آئین میں اٹھارہویں ترمیم منطور ہوگئی۔ حکمران بشمول تمام سیاستدان عوام کو مبارکبادیں دے رہے ہیں اور اسے کارنامے کو کوئی انوکھا کارنامہ قرار دے رہے ہیں۔ جیالے آصف علی زرداری کو قوم کا محسن عظیم قرار دینے کی تگ و دو میں ہیں اور یہ کہہ رہے ہیں کہ آصف علی زرداری نے قوم پر بہت بڑا احسان کیا ہے کہ آئین کو اپنی اصل شکل میں واپس لے آئے ہیں اور اب پارلیمنٹ با اختیار جبکہ وزیر اعظم مظبوط ہو گئے ہیں۔ واقعی یہ سب کارنامے تاریخی ہیں۔ اگر آصف علی زرداری قوم کے محسن بننا چاہتے ہیں ایک احسان اس پاکستانی قوم پر اور کر دیں کہ پارٹی کی صدارت چھوڑ دیں جو صریحا آئین کی خلاف ورزی ہے۔ صدر مملک کا عہدہ آئین کی رُو سے غیر سیاسی ہوتا ہے اور صدر کا کسی سیاسی پارٹی سے تعلق نہیں ہوتا۔ دوسرا احسان یہ کر دیں کہ سوئس بیکنوں سے وہ دولت واپس پاکستان لے آئیں جس کے مقدمات پر اربوں پر قومی خزانے سے خرچ ہو چکے ہیں۔

بات کہیں اور چلی گئی۔۔۔۔۔۔۔۔۔۔۔۔۔۔۔۔ میرا اصل مقصد یہ تھا کہ اٹھارہویں ترمیم آئین سے وہ شق ختم کر دی گئی ہے جس کے تحت پارٹی کے اندرونی انتخابات لازمی تھے۔ ویسے اگر دیکھا جائے تو سیاسی پارٹیوں کے اندرونی انتخابات ہوتے ہی نہیں حالانکہ یہ ایک جمہوری ذمہ داری ہے۔ سیاسی پارٹیوں بانی چاہے وہ بھٹو ہو یا نواز شریف، چوہدری شجاعت ہو یا پریز الہی، الطاف حسین ہو یا پیر پگاڑا۔ جس نے سیایسی پارٹی بنائی وہ اُس کی ذاتی جاگیر بن گئی۔ اور نسل در نسل جاگیر منتقل ہوتی ہے اور ہوتی رہے گی۔ بھٹو کے بعد بینظہیر بھٹو اور اب آصف علی زرداری کے علاوہ پارٹی کے اندر کوئی اور پارٹی قیادت کا اہل ہی نہیں سمجھا جاتا۔ نواز شریف کے بعد شہباز شریف کو صرف پارٹی کی قیادت کا اہل سمجھا گیا۔ چوہدری برادران جبتک زندہ ہیں کسی اور کیا مجال کہ پارٹی قیادت کا خیال بھی دل میں لائے۔ میں چھوٹا سا تھا تو سنا کرتا تھا کہ پیر پگاڑا کی فنکشنل مسلم لیگ۔ جب تک پیر صاحب قید با حیات ہیں کوئی اور پارٹی کی قیادت کا اہل کیسے ہو سکتا ہے۔ یہی حال دیگر سیاسی پارٹیوں کا ہے۔ میرا سوال یہ ہے کہ اگر یہی جمہوریت ہے تو پھر آمریت کس بلا کا نام ہے اور شہنشاہیت اور مطلق العنانیت کسے کہتے ہیں؟

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.