عبداللہ حیدر

حدیث نمبر( ١٣١)
ابوہریرہ رضی اللہ عنہ ہی سے روایت ہے کہ رسول اللہ صلی اللہ علیہ و آلہ وسلم نے فرمایا :' 'کیا میں تمہیں ایسے اعمال نہ بتاؤں جن کے ذریعے اللہ تعالیٰ گناہ مٹا دے اور درجات بلند فرمادے ؟'' صحابہ کرم نے عرض کیا : کیوں نہیں اے اللہ کے رسول صلی اللہ علیہ و آلہ وسلم ! ضرور بتائیں ۔ آپ نے فر مایا:'' ناگواری اورمشقت کے باوجود اچھے طریقے سے مکمل وضو کرنا ، مساجد کی طر ف زیادہ قدم چلنا اورایک نماز کے بعد دوسری نماز کا انتظار کرنا ' پس یہ رباط( اجروثواب کے لحا ظ سے سر حد پر مورچہ زن رہنے کی طرح ) ہے ۔''( مسلم )
توثیق الحدیث:أخرجہ مسلم (٢٥١)

عبداللہ حیدر

حدیث نمبر (١٣٢)
ابو موسیٰ اشعری رضی اللہ عنہ بیان کرتے ہیں۔ کہ رسول اللہ صلی اللہ علیہ و آلہ وسلم نے فر مایا:'' جو شخص دوٹھنڈی نمازیں (یعنی فجر اور عصر) پڑھتا ہے وہ جنت میں جائے گا ۔''(متفق علیہ)
توثیق الحدیث:أخجہ البخاری(٢/٥٢۔فتح)'ومسلم(٦٣٥)

عبداللہ حیدر

حدیث نمبر(١٣٣)
ابو موسیٰ اشعری رضی اللہ عنہ ہی سے روایت ہے کہ رسول اللہ صلی اللہ علیہ و آلہ وسلم نے فرمایا :''جب بندہ بیما رہو جاتا ہے یا سفر پر ہوتا ہے تو اسکے لیے ویسے ہی عمل لکھ دیے جاتے ہیں جیسے وہ اقامت اورصحت کی حالت میں کیا کرتا تھا ۔''(بخاری)
توثیق الحدیث:أخرجہ البخاری (٦/١٣٦۔فتح)َ

عبداللہ حیدر

حدیث نمبر(١٣٤)
جابر رضی اللہ عنہ بیان کرتے ہیںکہ رسول اللہ صلی اللہ علیہ و آلہ وسلم نے فرمایا :'' ہر نیکی صدقہ ہے ۔''
(بخاری۔امام مسلم نے اس حدیث کو حذیفہ رضی اللہ عنہ سے روایت کیا ہے )
توٖثیق الحدیث:أخرجہ البخاری(١٠/٢٤٧۔فتح)

عبداللہ حیدر

عبداللہ حیدر

عبداللہ حیدر

حدیث نمبر(١٣٧)
ابومنذر ابی بن کعب رضی اللہ عنہبیان کرتے ہیں کہ ایک آدمی تھا' میں کسی شخص کے بارے میں نہیں جانتا کہ اس کا گھر اس آدمی کے گھر سے زیادہ مسجد سے دور ہو' لیکن پھر بھی ا س سے کوئی نماز نہیں چھوٹتی تھی ۔ اس سے کہا گیا یا میں نے اسے کہا اگر تم ایک گدھا خرید لوجس پر تم اندھیرے اور سخت گرمی میں سوار ہو کر آیا کرو( تو تمہیں فائدہ ہو) اس آدمی نے کہا :مجھے یہ پسند نہیں کہ میرا گھر مسجد کے پہلو میں ہو ' میں تو یہ چاہتا ہوں کہ میرا مسجد کی طرف چل کر آنا اورمیرا لوٹنا جب میں اپنے اہل خانہ کی طرف لوٹوں تویہ سب کچھ میرے لیے
( بطورثواب) لکھا جائے ۔ پس رسول اللہ صلی اللہ علیہ و آلہ وسلم نے فر مایا :''اللہ تعالیٰ نے یقینا یہ سب تمہارے لیے جمع فرمادیا ـ:''(مسلم)
ایک اور روایت میں ہے ۔''یقینا تمہارے لیے وہ ثواب ہے جس کا تم نے ارادہ کیا ۔ ''
توثیق الحدیث:أخرجہ مسلم(٦٦٣)'
و الر وایۃالثانیۃ لہ ( ٦٦٤)' وحدیث انس اخرجہ البخاری(٢/١٣٩،فتح)

