آہ! لیبیا کے مظلوم مسلمان اور یہ جو کر (بہروپیے) حکمران

**ALI-OAD** · 09-04-11, 12:29 AM

امیر حمزہ
کوئی وقت تھا دیہات کے بعض لوگ سادہ لوح ہوا کرتے تھے، وہ سودا سلف خریدنے شہر میں آیا کرتے تھے، میں نے خود اپنے شہر ننکانہ میں یہ منظر کئی بار دیکھا کہ ایک جوکر جس کے کپڑے پھٹے ہوئے، سرخ رنگ انڈیلا ہوا۔ سر اور چہرہ بھی سرخ رنگ سے لہولہان بنایا ہوا۔ اب وہ ہاتھ میں اینٹ پکڑے ہوئے ہے، کسی سادہ لوح دیہاتی کو اینٹ سے ڈرا رہا ہے، اگر تو وہ ڈر کر بھاگ اٹھتا تو یہ جوکر بھی پیچھے بھاگ پڑتا۔ دکانوں کے لوگ باہر کھڑے ہو کر نظارہ کرتے اور ہنستے۔ الغرض! اس مذاق میں جوکر کا مقصد آخر کار دیہاتی سے چند ٹکے حاصل کرنا ہوتا تھا۔
شہروں میں بھی آج کل کثرت سے جوکر نظر آتے ہیں، جوکروں کی یہ نئی قسم یورپ کی نقالی کا شاہکار ہے۔ بھالو کا لباس پہنے یہ جوکر پٹرول پمپوں پر، پلازوں پر اور شاپنگ مارکیٹوں میں نظر آتے ہیں۔ یہ الٹی سیدھی حرکتیں کر کے بچوں کا دل بہلاتے ہیں اور پھر ماں اپنے بچے کو پیسے دیتی ہے بچہ یہ پیسے جوکر کے حوالے کردیتا ہے۔ وہ بچہ جس نے زندگی میں پہلی بار جوکر دیکھا ہو وہ ڈر بھی جاتا ہے۔
مسلم دنیا میں بہت سارے مسلمان حکمران امریکہ کے جوکر ہیں۔ اپنی رعایا کو کبھی سادہ لوح دیہاتی سمجھ کر خونخواری کا روپ دھار لیتے ہیں اور کبھی جوکر بن کر معصوم بچوں سے پیسے بٹور کر، اربوں ڈالر کے مالک بنتے ہیں۔ ان جوکروں میں جو اعلیٰ ترین درجے کا بہروپیا اور جوکر ہے وہ ہمارے خیال میں لیبیا کا کرنل قذافی ہے۔ بیالیس سال سے لیبیا کا حکمران چلا آ رہا ہے۔ شروع شروع میں اس نے اسلام کا روپ دھارا۔ پھر اس نے عرب قوم پرستی کا لبادہ اوڑھا۔ روسی بلاک میں شامل ہو کر اشتراکیت کا لباس پہنا۔ اپنی کتاب ’’سبز کتاب‘‘ کے نام سے لکھی جسے قرآن کا مدمقابل بنا کر پیش کیا۔ قرآن کی بعض آیات میں تحریف تک کا ارتکاب کیا۔ ساتھ ساتھ اسلام کے نام پر ایک کونسل بھی بنا دی، ہر سال علماء کو بلاتا اور سیرت کانفرنس کا انعقاد بھی کرتا۔ ایٹم بم بنانے کے لئے کوشاں رہا۔ دبائو پڑا تو سینٹری فیوج مشینیں امریکہ کے جہازوں میں لدوا دیں۔ برطانیہ کا مسافر ہوائی جہاز مار گرایا۔ دبائو پڑا تو ہرجانہ ادا کر دیا۔ ملک میں جو شخص داڑھی رکھ لیتا وہ غائب کر دیا جاتا ہے۔ جو شخص پانچ وقت مسجد چلا جائے اس کا پتہ ہی نہیں چلے گا کہاں ہے۔ عجیب و غریب رنگین لباس پہن کر سچ مچ جوکر لگتا ہے۔ اپنے مخالف کو غیر ملکوں میں بھی قتل کروا دیتا ہے۔ عرب قوم کا لیڈر بننے میں ناکام رہا تو اب افریقہ کا لیڈر ہونے کا روپ دھار رکھا ہے۔
باڈی گارڈز کے لئے مردوں کی بجائے خوبصورت لڑکیوں کو باڈی گارڈ بنا رکھاہے۔ بعض اوقات روپ یوں بھی دھارتا ہے کہ کسی ملک کے دورے پرجائے تو وہاں خیمہ گاڑ لیتا ہے۔ یہ خیمہ کہنے کو خیمہ ہوتا ہے مگر یہ وسیع و عریض اور بیش قیمت خیمہ ہر طرح کی شاہانہ سہولتوں سے آراستہ ہوتا ہے۔ موصوف اٹلی میں گئے تو یہی خیمہ گاڑ لیا۔ وہاں اپنے سفیر کے ذریعہ اعلان کیا کہ اٹلی کی ایک سو خوبصورت عورتوں کو صدر قذافی اسلام پر لیکچر دیں گے۔ ان لڑکیوں کے حسن کے ساتھ ساتھ عمر کا تعین بھی کر دیا گیا کہ عمر 20 اور 30 سال کے درمیان ہو۔ خوبصورتی کا تعین سفیر کرتا رہا۔ انتخاب ہو گیا تو ان جواں، خوبصورت گوری لڑکیوں کو صدر صاحب نے اسلامی لیکچر دیا۔ ہر ایک کو قرآن اور تحائف دیئے اور کہا جو مسلمان ہو جائے گی اسے لیبیا کا دورہ اور یہ کچھ دیا جائے گا۔
ابھی لیبیا میں عوام مظاہروں کے لئے اٹھے تو قذافی نے اپنے عوام کو چوہے اور گٹر کے لال بیگ قرار دیا اور کہا کہ فوجی انہیں مار دیں۔ بات اور آگے بڑھی تو قذافی نے کہا یہ مظاہرے کرنے والے القاعدہ اور اسامہ بن لادن کے لوگ ہیں۔ پھر ان کا قتل عام شروع کر دیا حتیٰ کہ ان پر بمباری شروع کر دی۔ فضائیہ اڑانیں بھرنے لگی، اپنے ہی ملک کے شہریوں پر بم برسانے لگی۔ کوئی حکمران اپنے عوام کے ساتھ یوں لڑنے لگے جیسے دشمن کے خلاف لڑا جاتا ہے۔ فوج جو عوام کے ٹیکسوں سے عوام کی حفاظت کے لئے ہوتی ہے اسے عوام ہی پر چڑھا دیا جائے اور آخری ہتھیار یعنی فضائی بمباری کی سطح پر یہ کھیل کھیلا جائے تو کوئی بھی اسے برداشت نہیں کرتا۔
اس کی مثال یوں سمجھئے کہ اگر کوئی حیوانی اور درندہ

