ممبئی دھما کوں کی آڑ میں اقوام متحدہ کی سلامتی کونسل نے جس پھرتی سے فلاحی تنظیم جماعت الدعوہ کے تین سر کردہ را ہنماؤں کو دہشت گرد قرار دے کر ان کی جماعت کی سر گرمیوں پر پابندی عائد کی ہے ۔اور ان میں اشرف نامی ایک ایسا شخص بھی شامل ہے جو انتقال کر چکا ہے ۔ یہ ثابت کرنے کے لئے کافی ہے ۔کہ نائن الیون کے بعد امریکہ کسی اور نائن الیون کی آڑ میں عراق اور افغانستان میں آگ اور خون کی ہولی کھیلنے کے بعد پاکستان کو شکنجے میں جکڑنے کے لیئے جس موقع کی انتظار میں تھا ۔وہ ممبئی دھماکوں نے اسے فراہم کر دیا ہے ۔جسے کیش کرانے میں امریکہ اور اس کے منصوبہ سازوں نے زرا دیر نہیں لگائی ۔اور بھارت سے ہمدردی جتا کر بڑی چالاکی اور مہارت سے گیم اپنے ہاتھ میں لے لی ہے ۔اور اس ڈرامہ کو سٹیج کرنے والوں کی توقعات کے عین مطابق نتائج برآمد ہورہے ہیں ۔جب کہ ادھر پاکستان کے حکمرانوں نے حسب سابق وفاداری دیکھاتے ہوئے اقوام متحدہ کے پرٹوکول 1267کی پاسداری کی آڑ میںجماعت الدعوہ کے ملک بھر میں نہ صرف دفاتر سیل کرکے ان کے کارکنوں اور عہدہداروں کو گرفتار کرلیا ہے بلکہ اس ادارہ کے زیر اہتمام چلنے والے ہسپتال اور ریلیف کیمپ بھی بند کر دیئے ہیں ۔اور ساتھ ہی ہمارے غیور وزیر دفاع کا بیان آیا ہے کہ اگر ہم ایسا نہ کرتے تو اقوام متحدہ پاکستان کودہشت گرد ملک قرار دے کر پابندیاں لگا دیتا ۔ہم دشمنوں سے تو لڑ سکتے ہیں لیکن پوری دنیاکی طرف سے پابندیوں کا سامنا نہیں کرسکتے ۔جب کہ امریکی وزیر خارجہ کنڈولیزا رائس کا نیا فرمان آیا ہے کہ پاکستان کو ممبئی حملوں کے پیش نظر بھر پور کاروائی کرنا ہوگی ۔موجودہ صورت حال خطر ناک ہے غیر ریاستی عناصر نے حملے کیلئے پاکستانی سر زمین استعمال کی جس پر ہمیں تشویش ہے ۔حالاں کہ پاکستان کے وزیر خارجہ شاہ محمود قریشی نے ایک بار پھر واضح کیا ہے کہ ٹھوس شواہد اور معلومات کے بغیر ممبئی حملوں کی تحقیقات میں پیش رفت مشکل ہے پاکستان کی پیش کش کے باوجود بھارت نے کوئی ثبوت فراہم نہیں کیئے اوروہ خود دہشت گردی کا شکار ملک ہے ۔سوال یہ پیدا ہوتا ہے اقوام متحدہ نے یہ تیزی کیو ںدکھائی حالاںکہ بھارت نے ابھی تک کوئی ثبوت بھی فراہم نہیں کیئے ۔جب کہ مالیگاؤں اور سمجھوتہ ایکسپریس سمیت دیگر بم دھماکوں کا اعتراف کرنے والے بھارتی ہندو فوجی کرنل، شیو شینا سمیت کسی ہندو دہشت گرد تنظیم پر ایسی پابندی نہیں لگائی گئی حا لانکہ دہشت گردوں کا تو کوئی مذہب نہیں ہوتا ۔