عبداللہ حیدر

حدیث نمبر( ١٣٨)
ابو محمد عبد اللہ بن عمرو بن عاص رضی اللہ عنہ بیان کرتے ہیںکہ رسول اللہ صلی اللہ علیہ و آلہ وسلم نے فرمایا :''چالیس خصلتیںہیں 'ان میں سے سب سے اعلیٰ دودھ پینے کے لیے کسی کو بکری دے دینا ہے پس جو شخص بھی ان میں سے کسی ایک خصلت پر ثواب کی امیدسے اللہ تعالیٰ کی طرف سے کیے گئے وعدوں کی تصدیق کرتے ہوئے عمل کرے گا تو اللہ تعالیٰ اس کی وجہ سے اسے جنت میں داخل فر مائے گا ۔ ( بخاری)
توثیق الحدیث:أخرجہ البخاری (٥/٢٤٣۔فتح)

عبداللہ حیدر

حدیث نمبر (١٣٩)
عدی بن حاتم رضی اللہ عنہبیان کرتے ہیں کہ میں نے نبی کریم ٫ صلی اللہ علیہ و آلہ وسلم کو فرماتے ہوئے سنا:''آگ سے بچو اگرچہ کھجور کے ایک ٹکڑے کے ساتھ ہی ہو۔''(متفق علیہ)
اور بخاری ومسلم میں عدی رضی اللہ عنہہی سے ایک اور روایت ہے کہ رسول اللہ صلی اللہ علیہ و آلہ وسلم نے فر مایا :'' تم میں سے ہر شخص کے ساتھ اسکا رب ہم کلا م ہو گا اور اس کے اور اس کے رب کے درمیان کوئی ترجمان نہیںہوگا ۔ پس وہ شخص اپنی دائیںطرف دیکھئے گا ۔تو اسے اپنے آگے بھیجے ہوئے اعمال ہی نظر آئیںگے اپنی بائیںجانب دیکھے گا تو ادھر بھی اسے اپنے اعمال ہی نظر آئیںگے ' اور اپنے سامنے دیکھے گا تو اسے اپنے چہرے کے سامنے آگ ہی نظر آئے گی ' پس تم آگ سے بچو اگر چہ کھجور کے ایک ٹکڑے کے ساتھ ہی ہو'اگر کوئی شخص یہ بھی نہ پائے تو پھر اچھی بات کے ذریعے (آگ سے بچو)۔''
توثیق الحدیث:أخرجہ البخاری (٣/٢٨٣)'ومسلم(١٠١٦)(٦٨)

عبداللہ حیدر

حدیث نمبر (١٤٠)
انس رضی اللہ عنہ بیان کرتے ہیں کہ رسول اللہ صلی اللہ علیہ و آلہ وسلم نے فر مایا :'' یقینا اللہ تعالیٰ اس بندے سے بڑا خوش ہوتا ہے کہ جب وہ کھا نا کھائے تو اس پر اللہ تعالیٰ کا شکر ادا کرے یا پانی پیئے تو اس پر بھی اللہ تعالیٰ کا شکر اداکرے ۔'' ( مسلم )
توثیق الحدیث:أخرجہ مسلم(٢٧٣٤)

عبداللہ حیدر

حدیث نمبر (١٤١)
ابو موسی رضی اللہ عنہ سے روایت ہے کہ نبی صلی اللہ علیہ و آلہ وسلم نے فر مایا :'' ہر مسلمان کے لیے صدقہ کرنا ضروری ہے ۔'' وہ کہتے ہیں کہ میں نے عرض کیا آپ بتائیں کہ اگر وہ ( صدقہ کرنے کےلئے ) کچھ نہ پائے ؟ آپ نے فر مایا :'' اپنے ہاتھ سے کام کرے ' ا س سے اپنے آپ کو فائدہ پہنچائے اورصدقہ بھی کرے ۔ '' انھوں نے ( ابو موسیٰ ) نے پھر کہا : اگر وہ اس کی بھی طاقت نہ رکھے ؟ آپ نے فر مایا :'' پھر وہ کسی ضرورت مند کی مدد کردے ۔'' انھوں نے پوچھا آپ بتائیں کہ اگر وہ اس کی بھی استطاعت نہ رکھے ؟آپ نے فر مایا :''وہ نیکی یا بھلائی کا حکم کرے ۔'' انھوں نے کہا:آپ بتائیں کہ اگر وہ ایسا بھی نہ کرسکے ؟آپ نے فرمایا:'' لوگوں کو شر اورتکلیف پہنچانے سے باز رہے ' یقینا یہ بھی صدقہ ہے ۔'' ( متفق علیہ)
توثیق الحدیث: أخرجہ البخاری (٣/١٠٧۔فتح)' مسلم(١٠٠٨)