راشد احمد

شمشاد بھائی!
مولانا محمود مدنی مولانا حسین مدنی کے پوتے ہیں۔ وہی مولانا حسین مدنی جن کا تعلق جمعیت علمائے ہند سے تھا اور اس نے قیام پاکستان کی مخالفت کی تھی۔ قیام پاکستان کے وقت یہ علمائے کرام پاکستان کا ساتھ دیتے تو پاکستان کا نقشہ ہی کچھ ہوتا لیکن ایک بات نوٹ کرنے کی ہے کہ قیام پاکستان کی سب سے زیادہ تر مخالفت علمائے کرام نے کی ہے وہی علمائے کرام جو قائداعظم، علامہ اقبال، سرسیداحمد خان کو کافر کہتے نہیں تھکتے تھے۔ آج دیکھ لیں بھارت میں مسلمانوں کی حالت! فسادات میں زیادہ تر مسلمان مرتے ہیں۔ مسلمان اقلیت میں ہیں۔ میرٹھ، لکھنؤ،الہ آباد، حیدرآباد، میسور، جوناگڑھ جہاں مسلمان اکثریت میں تھے آج وہاں مسلمان اقلیت میں ہیں۔ دوسری بات یہ کہ قیام پاکستان کے بعد بھارت نے کئی نئے صوبے بنائے۔اترپردیش صوبہ جس کی آبادی پاکستان کی‌آبادی سے زیادہ ہے اس کے نئے صوبے اس لئے نہیں بنائے گئے کہ کہیں کسی صوبے میں مسلمان اکثریت میں نہ چلے جائیں۔ آج مسلمان لڑکیاں ہندوؤں میں شادیاں کرتی ہیں لیکن ان بھارتی علماء کی زبانیں‌بند ہیں۔

مولانا صاحب اس ساری ویڈیو میں ڈرے ڈرے نظر آرہے ہیں اور کھل کر کوئی بات نہیں کررہے کہ کہیں بھارتی انتہاپسند تنظیمیں ان پر دھاوا نہ بول دیں۔
میں کافی بھارتی علمائے کرام کی تقریر سن چکا ہوں بھارتی پروپیگنڈے میں یہ بھی برابر کے شریک نظر آتے ہیں۔ بھارت میں مسلمان ماسوائے مقبوضہ کشمیر میں کہیں مزاحمت کرتے نظر نہیں آتے۔ جبکہ ان کے مقابلے میں ماؤنواز، تامل، سکھ اور دوسرے مذاہب کے لوگ مزاحمت کررہے ہیں۔

__________________
حکمران کے محبوب ہونے اور فرعون بننے میں رویے کا فرق ہے۔

شمشاد احمد

راشد احمد صاحب۔۔۔ تبصرے كا شكريہ۔۔۔۔ كيا آپ كچھ ايسي منظر كشي كر سكتے ہيں كہ اگر يہ علماء پاكستان كا ساتھ ديتے تو پاكستان كا متوقع نقشہ كيسا ہوتا۔۔۔۔۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

راشد احمد

شمشاد بھائی سیدھی سی بات ہے کہ آپ کو تو معلوم ہے کہ علمائے کرام کا فتوے دینا کوئی نئی بات نہیں۔ اگر علمائے کرام کہہ دیتے کہ انگریزی تعلیم حرام ہے تو مسلمان تعلیم سے محروم ہوجاتے۔ قیام پاکستان کے وقت مسلمانوں کی نمائندہ تین نمایاں جماعتیں تھیں جماعت اسلامی، جمعیت علمائے ہند، مسلم لیگ۔ لیکن پاکستان کی حمایتی صرف مسلم لیگ تھی۔ قیام پاکستان کی مخالفت جماعت اسلامی اور جمعیت علمائے ہند نے کی تھی۔ ان میں مولاناابوالکلام آزاد، مولانا مدنی نمایاں تھے۔ علمائے کرام کا اثرورسوخ زیادہ تر اترپردیش، حیدرآباد، بنگال کے علاقوں سے تھا۔ جبکہ مسلم لیگ کا اثرورسوخ پنجاب، سندھ، بنگال تک تھا۔ اگر جمعیت علمائے ہند اور مسلم لیگ اگر اکٹھے قیام پاکستان کی تحریک چلاتیں تو ایسے علاقے جہاں‌جمعیت علمائے ہند کی اکثریت تھی وہ بھی پاکستان کا حصہ بن جاتے۔ لیکن قیام پاکستان کے وقت ایک طرف تو بہت سے علماء بھارت کے حمایتی تھے تودوسری طرف علمائے کرام آپس میں دست وگریباں تھے۔

