السلام علیکم

میں فوٹو شاپ کے مڈل ایسٹرن ورژن ایک عرصہ سے استعمال کر رہا ہوں۔ مڈل ایسٹرن ورژن میں یہ خوبی ہوتی ہے کہ یہ عربی تحریر کو سپورٹ کرتا ہے۔ لیکن پھر بھی ان ورژنز میں اردو کے اچھے فونٹس کے ساتھ لکھنا ممکن نہیں۔ اسکی وجہ ان تمام ورژنز میں اردو لیگچرز کی سپورٹ شامل نہیں۔ اس لیے جب بھی آپ فوٹو شاپ میں علوی نستعلیق، جمیل نوری نستعلقی یا جمیل نوری کشیدہ فونٹ استعمال کرتے ہوے اردو تحریر لکھیں گے تو آپکو مشکلات کا سامنا کرنا پڑے گا۔ نقاط اوپر نیچے ہو جائیں گے اور الفاظ ٹوٹ جائیں گے۔ میں نے اس مسئلے کو شاکر القادری صاحب کے ساتھ ڈسکس کیا تو انہوں نے بتایا کہ فوٹو شاپ سی ایس 5 مڈل ایسٹرن ورژن میں اردو کی سپورٹ اچھی طرح شامل کی گئی ہے اور وہ وہی ورژن استعمال کر رہے ہیں۔ جس پر میں نے اس ورژن کا ٹرائل سافٹ وئر ڈاؤن لوڈ کر کے آزمایا تو اردو تحریر بڑے اچھے انداز میں‌لکھی گئی اور کسی قسم کا کوئی مسلہ نہیں آیا۔

تاہم اس ٹرائل ورژن کا 30 دن تک محدود ہونا ایک قباحت تھی ۔ جس کا حل بھی میں نے شاکر بھائی کی مدد سےتلاش کر لیا اور ایک کریک فائل کی مدد سے اس نسخے کو ہمیشہ کے لیے کارآمد بنا لیا۔ فی الوقت میرے پاس ٹرائل ورژن کے 25 دن باقی ہیں اور مکمل تسلی ان دنوں کے گزرنے کے بعد ہی ہو سکتی ہے تاہم شروع میں‌آنے والا ٹرائل کا پیغام غائب ہو چکا ہے۔ اردو لکھنے کے لیے بیشتر ممبران کو اسی طرح کے کسی حل کی ضرورت تھی تو میں نے سوچا یہ معلومات آپ کے ساتھ بھی شئر کی جائیں۔ سافٹ وئر حاصل کرنے کے لیے

1۔ فوٹو شاپ مڈل ایسٹرن کی آفیشل سائٹ پر جائیں اور اپنا آپریٹنگ سسٹم منتخب کرنے کے بعد ٹرائل نسخہ ڈاؤن لوڈ کریں۔ اس کا سائز 1.69 گیگا بائٹ ہے۔ جس کے لیے اچھے انٹرنیٹ کنکشن پر بھی آپکو کچھ گھنٹے درکار ہوں گے۔
https://www.winsoft-international.co...produit_id=320

2۔ نسخہ مکمل طور پر ڈاؤن لوڈ ہونے کے بعد ایکسٹریکٹ کریں اور انسٹال کر لیں۔ چونکہ یہ نسخہ آفیشل سائٹ سے ڈاؤن لوڈ ہو رہا ہے اس لیے 99 فیصد چانسز ہیں کہ یہ درست طریقے سے انسٹال ہو جائے گا۔

3۔انسٹال ہونے کے بعد فوٹو شاپ کو چلائیں ،یہ آپ سے سیریل نمبر مانگے گا یا ٹرائل چلانے کا آپشن دے گا ، یہاں سے ٹرائل چلا لیں اور ایڈوبی آئی ڈی بنانے سے گریز کریں۔

4۔ اگر سافٹ وئر درست طریقے سے چل جائے تو اس ربط سے کریک فائل ڈاؤنلوڈ کر لیں۔ پھر کریک چلائیں اور فوٹ شاپ کو patch کر لیں۔
Adobe CS5 ME CRACK.zip

نوٹ: کریک چلاتے وقت اینٹی وائرس سافٹ وئر کافی شور مچاتا ہے۔ اس لیے آپکو کریک چلانے سے قبل اینٹی وائرس سافٹ وئر بند کرنا ہو گا۔ اس میں کچھ حد تک خطرہ تو ہے تاہم کریک چلا لینے کے بعد آپ اینٹی وائرس کو دوبارہ آن کر کے کمپیوٹر کی مکمل سکینگ کریں اگر کوئی وائرس ، سپائی وئر وغیرہ ملے تو اسے ختم کر دیں۔ اس معاملے میں میری کوئی گارنٹی نہیں ہے۔ میں‌نے یہ کریک اپنے کمپیوٹر پر چلایا ہے اور بعد میں اینٹی وائرس نے کوئی ڈیٹیکشن نہیں کی۔

اس کریک سے دیگر ایڈوبی پراڈکٹس جیسے ان ڈیزائن، السٹریٹر وغیرہ کو بھی کریک کیا جا سکتا ہے۔ اور ان کا ٹرائل کہاں سے ملے گا یہ بتانے کی ضرورت تو نہیں میرے خیال سے ، یوں آپ مکمل سی ایس فائیو سوئٹ حاصل کر سکتے ہیں۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com