ریکو ڈک بلوچستان کے چاغی ضلع کا ایک چھوٹا کا قصبہ ہے جہاں دنیا کے سونے اور تانبے کے بہت بڑے ذخائر موجود ہیں۔ ایک اندازے کے مطابق یہاں‌ 12 اعشاریہ تین ملین ٹن تانبہ اور 20 اعشاریہ 9 ملین اونس سونا موجود ہے۔ ذرائع کا ماننا ہے کہ ریکو ڈک میں‌ موجود ذخائر کی تعداد ایران کے علاقے سرچشمہ اور چلی کے کے علاقے ایسکونڈیڈا سے بھی کہیں زیادہ ہوسکتی ہے۔ مختلف ذرائع سے سامنے آنے والی رپورٹس سے معلوم ہوا ہے کہ شاید 65 ارب ڈالر کے یہ ذخائر محض 21 ارب ڈالر کےعوض آسٹریلیا کی ٹیتھون کاپر کمپنی کو فروخت کردیئے گئے ہیں۔ اس ہی کارپوریشن نے یہاں کان کنی کرنے کا ٹھیکہ حاصل کیا ہے۔ کہا جا رہا ہے کہ ریکو ڈک کے یہ سونے اور تانبے کے ذخائر کینیڈا کی بیرک گولڈ کارپوریشن اور چلی کی اینٹو فوگسٹا کمپنی کے پاس مشترکہ ملکیت ہے۔

ریکو ڈک کے ذخائر کو نکالنے کا 75 فیصد کام آسٹریلوی ٹیتھون کمپنی جبکہ 25 فیصد کام بلوچستان ڈویلپمنٹ اتھارٹی کرے گی۔ یہاں‌ یہ بات واضح‌ کردی جائے کہ مذکورہ آسٹریلوی کمپنی بھی کینیڈا اور چلی کی مذکورہ بالا کمپنیوں کی ملکیت ہے۔

اس وقت ان ذخائر کو نکالنے کے حوالے سے فزیبلٹی رپورٹ تیار کی جا رہی ہے۔ یہ سونے اور تانبے کا ایک ورلڈ کلاس ذخیرہ ہے جسے یہودیوں کی زیر قیادت کمپنیوں نے حکومت پاکستان سے ایک آمر کے ذریعے صرف 21 ارب ڈالر میں‌ خریدا ہے۔ یہ صرف اندازے کی بات ہے کہ ان ذخائر میں 65 ارب ڈالر کا سونا اور تانبہ موجود ہے۔ قوی امکان ہے کہ ذخائر کی مالیت اس سے بھی زیادہ ہے۔