امریکی صدر باراک اوباما 3 روزہ دورے پر بھارت تشریف لا رہے ہیں۔ اس دورے کی اہمیت کئی ایک حوالوں سے غیر معمولی ہے۔ بطور خاص خطے میں بھارت کی پوزیشن، اور سٹرٹجک ڈائلاگ کے تناظر میں اس دورے کو بڑی اہمیت دی جا رہی ہے۔ جیسا کہ کچھ ہی وقت قبل امریکہ اور پاکستان کے اسٹرٹیجک ڈائلاگ ہو چکے ہیں جن میں کوئی بڑی پیش رفت نظر نہیں آئی۔ اب تمام نظریں اوبامہ کے دورہ بھارت پر ہیں کیوں کہ امریکہ دونوں ہی ممالک سے دوستی کا دم بھرتا ہے اور پاکستان تو اس کا صف اول کا اتحادی بھی ہے۔ یہ ایک پہلو ہے جس پر ملکی اور بین الاقوامی مبصرین، تجزیہ نگاروں اور میڈیا کی نظریں یکساں طور پر لگی ہوئی ہیں۔
اس دورے کا ویسے تو کئی حوالوں سے خبروں کی سرخیوں اور مذاکروں اور مباحثوں میں چرچا ہے ۔ لیکن اس پر آنے والا اخراجات کا حوالہ بھی کافی اہم ہے۔ اس کے کئی ایک پہلو ہیں۔ ایک خبر کے مطابق ممبئی میں ایک روزہ قیام پر 9 ارب کے اخراجات متوقع ہیں۔ صدر اوبامہ اس دورے پر اپنے ساتھ کیل کانٹے سے لیس جو فوج ظفر موج لے کر جا رہے ہیں اس سے پرانے بادشاہوں کی یاد تازہ ہو گئی ہے۔
اس دورے سے قبل ہی وائٹ ہاؤس اور سیکرٹ سروس کے درجنوں اہلکار ایک ہفتے ممبئی میں مقیم ہیں جن کے ساتھ جدید سیکیورٹی آلات اور جنگی ہیلی کاپٹر بھی ہیں۔ اس کے علاوہ صدر اوبامہ کے ساتھ جو قافلہ آ رہا ہے اس کی محتاط تفصیلات کچھ یوں ہے۔


ان اخراجات اور سیکیورٹی کے انتطامات کا ایک پہلو یہ بھی ہے کہ امریکہ اور بھارت سٹریٹجک پارٹرن ہیں اور ان دونوں ملکوں کے درمیان ممکنہ سودوں کی مالیت چالیس سے پچاس ارب ڈالر کے قریب بتائی جاتی ہے۔ اس کے باوجود عدم اعتماد اور سیکیورٹی تحفظ کی یہ حالت ہے کہ ساحلی علاقوں کی خود حفاظت سے لے کر باورچیوں تک اور پھر اپنے باورچیوں کے پکے ہوئے کھانے کو بھی مائیکرو بیالوجیکل لیبارٹری کے قیام تک ہر چیز حیران کن ہے۔
باقی جو تفصیلات ان کی سیکیورٹی، ان کی گاڑی، ان کے قافلے میں شامل جنگی جہاز اور دیگر گاڑیوں کی معلومات سے متعلق ہے وہ مندرجہ بالا خبر سے پڑھی جا سکتی ہے۔

اس تفصیل سے اندازہ ہوتا ہے کہ نہ صرف اخراجات بلکہ سیکیورٹی رسک کے حوالے سے بھی بھارت اور پاکستان میں کچھ زیادہ فرق نہیں دیکھا جا رہا۔ اور وہ دوستی جس کی مثالیں دی جاتی ہیں اس کا ایک رخ یہ بھی ہے ۔۔

__________________
محتاج اصلاح و دعا