آج ایم کیو ایم کے پنجاب میں کنونشنز کے حوالے سے خبر نظر سے گزری۔ سوچا اس پر اپنا تبصرہ آپ لوگوں سے بھی شئیر کردوں۔

لاہور. . . . . . . .متحدہ قومی موومنٹ کے قائد الطاف حسین نے کہا ہے کہ روٹی کپڑا اور مکان کا نعرہ لگانے والوں نے 62سالوں میں عوام کو کچھ نہیں دیا، اقتدار میں آکرجاگیر داروں کی زمینیں غریب عوام میں تقسیم کردی جائیں گی اوران کی جاگیریں بیچ کر ملک کا قرضہ ادا کرینگے-

عوام سے مراد کہیں حق پرست عوام تو نہیں؟

عوام کو عہد کرنا ہوگا کہ وہ چوروں ، لیٹروں کا ساتھ نہیں دینگے ، الطاف حسین کسی کا نہیں ،ملک کی دولت لوٹنے والوں کا دشمن ہے۔

اب کے تجدیدِ عہد کا نہیں امکاں جاناں!

پنجاب کے تین شہروں لاہور، ملتان اور راولپنڈی میں ورکرز کنونشن سے بیک وقت خطاب کرتے ہو ئے الطاف حسین نے کہا کہ اہالیان پنجاب بھی نظم و ضبط برقرار رکھیںآ ج صوبہ پنجاب میں ایم کیو ایم آگئی ہے،آج کے جلسے میں لوگ پاکستان بچانے کے لیے شریک ہیں۔

باادب با ملاحظہ، ہوشیار!
غریبوں اور مظلوموں کا ساتھی، ان کے غم میں گھلنے والا، عوام کا خادم الطاف حسین، آپ سے مخاطب ہیں۔

ان کا کہناتھا کہ ملک میں دوہرا معیار تعلیم رائج ہے۔غریب بچوں کے پیلے اسکولوں میں بچوں کے بیٹھنے کیلئے کرسیاں بھی نہیں۔عوام62سالوں سے ظلم کی چکی میں پستے چلے آرہے ہیں ۔بڑے بڑے قرضے لینے والوں کو ووٹ دینا ہمارا قصور ہے۔پنجاب کے لوگ بار بار آزمائے ہو ئے لٹیروں کو ووٹ کیوں دے رہے ہو؟۔

پاکستانی ہم وطنو! بار بار ان آزمائے ہوئے لوگوں نے آپ کو بے وقوف بنایا۔ ایک موقع ہمیں بھی تو دے دو!

عوام کو عہد کرنا ہوگاکہ چور،لٹیروں کا ساتھ نہیں دیں گے۔

کیونکہ یہ کام ہم ہی کریں گے!

انہوں نے کہا کہ بڑے بڑے محلات کو اسکول اور اسپتال بنادیا جائے گا۔

سندھ کے گورنر ہاؤس سے آغاز کردیں؟ کیا خیال ہے؟

الطاف حسین کا کہناتھا کہ پنجاب کنونشن کے بعد انقلاب مقدر بن چکا ہے،قسمت بدلنے کیلئے فرشتے نہیں آئیں گے،خود بدلنا ہو گی۔

قسمت بدلنے کے لئے آپ اکیلے ہی کافی ہیں عالیجاہ!

ایم کیو ایم کو پنجاب میں داخل ہونے سے روکا گیا لیکن آج ایم کیو ایم پنجاب میں آگئی ہے ، لیکن کیا پنجاب کے عوام قربانیاں دینے کے لیے تیار ہیں؟

اللٰہ رحم کرے۔ کراچی کی قربانیاں کافی نہیں ہیں کیا؟

الطاف حسین نے کہا کہ اقلیتوں کے حقوق کیلئے جدو جہد کرتے رہیں گے اورپنجاب کے سرائیکی خطے اورجنوبی پنجاب کامسئلہ حل کرینگے،نئے صوبوں کی تشکیل سے ملک کمزور نہیں مضبوط ہو گا،

اس لئے ہم کراچی کو الگ صوبہ بنائیں گے، تا کہ ملک کو دی جانے والی ریوینیو کے آگے بند لگانے میں آسانی ہو۔

الطاف حسین کسی کا نہیں ،ملک کی دولت لوٹنے والوں کا دشمن ہے-

تبھی تو ایم کیو ایم آج پیپلز پارٹی کے ساتھ حکومت میں ہے، تاکہ ان کو ملک کی دولت لوٹنے سے روک سکیں۔

ہم علامہ اقبال کی صحیح فکر کو لے کر چل رہے ہیں۔

تو پھر اقبال کی غلط فکر کو کون لے کر چل رہا ہے؟

__________________


http:// haroonazam.wordpress.com

ھارون اعظم کا بلاگ۔