اقوام متحدہ کے زیر اہتمام نسل پرستی کے خلاف عالمی کانفرنس میں اس وقت بدمزگی ہوگئی جب ایرانی صدر نے اسرائیل کو نسل پرست ملک قرار دے دیا۔ احمدی نژاد کی تقریر پر یہودیوں کے حامی مغربی ممالک کے سفارتکاروں نے کانفرنس سے واک آوٹ کیا۔ اقوام متحدہ نے کس مقصد کے تحت یہ کانفرنس بلائی تھی اس کا اندازہ اقوام متحدہ کے سیکریٹری جنرل بان کی مون کے اعتراضات سے ہو سکتا ہے۔ وہ کہتے ہیں کہ ایرانی رہنماء نے کانفرنس کا مقصد ہی ختم کردیا۔ اس کانفرنس سے قبل بان کی مون نے ہولوکاسٹ کی اہمیت کم کرنے والوں کی مذمت کی تھی۔ ظاہر ہے کہ ہولوکاسٹ کی اہمیت اجاگر کرنے کے لیے بلائی جانے والی کانفرنس میں ہولوکاسٹ کے وقوع پذیر ہونے کا انکار کرنے والے محمود احمدی نژاد کے آنے سے ہی کانفرنس کامقصد ختم ہو گیا ہوگا۔ ایرانی صدر نے جب تقریر شروع کی تو کئی ممالک کے شرکاء اٹھ کر چلے گئے اسرائیل کو نسل پرست قرار دینے پر یورپی یونین کا وفد بھی اٹھ گیا۔ امریکا اور دیگر مغربی ممالک کو ہولوکاسٹ کے مسئلہ پر ویسے بھی ایران سے تکلیف ہے۔ اب ایرانی صدر نے اسرائیل کو نسل پرست ملک ثابت کر کے ان کے منہ پر ایک طمانچہ دے مارا ہے۔ احمدی نژاد نے ایک حقیقت کی طرف ہی تو اشارہ کیا ہے کہ امریکا اور یورپ سمیت ساری دنیا سے ایک نسل کے لوگوں کو لاکر فلسطین میں بسایا گیا ہے اور فلسطینیوں کی نسل کشی کر کے انہیں ختم کیا جا رہا ہے احمدی نژاد نے جو کچھ کہا وہ تو ایک حقیقت کو دہرانے کے مترادف ہے اقوام متحدہ کے سیکرٹری جنرل بان کی مون نے یہ کہا کہ احمدی نژاد نے ایوان کو تقسیم بلکہ مشتعل کرنے کی کوشش کی ہے۔ بان کی مون کہتے ہیں کہ میں احمدی نژاد کی جانب سے اقوام متحدہ کی اس کانفرنس کے پلیٹ فارم کو استعمال کرنے پر تاسف کا اظہار کرتا ہوں ان کا خیال ہے کہ احمدی نژاد نے کانفرنس کے مقاصد کے بالکل الٹ کام کیا ہے۔
۔
کیا اقوام متحدہ کی یہ کانفرنس فلسطینیوں کو نسل پرست ثابت کرنے کے لیے تھی۔ دنیا بھر میں جو کچھ ہو رہا ہے وہ نسل پرستی ہی تو ہے۔ اگر 9/11 کو دیکھا جائے اور اس کے نتائج اور اس کے بعد سے ان بڑے ممالک کے رویہ کو دیکھا جائے تو صاف ظاہر ہوتا ہے کہ دنیا میں نسل پرست لوگ ہی طاقتور ہیں۔ صرف اسرائیل ہی نہیں بھارت میں ہندو اکثریت مسلم نسل کے خاتمہ میں مصروف ہے۔ مسلمانوں کے ساتھ نسل پرستی کی بنیاد پر متعصبانہ سلوک کیا جا رہا ہے۔ کشمیر ہو یا بھارت کا کوئی اور علاقہ بھارت کے قوانین بھارتی حکمرانوں کے فیصلے حتیٰ کہ کھیل بھی نسل پرستی کا شکار ہیں۔ 20 کروڑ مسلمانوں کو کتنی نمائندگی ملتی ہے ۔ ایک ارب کی آبادی میں 20کروڑ 20 فیصد ہوتے ہیں لیکن سول بیوروکریسی ،فوج، سرکاری ملازمتوں اور سفارتی عہدوں پر بھی مسلمانوں کو 20 کیا 2 فیصد نمائندگی بھی حاصل نہیں ہے ۔

۔


یہ خبر پرانی ہے مگر دلچسب

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات