شمشاد احمد

طالبان کا کہنا ہے کہ افغانستان میں جنگ کے خاتمے کے مغربی عزائم کے تحت طالبان کا ایک سیاسی دفتر ممکنہ طور پر قطر میں کھولنے پر اتفاق ہو گیا ہے۔

تاہم یہ واضح نہیں کہ اس جنگ میں کامیابی کا دعویٰ کرنے والے شدت پسند کسی بامعنی مذاکرات میں حصہ لینے کے لیے تیار ہیں یا نہیں اور کیا ان حالات میں جب طالبان جنگجوؤں کے خلاف کارروائیاں جاری ہیں یہ مذاکرات کامیاب ہو بھی سکتے ہیں یا نہیں۔

جاری کردہ بیان میں طالبان کا کہنا ہے کہ افغانستان کا موجودہ مسئلہ دو ہزار ایک میں امریکی حملے کے بعد شروع ہوا اور اس میں دو فریق ملوث تھے اسلامی امارتِ افغانستان (طالبان) اور دوسری جانب امریکہ اور اس کے اتحادی۔

بیان میں کہا گیا کہ طالبان اپنے حریفوں سے بات چیت کے ذریعے مسائل حل کرنے میں یقین رکھتے ہیں اور بیرونی قوتیں افغانوں سے طاقت کے زور پر اپنی بات کبھی نہیں منوا سکتے۔ بیان میں سیاسی دفتر کے قیام کا مقصد بین الاقوامی سطح پر طالبان کے مؤقف کی بہتر تفہیم قرار دیا گیا ہے۔

بیان میں گوانتاناموبے کی جیل میں زیرِ حراست قیدیوں کی رہائی کا مطالبہ بھی کیا گیا ہے۔ بیان میں مذاکرات کے حوالے سے مغربی میڈیا میں چھپنے والی خبروں کی بھی تردید کی گئی ہے۔

اس اقدام کی افغان صدر حامد کرزئی محتاط حمایت کرتے رہے ہیں۔

کچھ لوگوں کا خیال ہے کہ طالبان کے دفتر کا قیام اس دس سالہ جنگ کے خاتمے کے لیے اہم قدم ہے۔ لیکن ماضی میں طالبان کے ترجمانوں کی تصدیق کرنا ایک مسئلہ رہا ہے۔

امریکہ اور جرمنی بھی اس طرز کی طالبان نمائندگی کی کوشش کرتے رہے ہیں تاکہ مذاکرات شروع کیے جا سکیں۔

بي بي سي

حسن قادری

ضرورت پڑ گی ،،،،،،،،،،،،،،،،،،،،،،،،، ،،،

شمشاد احمد

ماں مر گئي تو ضرورت پڑي گئي۔۔۔اور ضرورت ايجاد كي ماں ہے۔

ويسے قادري صاحب اس ايجاد كي ماں پر ايك آپ كا بہترين سا كالم ہونا چاہے۔

مرزا عامر

اور وہ دفتر پاکستان کے علاوہ کہیں اور نہیں کھل سکتا

راجہ اکرام

دفتر تو قطر میں کھل چکا ہے اور فیملیز بھی شفٹ ہو رہی ہیں

پہلے طالبان کہتے رہے کہ اسامہ کا فری ٹرائل کر لیتے ہیں سادی من جاؤ، تب وہ بد مست ہاتھی کی طرح چڑھ دوڑا ۔ اب لتر کھانے کے بعد آ گیا اونٹ پہاڑ کے نیچے، اب سب کچھ خود ہی کر رہا ہے

__________________
محتاج اصلاح و دعا

حیدر

یار امریکہ کو یوں مت کہو۔۔۔۔ میرا دل دُکھتا ہے

مرزا عامر

جی وہ دفتر شاید دکھانے کا ہے ۔ کیونکہ الجزیرہ کو خبیرں با آسانی پہنچائی جا سکتی ہیں۔ یہ دفتر صرف خبروں کی حد تک اور کچھ انفارمیشن کی حد تک ہی کام کرے گا۔
ہئڈ آفس پاکستان ہی ہوگا جو یا تو خفیہ طور پر کام کرے گا یا پھر ظاہر طور پر۔
قطر اور طالبان کہیں سے کوئی جوڑ بنتا ہی نہیں ہے ۔

__________________

میں اک دن لَوٹ کے آوں گا