نیلم خان

معذرت کے ساتھ تبصرے سے گریز

شکریہ

حیدر

پہلی بات تو یہ ہے کہ کیا دادا کے گناہ کی سزا پوتے کو دی جا سکتی ہے؟ اگر کسی دادا نے کوئی ایسی بات کہہ دی تھی کہ جو بعد میں غلط نکلی تو کیا اُس کے پوتے کی بات ہی نہ سُنی جائے؟
کیا آپ اس اصول کو مانتے ہیں؟

دوسری بات یہ ہے کہ پاکستان میں شامل ہونے والے علاقوں کی ۔۔۔ تو حیدرآباد دکن، جونا گڑھ، منا باؤ، کشمیر کے احوال پرروشنی ڈالیے۔
پاکستان جن علاقوں پر قائم ہوا ، وہ مسلم اکثریتی علاقے تھے۔ باقی علاقوں میں مسلمانوں کی بڑی تعداد موجود ضرور تھی لیکن اتنی بڑی نہیں تھی کہ وہ پاکستان میں شامل ہو سکتے ۔ اور کافی علاقوں میں فیصلہ راجاؤں نے کرنا تھا نہ کہ عوام نے۔
چناچہ اگر علما کرام متفق ہو کر بھی قائد اعظم کا ساتھ دیتے تو بھی پاکستان کا یہی نقشہ ہونا تھا۔
اگر بات کی جائے کہ نقشہ بمعنی حالات۔۔۔۔ تو یہ بھی کوئی ضروری نہیں کہ حالات کُچھ اور ہوتے۔
کیوں کہ جس طرح کسی بُرے دادا کا پوتا اچھا ہو سکتا ہے اُسی طرح کسی اچھے دادا کا بُرا پوتا بھی نکل سکتا ہے۔
یہ بعینہ اُسی طرح ہی ہے جیسے قائد اعظم کے ساتھی تھے تو مخلص لیکن ملک بننے کے بعد انکی جیب سے "کھوٹے سکے" نکل آئے اور ایسے نکلے کہ پوری مملکت پر ہی قبضہ کر لیا اور نوزائیدہ مملکت اپنے قیام کے محض ایک سال کے اندر اندر "اغوا" ہو گئی

شمشاد احمد

راشد بھائي ميرا آپ سے تعارف نہيں ہے مگر آپ كا تبصرہ ديكھ كر مجھے لگا كہ تحريك پاكستان اور قيام پاكستان كے حوالے سے ميں آپ سے كافي كچھ سيكھ يا جان سكوں گا۔۔ بس اسي ليے آپ سے سوال كر ليا تھا۔۔ بنيادي طور پر تاريخ نہ ميرا مضمون رہاہے اور نہ ہي ميں نے اس كا كوئي گہرائي سے مطالعہ كياہے خاص كر تحريك پاكستان يا قيام پاكستان كي تاريخ۔۔۔ ميرا تاريخ كا جو كچھ بھي مطالعہ يا علم ہے وہ اسلامي تاريخ سے متعلق ہے وہ بھي بس واجبي سا۔۔۔۔ يہ سب بتانے كامقصد صرف يہ ہے كہ ميرا مقصد كوئي بحث مباحثہ نہيں ہے۔۔ اور يقينا آپ كا بھي نہيں ہو گا۔۔۔۔

آپ كے تبصرہ ميں يہ سرخ عبارت كا مطلب ميں نہيں سمجھ پايا كہ آپ كيا كہنا چاہ رہے ہيں۔۔۔

دوسري بات يہ پوچھنا تھي كہ يہ تو سب كو معلوم ہے كہ كون پاكستان بنانے كي حمايت ميں تھا اور كون اس كي مخالفت ميں تھا۔۔۔۔ آپ نے خصوصيت سے جماعت اسلامي اور جمعيت علماء ہند كا بطور جماعت كے نام ليا۔۔۔۔ شخصيات كے حوالے سے آپ نے مولانا ابو الكلام آزاد اور مولانا مدني كا نام ليا بلكہ ان ميں اگر آپ ايك قد آور نام جماعت اسلامي كي نسبت سے مولانا مودودي كا شامل كر ليں تو بے جا نہ رہے گا۔۔۔
راشد بھائي ميرا سوال يہ ہے كہ آخر ان جماعتوں يا ان قد آور شخصيات كا موقف تھا كيا۔۔جماعتي بنيادوں پر پوچھوں تو سوال يہ ہے كہ آخر جمعيت علماء ہند اور جماعت اسلامي كا مسلم ليگ سے كيا اختلاف تھا۔۔۔۔ اور شخصيات كے حوالے سے كہوں تو تحريك پاكستان يا قيام پاكستان كي بنسبت مولانا مدني، مولانا آزاد مولانا مودودي كا قائد اعظم سے كيا اختلاف تھا۔۔۔

