یو ایس بی سے ونڈوز ایکس پی انسٹال کرنا

معظم 11-12-10, 12:17 PM

السلام علیکم!

آج کل تیز رفتار انٹرنیٹ کی سہولت کے ساتھ آپٹکل ڈیوائس کا استعمال بھی محدود ہوتا جا رہا ہے۔
ہمیں جو بھی سافٹ وئیر ، فلمیں، گیمز غرض جو بھی درکار ہو وہ انٹرنیٹ سے مل جاتا ہے۔
حتٰی کے ہم نئے آپریٹنگ سسٹم بھی نیٹ سے ڈاؤنلوڈ کر لیتے ہیں۔ ایسے میں اگر کسی کے پاس
برنر یا رائٹر نا ہو تو اس کے پاس آخری آپشن یو ایس بی سے ونڈو انسٹال کرنا ہے۔
اس کے لیے بہت سے ٹیوٹریل اور گائیڈ انٹرنیٹ پر موجود ہوں گی۔ لیکن میں آج آپ کے ساتھ
جو طریقہ شئیر کرنے جا رہا ہوں وہ آزمودہ اور سو فیصدی کام کرنے والا ہے۔ اور مزید یہ کے بہت
آسان بھی۔

آج ہم دیکھیں گے کہ ونڈوز ایکس پی کس طرح انسٹال کی جا سکتی ہے۔
اس کے لیے ہمارے پاس ایک ونڈوز ایکس پی کی iso امیج یا CD سے کاپی کیا گیا سیٹ اپ موجود
ہونا چاہیئے۔

سب سے پہلے آپ اس سافٹ وئیر کو درج ذیل لنک سے ڈاؤنلوڈ کریں گے۔
http://muazzam.co.cc/files/WinSetupFromUSB_0-2-3.zip

ڈاؤنلوڈ کے بعد زپ آرکائیو کو ان زپ کر لیں۔ اس سافٹ وئیر کو انسٹال کریں اور رن کر لیں۔


ونڈوز ایکس پی کے لیے آپ کے پاس کم از کم 1 جی بی کی فلیش ڈرائیو یا یو ایس بی ڈرائیو ہونا ضروری ہے۔ اپنی ڈرائیو کو سسٹم میں لگائیں تو کچھ اسطرح سکرین ہو گی۔

"نوٹ: اس سے پہلے اپنی ڈرائیو سے تمام ڈیٹا بیک اپ کرلیں کیونکہ سب کچھ ڈیلیٹ ہو جائے گا۔"

اب آپ RMPrepUSB کے بٹن پر کلک کریں گے تو کچھ اسطرح سے سکرین آپکے سامنے ہو گی۔
یہاں‌آپ کو یہ آپشن منتخب کرنے ہیں۔
NTFS
Boot as HDD
Xp Bootable
اور prepare drive کے بٹن کو دبا دیں۔

اس پروسس میں‌آپ کے سامنے دو پرومٹ باکس آئیں گے ان کو آپ کے نے YES کرنا ہے۔
مکمل ہونے کے بعد اس ونڈو کو ایگزٹ کر دیں اور پہلے والی سکرین پر آ جائیں۔

اب آپ source میں براؤز کر کے "اگر آپ کے پاس setup کاپی ہے تو اس فولڈر کا پاتھ دے دیں"
اگر iso ہے تو اسے magiciso یا کسی اور ورچوئیل ڈرائیو میں‌ماؤنٹ کریں اور اس کو سیلیکٹ کر لیں۔
اس کے بعد آپ نے بس GO کا بٹن دبانا ہے اور انتظار کرنا ہے۔

فائل کاپی مکمل ہونے کے بعد یو ایس بی کو safely eject کر لیں۔ "یہاں اس کا مقصد یہ یقین کرنا ہے کہ تمام ڈیٹا کاپی ہو چکا ہے اور سافٹ وئیر مزید کچھ نہیں‌لکھ رہا"
اب یو ایس بی کو واپس لگائیں اور کمپیوٹر کو ری اسٹارٹ کر لیں ، یا اگر کسی اور کمپیوٹر میں کرنی ہے تو
اس میں لگا کر آن کریں۔

یہاں اس بات کا خیال رکھیں کے مدر بورڈ usb boot کو اسپورٹ کرتا ہو۔ اس بات کی تسلی آپ
اپنے بورڈ کے سیٹ اپ میں جا کر کر سکتے ہیں۔
جب کمپیوٹر یو ایس بی سے بوٹ کرے گا تو آپ کے سامنے دو آپشن ہوں گے۔
پہلی بار میں آپ پہلا آپشن منتخب کریں گے۔ اور ونڈو کا سیٹ اپ چل پڑے گا۔
جب کمپیوٹر ری اسٹارٹ ہو تو آپ نے یو ایس بی اتارنی نہیں ہے، اس بار آپ دوسرا آپشن منتخب کریں گے
اور دوسرا مرحلہ شروع ہو جائے گا۔ اس مرحلہ کے مکمل ہونے کے بعد آپ یو ایس بی اتار لیں۔
آپ کی ونڈوز انسٹال ہے۔

بعض اوقات دیکھا گیا ہے کہ ونڈو اسٹارٹ اپ پر کئی آپشن بن جاتے ہیں ونڈو منتخب کرنے کے۔
اس کا طریقہ سادہ سا ہے، آپ پہلے آپشن پر ہی انٹر کریں اور ونڈو میں آ جائیں۔
اب C ڈرائیو میں جائیں۔
Tools -> Folder Options ->View میں جائیں اور Hidden files and folders کو showکر دیں اور hide protected system files کو uncheck کر کے اوکے کر دیں۔
اب C میں آپ کو boot.ini فائل نظر آئے گی اسے کھولیں اور

[boot loader]
timeout=30
default=multi(0)disk(0)rdisk(0)partition(1)\WINDOW S
[operating systems]
multi(0)disk(0)rdisk(0)partition(1)\WINDOWS="Micro soft Windows XP Professional" /noexecute=optin /fastdetect

اس کے علاوہ نیچے جتنی لائنز ہوں انہیں ڈیلیٹ کر دیں اور فائل سیو کر لیں۔
اگلی بار آپ کو آپشن نہیں آئیں گے۔




اگر کسی موقع پر کوئی بات سمجھ نا آئی ہو تو بلا جھجک پوچھیں اور اگر غلطی ملے تو ضرور نشاندہی کریں۔
میرا لکھنے کا انداز رف سا ہی ہے اس کے لیے پہلے سے معذرت قبول کریں۔

شکریہ

__________________
اے اللہ! ان سنگین حالات میں ملکِ پاکستان کی حفاظت فرما۔ آمین ثم آمین
بزنس ایجوکیشن ایک تعلیمی بلاگ ، اب نئے انداز میں - http://bizedu.co.cc

معظم Senior Member تاریخ شمولیت: Mar 2008 مقام: ولایت مراسلات: 2,539 شکریہ: 3,000 1,870 مراسلہ میں 4,776 بارشکریہ ادا کیا گیا Show Printable Version Email this Page