دل شخص اپنی بیوی کو مارنا شروع کر دے یا اپنے بچوں کو پیٹنا شروع کر دے اور اس قدر مارے اور پیٹے کہ ڈنڈوں کی آوازیں پڑوسیوں تک پہنچ جائیں چیخیں سارے محلے کو دلدوز کر کے دہلا ڈالیں تو پڑوسی دروازہ کھٹکھٹائیں گے، نہ کھلے اور مار جاری رہے تو لوگ دیواریں پھاند کر اندر آئیں گے اور بچوں کو چھڑوائیں گے۔ وہ کہے، تم کون ہو، یہ میرے بچے ہیں؟ پڑوسی کہیں گے، ہاں! تمہارے بچے ہیں مگر اس طرح کی مار اور چیخیں ہم برداشت نہیں کریں گے کہ تم ان کو جان سے مارڈالو اس طرح کی حرکتیں کرنا ہیں تو محلہ چھوڑ جائو۔ جنگل میں چلے جائو، یہ باتیں سن کر اس کی اپنی بیوی سکون کا سانس لے گی کہ درندہ شوہر جو میرے بچے کو جان سے مار دینے لگا تھا۔ کسی نے اس کا ہاتھ تو پکڑا… اگر وہ اپنی بیوی کو مار رہا تھا تو بچے شکر کریں گے کہ پڑوسیوں کی مداخلت سے ان کے درندے والد سے ان کی ماں کو ریلیف ملا۔
اللہ اللہ…میرے مولا! لیبیا کے مظلوموں پر، ہمارے بھائیوں بہنوں پر۔ ہمارے مسلمان لیبیائی بچوں پر جب قذافی جیسا درندہ ظلم کر رہا تھا تو پڑوسی کہاں مر گئے تھے۔ عرب مسلمان حکمران کہاں چلے گئے تھے جو عرب قومیت کے نعرے لگاتے نہیں تھکتے تھے۔ 57 مسلمان ملکوں کے حکمران کہاں کھو گئے تھے۔ او آئی سی کہاں سو گئی تھی۔ چاہیے تو یہ تھا کہ ان کی متحدہ فوج لیبیا میں اترتی قذافی کا ہاتھ روکتی۔ امن قائم کرتی، جس کو لوگ چاہتے وہ حکمران بنتا اور یہ فوج اپنا کردار ادا کر کے واپس آ جاتی۔ مگر! آہ، میرے مولا! کلمہ توحید و رسالت میں شریک اور اکٹھے لوگوں نے کوئی کردار ادا نہ کیا اور یوں لیبیا کے مظلوم عوام کی ہمدردی کے نام پر جن لوگوں نے وہاں مداخلت کی وہ لوگ ہمارے کلمے کے دشمن ہیں، وہ صلیبی ہیں، عراق، افغانستان اور فلسطین و کشمیر میں دہشت گردانہ مظالم کے ذمہ دار ہیں۔ امریکہ اور یورپ کی متحدہ فوج ناٹو (NATO)نے وہاں بمباری شروع کر دی۔ ظلم کا ایک اور کھیل شروع ہو گیا۔ ادھر عوام نے اسلحہ خانے لوٹ لئے۔ فوج کا ظلم، آپس کی خانہ جنگی کا آغاز ہوا۔ اب قذافی نے ایک اور روپ بدلا۔ اب وہ کہتا ہے میں صلیبیوں کے خلاف آخری دم تک لڑوں گا۔ کوئی پوچھے کن کے لئے لڑے گا؟ کس روپ میں لڑے گا، کس جوکر پن کے ساتھ لڑے گا اور کن سے لڑے گا؟ صلیبی تو زمین پر اترے ہی نہیں اور فضائی بمباری کر رہے ہیں۔ الغرض! جوکر پن کا ایک اور لباس جو بے حد الجھا ہوا، پھٹا ہوا، خون آلود، اپنے اوپر سرخ رنگ انڈیلے ہوئے، ہاتھ میں اینٹ پکڑے ہوئے۔ ارے! یہ کس کو مارے گا، چند ٹکے لے کر بیٹھ جائے گا، یا بھاگ جائے گا۔ اگلا نقشہ کیا ہو گا۔ آیئے! ہم سب مل کر انتظار کریں، اس لئے کہ ہمارے جوکر حکمران سوائے تماشا دیکھنے کے کچھ نہیں کر سکتے اور ہم سب ان جوکروں کی رعایا ہیں۔ ہم سے تماشا نہیں دیکھا جاتا۔ ہاں! دل روتاہے، سینہ چاک ہے، غم سے بھرا جگر ہے، مگر مگر! ہم اپنے اللہ سے پرامید ہیں وہ میرا مولا ظلم کے اس طوفان سے وہ ٹھنڈی ہوا چلائے گا جو سارے منظر بدل دے گی۔ یہ ضرور بدلے گا اس لئے کہ اب جوکروں کا ٹائم بہرحال تھوڑا رہ گیا ہے۔ جوکر پن اور مذاق پن اب ختم ہونے والا ہے۔ اسلام کا حسین اور پررحمت چہرہ اپنی ٹھنڈی تجلیات کے جلومیں اپنے ماننے والوں کو گود میں لینے والا ہے۔ (ان شاء اللہ)
مظلومو! اک ذرا صبر کہ جوکر پن کے دن تھوڑے ہیں۔

