آپ نے انٹیرنیٹ پر بڑی بڑی فائلز کے حصے دیکھے ہوں گے۔ اکثر شیئرنگ سائٹس پر فائل اپ لوڈ کے لئے لمٹ ہوتی ہے، اگر آپ کی فائل بڑی ہے تو آپ اس کو اپ لوڈ نہیں کر سکتے۔ یا آپ نے کسی کو ای میل بھجنی ہے تو آپ ایک مخصوص لمٹ سے تجاوز نہیں کر سکتے اس مسئلے کو آپ WinRarکے ذریعے حل کر سکتے ہیں۔ میں آجWinRarکے ذریعے فائل کو حصوں میں تقیسم کرنے کا طریقہ بتاؤں گا۔

WinRarکھول لیجئے۔ جس فائل کو حصوں میں تقسیم کرنا ہو اسے سلیکٹ کر کے
1. اوپر ٹول بار پر موجودAddکے بٹن پر کلک کر دیں۔
2. یا فائل کو سلیکٹ کر کے رائٹ کلک کریں اورAdd files to archiveسلیکٹ کر لیں۔
3. آپ یہی کام فائل کو سلیکٹ کرنے کے بعدAlt+Aسے بھی کر سکتے ہیں۔

آپ کے پاس ایک ڈآئیلاگ باکس آ جائے گا۔ دیکھئے تصویر نمبر1
سب سے پہلےArchiveکو نام دیں۔ اس کے بعد سب سے نیچےSplit to volume, bytesکا آپشن ہے جس میں آپ کو حصوں کا سائز دینا ہے۔ یاد رہے یہ یہ سائز بائٹس میں دینا ہے۔ اگر آپ کے پاس50ایم بی کی فائل ہےتو اس کا مطلب ہے کہ آپ کے پاس 50000000بائٹس کی فائل ہے اور آپ اس کو چار حصوں میں تقسیم کرنا چاہتے ہیں تو یہ ویلیو دیں گے 12500000

آپ کی مطلوبہ فائل ساڑھے بارہ ایم بی کے چار حصوں میں تقسیم ہو جائے گی۔ اگر آپ چاہتے ہیں کہ تقسیم شدہ حصوں کا سائز10ایم بی سے بھی کم ہو توSplit volumes, bytesوالے آپشن میں9000000ویلیو دے دیں۔ فائل کے9ایم بی کے5۔5حصے بن جائیں گے۔

آپ ایک سے زیادہ فائلز کو ملا کر بھیArchiveفائل بنا کر اس کے حصے کر سکتے ہیں۔

Self extracting archive
اگر آپSelf extractingفائل بنانا چاہتے ہیں تو پہلے تین اسٹیپ وہی ہیں اس کے بعد آپCreate SFX archiveپر چیک کا نشان لگا دیں اور اوکے پریس کر دیں۔ دیکھئے تصویر نمبر2۔ Self extracting فائل بن جائے گی۔ اس کا فائدہ یہ ہے کہ اسے ایکسٹریکٹ کرنے کے لئے کسی سافٹ ویئر کی ضرورت نہیں رہتی۔

اسی طرح سےSelf extracting فائل بنا کر اس کو حصوں میں بھی تقسیم کیا جا سکتا ہے۔ اس کے لئےSelf SFX archiveوالے آپشن پر چیک کا نشان لگا کرSplit to volume, bytesمیں سائز ویلیو دے دیں۔

اگر کسی قسم کا مسئلہ ہو تو بندہ ناچیز حاضر ہے۔