اور پھر جماعت لدعوہ کے سربراہ یہ اعلان کرچکے ہیں کہ ان کا کبھی بھی القاعدہ یا طالبان سے کوئی تعلق نہیں رہا اور نہ ہی وہ کبھی ان تنظیموں کے عہدیدار رہے ہیں ۔جب کہ ہندو انتہا پسند تنظیم نے تو کھلے بندوں یہ اعلان کر دیا ہے کہ وہ پاکستان کے اندر خود کش کاروائیاں کرنے کے لیئے خوکش بمبار تیار کر کے بھیج رپے ہیں ۔اور سربجیت سنگھ جس نے چار بم دھماکو کا اعتراف بھی کیا ہے اور پاکستان کی جیل میں ہے اس کے اس اعتراف کو بنیاد بنا کر کسی ہندو تنظیم کو کیوں نہ دہشت گرد قرار دیا گیا ۔کیا ا قوام متحدہ کوصرف مسلمان ہی دہشت گرد نظر آتے ہیں ۔بھارت کو یہ کیو ںنہ پوچھا جائے کہ اس کے چھبیس کونسل خانے افغانستان میں کیو ںقائم ہیں ۔سوات اور قبائلی علاقوں میں بھارت کی خفیہ ایجنسی رقم فراہم کرنے کے ساتھ ساتھ اس کے اہلکار مسلمانوں کے بھیس میں جو شورش بر پاکیے ہوئے ہیں اقوام متحدہ اس کے متعلق استسفار کیوں نہیں کرتی ۔میریٹ ہوٹل کے سانحے پر کیوں عالمی ضمیر سویا ہوا ہے ،بے نظیر کی شہادت کس کے کھاتے میں جائے گی ۔چینی انجئینروں کا اغوا اور قتل کس کے ہاتھ تلاش کیا جائے یہاں ثبوت بھی موجود ہیں ۔ اس لئے پاکستان کو یہ مطالبہ کر دینا چائیے کہ بھارتی فوج کے کرنل سمیت وہ تمام دہشت گرد پاکستان کے حوالے کئے جائیں جو پاکستان میں ہونے والی دہشت گردی کی کاروائیوں میں ملوث ہیں ۔ کیاسلامتی کو نسل نے صرف یہود وہنود کی سلامتی کا ٹھیکا اٹھایا ہوا ہے ۔؟کیا فلسطین ،کشمیر ،افغانستان ،اور عراق میں انسانیت کی تزلیل نہیں کی جارہی؟ اب تک ہزاروں افراد امریکہ اور اس کے اتحادیوںکی بمباری کا شکار ہوچکے ہیں اور یہ تعداد نائن الیون سے کہیں زیادہ ہے ۔جو خود ان بھیڑیوںنے اسٹیج کیا تھا ۔ صدر بش کے اس اعتراف شرمندگی کے بعد کہ عراق پر حملہ غلط معلومات پر کیا گیا جس کا انھیں افسوس ہے ۔عالمی انصاف اور امن کے ٹھیکداروں کو حرکت میں آنا چائیے ۔اور بش سمیت ان کرداروں سے پوچھنا چائیے کہ ان ہزاروں معصوم بچوں اور عورتوں کے ساتھ کھیلے جانے والی ہولی کا ازالہ ہے ان کے پاس جو ان کی غلط معلومات کی بھینٹ چڑ گئے ۔اس قتل غارت گری کا حساب لیتے ہوئے پہلے اقوام متحدہ بش اور اس کے حواریوں کو دہشت گرد قرار دے کر انھیں عالمی انصاف کے کہٹرے میں لائے ۔اور بحثیت ریاست اب امریکہ کو اس جانی اور مالی نقصان کا ازالہ کرنا چائیے ۔ اور جب تک یہ نہیں ہوجاتا امریکہ اور اس کے حواریوں کی کسی انٹیلی جنٹ معلومات پر اعتبار کرتے ہوئے اسے کسی بھی ملک یا قوم کے خلاف کاروائی کا حق اقوام متحدہ کی طرف سے دیا جانا یاکسی تنظیم اور ملک پر پابندی لگانا ، صریحا انصاف کی خلاف ورزی ہوگی ۔