بشکریہ ہفت روزہ جرار
والسلام۔۔۔علی اوڈراجپوت
ali oadrajput

**عبداللہ آدم** · 09-04-11, 01:08 AM

اس کو بھی کبھی مشرف کے طلم پاکستان پر نظر ائے تھے نہ ہی اب نظر ا رہے ہیں!!!

آل سلول کے یہ سب سے برے فین ہیں............... ماشاء اللہ

اپنے گھر کی بات کرنا نہیں اور ادھر ادھر کوسنے اور طعنے دینا............... ایک فیشن بنتا جا رہا ہے...............

**فاروق سرورخان** · 09-04-11, 08:56 AM

عبد اللہ آدم ۔۔ اسلام وہ نظام ہے جو سب نظاموں‌ پر غالب آ کر رہے گا۔ معصوم لوگوں‌کے بہتے ہوئے خون پر بے حسی؟ یہ مسلمان کا ظرف نہیں ۔ مسلمان اتنا بے حس نہیں۔ کہ اپنے مسائل کی آڑ میں معصؤموں‌کو قتل ہوتا دیکھتا رہے اور --- شاہ کی خیر ہو۔۔۔ کا راگ الاپتا رہے ۔۔ ملاء یہ کام صدیوں‌سے کررہا ہے ۔ پرانی عادتیں دیر سے چھوٹتی ہیں۔

**حیدر** · 09-04-11, 09:46 AM

اسلام ضرور غالب آئے گا لیکن اسلام کم از کم ہم سے غالب نہیں آئے گا۔ وہ کارنامہ سر انجام دینے والے ہم نہیں ہوں گے۔

**سیفی خان** · 09-04-11, 04:37 PM

اقتباس:

اصل مراسلہ منجانب : حیدر

اسلام ضرور غالب آئے گا لیکن اسلام کم از کم ہم سے غالب نہیں آئے گا۔ وہ کارنامہ سر انجام دینے والے ہم نہیں ہوں گے۔

کوشش تو ہم بھی غلبہ اسلام کے لئےکر سکتے ہیں ۔ ۔ اور آغاز اپنے آپ سے کرنا پڑے گا کیوں کہ اگر ہم اپنے آپ پر اسلام نافذ نہیں کرسکتے تو پورے ملک یا دنیا میں کیسے نافذ کریں گے ۔ ۔ ۔؟ اور اپنے گھر سے آغاز یہی تو مشکل ہے ہمارے لئے

**زارا** · 09-04-11, 04:43 PM

اقتباس:

اصل مراسلہ منجانب : حیدر

اسلام ضرور غالب آئے گا لیکن اسلام کم از کم ہم سے غالب نہیں آئے گا۔ وہ کارنامہ سر انجام دینے والے ہم نہیں ہوں گے۔

اِسلام واقعی غالب آئے گا اورمانا غالب لانے والے ہم نہیں ہوں گے لیکن اِتنا ہے کہ وہ ہم سے ضرورہوں گے۔

**عبداللہ آدم** · 10-04-11, 08:42 AM

اقتباس:

اصل مراسلہ منجانب : فاروق سرورخان

عبد اللہ آدم ۔۔ اسلام وہ نظام ہے جو سب نظاموں‌ پر غالب آ کر رہے گا۔ معصوم لوگوں‌کے بہتے ہوئے خون پر بے حسی؟ یہ مسلمان کا ظرف نہیں ۔ مسلمان اتنا بے حس نہیں۔ کہ اپنے مسائل کی آڑ میں معصؤموں‌کو قتل ہوتا دیکھتا رہے اور --- شاہ کی خیر ہو۔۔۔ کا راگ الاپتا رہے ۔۔ ملاء یہ کام صدیوں‌سے کررہا ہے ۔ پرانی عادتیں دیر سے چھوٹتی ہیں۔

کن کن نظاموں پر جناب؟؟

**فاروق سرورخان** · 11-04-11, 04:23 AM

لیبیا کے حکمرانوں نے صرف اپنے ہی عوام کا خون نہں‌کیا ہے۔ ان کا دنیا بھر کی دہشت گردی میں ہاتھ ہے۔

**محمد عاصم** · 11-04-11, 01:54 PM

اقتباس:

اصل مراسلہ منجانب : فاروق سرورخان

لیبیا کے حکمرانوں نے صرف اپنے ہی عوام کا خون نہں‌کیا ہے۔ ان کا دنیا بھر کی دہشت گردی میں ہاتھ ہے۔

دنیا پھر میں صرف دو۲ ہی ملک دہشت گرد ہیں جو مسلمانوں کا قتل عام کر رہے ہیں اور وہ دہشت گرد ہیں امریکہ اور اسرائیل۔
باقی مسلمان اپنا دفاع کر رہے ہیں مگر اس دینا پر دہشت گردوں کی عارضی حکمرانی چل رہی ہے اسی لیے مظلوم کو دہشت گرد کہا جاتا ہے اور دہشت گرد کو مظلوم۔ اللہ کی لعنت ہو ایسا نامناسب فیصلہ کرنے والوں پر۔