اگر ايك جملے ميں سوال كروں تو وہ يوں ہے كہ۔۔۔۔
ہم ہميشہ يہ كہتے ہيں كہ جي فلاں نے قيام پاكستان كي مخالفت كي تھي لہذا اب ان كے خون 7 نسلوں تك معاف ہيں۔۔۔۔ ليكن كبھي ہميں كوئي يہ نہيں بتاتا كہ آخر انھوں نے مخالفت كيوں كيوں تھي۔۔۔ ان كا موقف تھا كيا۔
(1)۔۔۔۔۔ مسلمانوں كو اسلام كے ساتھ يہ قد آور شخصيات مخلص نہ تھيں۔
(2)۔۔۔۔ يا مسلمانوں اور اسلام كے ليے وہ كوئي دوسري رائے يا طريقے كو بہتر سمجھتے تھے۔

اگر پہلا جواب ہے تو بات ختم
اگر دوسرا جواب ہے تو وہ دوسري رائے يا طريقہ كيا تھا۔۔۔۔ كہيں ايسا تو نہيں كہ اس طريقے پر ہولو كاسٹ كي طرح بات كرنا ممنوع قرار دے ديا گيا ہو۔۔۔۔ افغانستان كے طالبان كي حمايت كے عوض جس طرح دہشت گردكا لقب ملا ہوا ہے اسي طرح اس شخر ممنوع پر بات كريں تو غدار وطن قرار نہ دے ديا جاؤں۔۔۔ اسي ليے شايد نيلم بہن نے نو كمنٹس كر ديا۔

Ferozi

میرے خیال میں تو جو علامہ محمد اقبال رحمۃ اللہ علیہ نے پاکستان کے بارے میں خواب دیکھا تھا وہ پورا ہوا
اور جتنا خواب دیکھا تھا اتنا ہی پاکستان ہمیں ملا آزادی سے لوٹ مار اور کرپشن کرنے کے لیے

شمشاد احمد

اب يہ بھي دلچسپ بات ہے علامہ محمد اقبال عليہ الرحمہ كا خواب ہميں بچپن سے اس طرح پڑھايا گيا كہ ميں چھٹي ساتويں تك يہي سمجھتا تھا كہ علامہ صاحب ايك رات سوئے انھوں نے خواب ميں ديكھا كہ پاكستان بن گيا ہے يا بناناہے۔۔۔ صبح وہ خواب انھوں نے قائد اعظم كو سنايا اور انھوں نے پاكستان بنا كر اقبال كے خواب كو تعبير بخش دي۔۔

مطلب اقبال كا خواب كيا تھا۔۔۔
ايك ملك ہو گا جس كا نام پاكستان ہو گا جس كا رقبہ اتنا ہو گا جس كي آبادي اتني ہو گي۔ جس كے اتنے صوبے ہوں گے۔ اس كا نظام حكومت يہ ہو گا۔۔۔ اور 2011 ميں زرداري اس كا صدر ہو گا۔۔۔ كيا تھا آخر وہ خواب۔۔۔ نينيد كي حالت ميں سوتے ہوئے تھے تھا يا اك تصور تھا اس عظيم مفكر كا۔۔

عبداللہ آدم

دو لائنوں میں ::

جن علماء نے پاکستان کی مخالفت متحدہ قومیت کے غیر اسلامی نظریے کو اپنا کر کی، وہ ابوالکلام اور مولانا مدنی کی جلالت علمی کے باوجود بالکل باطل تھی،

جن علماء نے پاکستان کی مخالفت کسی اور بنیاد پر کی ، مثلا تحریک پاکستان کے لیڈران کے قول و فعل میں تضاد، یا موجودہ شکل و صورت کے پاکستان کی بجائے ذرا وکھری سکیم رکھنے کی وجہ سے ........... تو یہ اصولی نہیں عملی اختلاف تھا.

اور ان دونوں طرح کے طرز عمل میں فوق ہمیشہ مدنظر رہنا چاہیے.

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"

رضی

تو پھر جناب آپ غلطی پر ہیں۔ اقبال کی آخری خواہشبک کا مطالعہ کریں