آج موسم بہت خوبصورت تھا لانگ ڈرائیو کرتے ھوئے تا حد نظر پھیلا ھوا سبزہ بہت اچھا لگ رھا تھا ھر طرف پھول کھلے ھوئے تھے ایک سحر طاری تھا اتنے حسین موسم کا طبعیت پر اثر طاری تھا گھر آکر ٹی وی آن کیا سوات کا اور وھاں سے نقل مکانی کرنے والے لوگوں کا ایک پروگرام چل رھا تھا کس حال میں رہ رھے ھیں وہ دیکھ کر ایک نظم لکھی ھے

یہ ایک روشن سی صبح تھی
ھر سو بہار چھائ تھی
گلشن میں پھول مسکاتے تھے
بھنورے پریت کے گیت گاتے تھے
تتلی لہرا کرآ تی تھی
مہک فضا سے آتی تھی
کوئل خوشیوں کے نغمے سناتی تھی
میں نے کہا اے بادِ صبا
تو دور دیس سے آئ ھے
بول کیا سندیسہ لائ ھے
کچھ تو بتا کچھ حال سنا
کیسے ھیں میرے اہل ِ وطن
اس نے نجانے کیا سرگوشی کی
پھول سبھی مرجھانے لگے
تتلیاں سبھی خاموش ھوئیں
بھنورے گلشن ھی چھوڑ گئے
آوازیں سسکیوں کی آنے لگی
کوئل نوحے گانے لگی
کالی گھٹا چھانے لگی
بارود کی بو آنے لگی
سبزہ زار لہو رنگ ھو گیا
بادِ صبا نے مجھ سے کہا
کچھ اور بتا نہیں سکتی
اور حال سنا نہیں سکتی
سمجھنا ھے تو سمجھ جاؤ
اس حال میں ھیں تیرے اھل ِ وطن
اس حال میں ھیں تیرے اھل ِ وطن