اب یہ ممبر ممالک خصوصا مسلمان ممالک کا یہ فرض بنتا ہے کہ وہ ایسے کسی بھی یکطرفہ پروٹو کول کی پابندی سے انکار کرتے ہوئے یہ شرط عائد کردیں ۔کہ پہلے امریکہ کے خلاف کاروائی کی جائے ۔اس انکشاف کے بعد تو افغانستان میں بھی امریکہ اور اس کے اتحادیوں کی آمد مشکوک ہوگئی ہے ۔جو ایجنسیاں عراق میں غلط معلومات فراہم کرکے معصوم جانوں کے ضیاع کا سبب بن سکتی ہیں ۔ان کی غلط معلومات افغانستان اور اب پاکستان کے قبائلی علاقوں میں معصوم لوگوں پر ببمباری کا سبب بنی ہوئی ہیں ۔اور القاعدہ کے نام پر بے گناہ لوگوں کو قتل کیا جارہا ہے ۔اس سفید جھوٹ کے کھل جانے کے بعد یقینا امریکی عوام سوال کرسکتے ہیں کہ ان کو بھوک اور افلاس اور بے روزگاری تک لے آنے کے اس بش فلسفہ کا کیاہوگا ۔ کیوںکہ ظلم جب بڑھتا ہے تو مٹ جاتا ہے ،۔ بس یہ اندھیری شب بھی بہت دیر تک قائم نہیں رہے گی ۔عالمی سطح پر آیا ہوا مالی بحران اسی سلسلہ کی ایک کڑی ہے ۔راقم پہلے بھی اپنے کالموں میں یہ کہنے کی جسارت کر چکا ہے ۔کہ عالمی سامراجی ٹولے کی الٹی گنتی شروع ہوچکی ہے ۔آئی ایم ایف کی تازہ رپورٹ کے مطابق یہ بحران اگلے سال اور شدت اختیار کرے گا ۔جب کہ چین نے بھی یہ کہہ دیا ہے کہ اسے اب آئی ایم ایف کے بیل آؤٹ پروگراموں میںدلچسبی نہیں رہی ۔امریکہ بھارت کو جس طرح پروموٹ کرنے کی پالیسی پر گامزن ہے اس سے اندازہ لگانا قطعی مشکل نہیں کہ وہ پاکستان کو اس حد تک مجبور کردینا چاہتا ہے کہ وہ بھارت کے ساتھ آنکھ ملا کر بات کرنے کے بجائے اس کی ہاںمیں ہاں ملاتا جائے ۔تاکہ امریکہ بھارت سے وہ کام لے سکے جس کے لیئے اسے تیار کیا جارہا ہے ۔ یعنی چین سے پنجہ آزمائی ۔جس کا چین کو بخوبی اندازہ ہے ۔امریکہ بھارت سے اسی کردار کا متمنی ہے جو روس کو تباہ کرنے کے لیئے پاکستان سے ادا کروایا گیا ۔اور خوب امداد اور ہر سطح پر تعاون کے دروازے کھول دیئے گئے تھے ۔بین ہی آج بھارت پر اسی طرح کی نوازشات کی جارہی ہیں سول ایٹمی ٹیکنالوجی معاہدہ اسی سلسلہ کی کڑی ہے ۔ اور بھارت پاکستان کا بہانہ بنا کر امریکہ سے مفادات اکھٹے کرنے کی پالیسی پر گامزن ہے ۔اور بھارت خود کو امریکہ ثانی سمجھنے لگا ہے ۔اسی لئے تو وہ بھی ڈو مور ‘‘ کی پریکٹس کر رہا ہے ۔کیا امریکہ ہندو بنیاسے اپنے مفادات کا حصول کر پائے گا ۔ یا ہندو بنیا اسے بھی مات کر جائے گا ۔جیسے اس نے روس کے ساتھ کیا ہے ۔اس کا فیصلہ آنے والا وقت کرے گا ۔۔۔۔۔۔فی الحال تو سلامتی کونسل کی پھرتیاں دیکھو!۔