ہے

Zullu230

رضی صاحب! السلام علیکم!
کوئی سیاسی لیڈر ہو یا مذہبی رہنما، اُس کی مقبولیت اور ہردلعزیزی کا سب سے بڑا راز یہ ہوتا ہے کہ وہ جب بھی بولتا ہے تو وہی کچھ بولتا ہے جو عوام کے دلوں کی دھڑکن ہوتی ہے۔ اور جب دل کی دھڑکن الفاظ کی شکل میں کسی رہنما کے مُنہ سے نکلنے لگے تو لگن، محبت،جُہد مسلسل، فریفتگی اور قربانی کا ایک ایسا جذبہ جنم لیتا ہے جو بالآخر قیام پاکستان کی صورت میں اپنے منطقی انجام کو پہنچتا ہے۔
شاعر کسی بھی معاشرے کا عکاس ہوتا ہے اور وہ وہی کچھ بولتا ہے جو اُس معاشرے کے باسیوں کے دل کی دھڑکن ہوتی ہے۔ آپکی شاعری میں پاکستانی عوام کے دلوں کی دھڑکن کی ترجمانی کی جھلک نمایاں نظر آتی ہے۔ میری دعا ہے کہ خدائے بزرگ و بر تر آپ کو مزید توفیق دے۔ والسلام!

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

محمدعدنان

ماشا اللہ بہت خوب

خرم شہزاد خرم

ہر دل عزیز جناب رضی الدین رضی صاحب
السلام و علیکم
بہت خوب وطن کے بارے میں آپ کے جزبات جان کر بہت خوشی ہوی
بہت ہی پیاری غزل آپ نے پیش کی ہے مجھے تو خوشی ہو رہی ہے کے آپ
جیسے شاعر ہمارے فارم پر اپنی شاعری ارسال کرتے ہے
ہم آپ کی شاعری کا انتظار ہی کرتے رہتے ہیں مہربانی فرما
کر جلد جلد اپنی شاعر ارسال کیا کرے شکریہ جناب

__________________