**راجہ اکرام** · 11-04-11, 02:35 PM

اقتباس:

اصل مراسلہ منجانب : فاروق سرورخان

لیبیا کے حکمرانوں نے صرف اپنے ہی عوام کا خون نہں‌کیا ہے۔ ان کا دنیا بھر کی دہشت گردی میں ہاتھ ہے۔

دو چار کی تفصیلات اگر شیئر ہو جائیں تو سب کے لئے مفید ہو گا

09-04-11, 01:08 AM	#2
عبداللہ آدم ذیلی ناظم تاریخ شمولیت: Feb 2010 مقام: راولپنڈی مراسلات: 6,037 کمائي: 100,094 شکریہ: 24,031 4,993 مراسلہ میں 14,718 بارشکریہ ادا کیا گیا	اس کو بھی کبھی مشرف کے طلم پاکستان پر نظر ائے تھے نہ ہی اب نظر ا رہے ہیں!!! آل سلول کے یہ سب سے برے فین ہیں............... ماشاء اللہ اپنے گھر کی بات کرنا نہیں اور ادھر ادھر کوسنے اور طعنے دینا............... ایک فیشن بنتا جا رہا ہے............... Share Share this post on Digg Del.icio.us Technorati Twitter Facebook!

09-04-11, 08:56 AM	#3
فاروق سرورخان Senior Member تاریخ شمولیت: Mar 2008 مقام: US مراسلات: 3,645 کمائي: 28,550 شکریہ: 7,151 2,973 مراسلہ میں 8,779 بارشکریہ ادا کیا گیا	عبد اللہ آدم ۔۔ اسلام وہ نظام ہے جو سب نظاموں‌ پر غالب آ کر رہے گا۔ معصوم لوگوں‌کے بہتے ہوئے خون پر بے حسی؟ یہ مسلمان کا ظرف نہیں ۔ مسلمان اتنا بے حس نہیں۔ کہ اپنے مسائل کی آڑ میں معصؤموں‌کو قتل ہوتا دیکھتا رہے اور --- شاہ کی خیر ہو۔۔۔ کا راگ الاپتا رہے ۔۔ ملاء یہ کام صدیوں‌سے کررہا ہے ۔ پرانی عادتیں دیر سے چھوٹتی ہیں۔ Share Share this post on Digg Del.icio.us Technorati Twitter Facebook! __________________ فاروق سرور خان ترے ضمیر پہ جب تک نہ ہو نزول کتاب گرہ کشـا ہے نـہ رازی نـہ صـا حب کشـاف

09-04-11, 09:46 AM	#4
حیدر ناظم اعلی تاریخ شمولیت: May 2009 مراسلات: 15,401 کمائي: 96,182 شکریہ: 52,552 11,193 مراسلہ میں 35,299 بارشکریہ ادا کیا گیا	اسلام ضرور غالب آئے گا لیکن اسلام کم از کم ہم سے غالب نہیں آئے گا۔ وہ کارنامہ سر انجام دینے والے ہم نہیں ہوں گے۔ Share Share this post on Digg Del.icio.us Technorati Twitter Facebook!

11-04-11, 04:23 AM	#8
فاروق سرورخان Senior Member تاریخ شمولیت: Mar 2008 مقام: US مراسلات: 3,645 کمائي: 28,550 شکریہ: 7,151 2,973 مراسلہ میں 8,779 بارشکریہ ادا کیا گیا	لیبیا کے حکمرانوں نے صرف اپنے ہی عوام کا خون نہں‌کیا ہے۔ ان کا دنیا بھر کی دہشت گردی میں ہاتھ ہے۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)

Similar Threads
موضوع	موضوع شروع کیا	فورم	جوابات	آخری مراسلہ
ڈھیلے بال	سیپ	فیشن اور بیوٹی ٹپس	1	08-11-11 02:41 AM
آمدنی روپیہ، خرچ صفر	ارشد کمبوہ	تجاویز اور شکایات	5	15-03-11 12:38 AM
کراچی کے ساحل پر مردہ وھیل ۔۔۔!!	ARHAM	گپ شپ	1	06-07-10 11:46 AM
اندھے کو ایک روپیہ	champion_pakistani	قہقہے ہی قہقے	1	11-09-09 09:22 AM
کاغذی روپیہ	چاچا کمال	پطرس بخاری	0	16-06-07 01:12 PM