کچھ دوستوں نے سوال کیا ہے کے "طالبان کی شریعت کیا ہے اور طالبان کا مسلک کیا ہے، کیا طالبان دوسرے مسلکوں کو برداشت کرتے ہیں، اختلافی مسائل کا نفاذ کیسے ہو گا؟"

تو صاحبوں پہلی عرض تو یہ ہے کے اس معاہدے میں شامل ایک شق سے مسلکی پریشانی تو ویسے ہی دور ہوجانی چاہئے
" نظامِ عدل میں فیصلہ'درخواست گزار کے مسلک کے مطابق ہو گا۔"
ابھی شش و پنج میں تھا کے اس موضوع پر اور کیا لکھوں کے ایک خبر نظر آگئی پڑھا تو اندازہ ہوا کے بہت سے سوالوں کا جواب تو اسی خبر میں ہے

اسی لئے یہ خبر ہی پیش کردی

ملک بھر کے مختلف مکاتب فکر کے جید علماء نے ”نظام عدل“ کی حمایت کردی
ملک بھر کے مختلف مکاتب فکر کے جید علماء و مفتیان کر ام نے کہا ہے کہ سوات میں امن معاہدہ، نظام عدل ریگولیشن کی پارلیمنٹ سے منظوری اور صدر مملکت کا اس پر دستخط کر نا درست سمت میں قابل تعریف اقدام ہے۔ یہ مقام شکر ہے کہ سوات کی بدامنی ختم ہوئی اور وہاں عو امی مطالبہ پورا کردیا تاہم تشدد کی اس لہر کا ہمیشہ کیلئے سنجیدگی سے خاتمہ کر نا ہے تو حکومت ملک بھر میں پرامن اور سنجیدہ ذر ائع سے ازخود نفاذ شریعت کا باوقار اہتمام کرے اور اپنے عمل سے عو ام کے اس تاثر کا خاتمہ کرے کہ نفاذ شریعت کا مطالبہ اسلحہ اٹھائے بغیر پورا نہیں ہوسکتا۔مہتمم جامعہ فاروقیہ شاہ فیصل کالونی کرا چی مولانا سلیم اللہ خان، صدررابطہ المدارس اسلامیہ پاکستان مولانا عبدالمالک، ناظم اعلیٰ وفاق المدارس السلفیہ پاکستان میاں نعیم ا لرحمن، صد ر وفاق المدارس الشیعہ پاکستان سید حافظ ریاض حسین نجفی، مہتمم جامعہ العلوم الاسلامیہ علامہ بنوری ٹا ؤ ن ڈاکٹر عبدالرزاق اسکندر، صدر جامعہ دارا لعلوم کر اچی مفتی محمد رفیع عثمانی، نائب صدر جامعہ دارالعلوم کراچی مفتی محمد تقی عثمانی، جامعہ دارالعلوم کراچی مفتی عزیز الرحمن، نائب مفتی جامعہ دارالعلوم کر اچی مفتی عبدالرؤف، ناظم اعلیٰ رابطہ المدارس الاسلامیہ پا کستان ڈاکٹر عطاء الرحمن، مہتمم جامعہ خیرالمدارس ملتان قاری حنیف جالندھری، نائب مفتی جامعہ دارالعلوم کرا چی مفتی محمود اشرف، صد ر جامعہ امدادیہ اسلامیہ فیصل آباد مفتی محمد طیب، نائب صدر جامعہ امدادیہ اسلامیہ فیصل آباد مفتی زاہد، جامعہ سلفیہ فیصل آباد مولانا محمد یونس بٹ، اہل حدیث رہنما مولانا محمد یو سف انور، سابق صوبائی وزیر سرحد مو لانا قاری روح اللہ مدنی، ناظم اطلاعات و نشریات وفاق المد ارس السلفیہ مولانا محمد یاسین اور نائب صدر وفاق المدارس الشیعہ پاکستان قاضی نیاز حسین نقوی کی تائید سے جاری کیے گئے بیان میں کہا گیا ہے کہ اگرچہ معا ہدے اور ریگولیشن کی عملی تفصیلات سامنے آنے تک اس کے بارے میں کوئی ذ مہ دارانہ تبصرہ قبل از وقت ہوگا تاہم ہم اس اقدام کا خیرمقدم اور اس بات پر افسوس کا اظہار کرتے ہیں کہ یہ اقدام اس وقت اٹھایا گیا جب یہ خطہ عرصہ دراز تک بدامنی اور خونریزی کی آماجگاہ بنا رہا جس میں برادران ملت کی سیکڑوں جانیں گئیں اور علاقے کے لوگ بدامنی کا شکار رہے۔ یہ ملک اسلام کے نام پر بنا تھا اور اس کے دستور میں بھی قانونی و عدالتی نظام کو اسلام کے سانچے میں ڈھالنے کی ذمہ داری حکومت پر عائد کی گئی ہے لہٰذا کسی ایک خطے میں نہیں بلکہ پورے ملک میں نفاذ شریعت کا مطالبہ بالکل فطری اور منصفانہ ہے۔ حکومت پاکستان کا یہ فرض تھا کہ و ہ پر امن اور سنجیدہ ماحول میں نفاذ شریعت کا سچے دل سے اس طرح اہتمام کرتی کہ اس سے ملک کے باشندوں کو اسلام کا عطا کیا ہوا نظام عدل کسی دشواری کے بغیر حاصل ہوتا لیکن چو نکہ حکو متوں نے ہمیشہ اس با رے میں مجرمانہ غفلت سے کام لیا اور اس کے با رے میں جو پرامن، سنجیدہ اور افہام و تفہیم پر مبنی مطالبات کیے گئے انہیں کبھی خا طر میں نہیں لائیں، اس لئے لوگ اس بات سے مایوس ہونے لگے ہیں کہ اس ملک میں پرامن ذرا ئع سے نفاذ شریعت کا مقصد حاصل کیا جاسکتا ہے۔ اس مایوسی نے عو ام میں جھنجھلاہٹ پیدا کی اور حکومت نے اپنے عمل سے یہ باور کر ایا کہ کوئی مطالبہ اس وقت تک قابل سماعت نہیں جب تک وہ اپنے ساتھ تشدد کی لہر لیکر نہ آئے۔ اس صورتحال سے بہت سے ملک دشمنوں نے بھی فائدہ اٹھایا اور جگہ جگہ بدامنی کا ماحول پیدا کرکے ملک کی بقا کو خطرے میں ڈال دیا۔ بیان میں مزید کہا گیا ہے کہ اگر حکومت نے ملک کے اصل مقصد، اپنے دینی ا ور ملی فریضے اور خود دستور پاکستان کے مطابق ملک میں نفاذ شریعت کی طرف ازخود پیش قدمی کی اور سچے دل سے یہاں نفاذ اسلام کا عمل تیز کردیا تو تشدد کے یہ اقدامات انشاء اللہ خود بخود ختم ہوجائیں گے۔

روزنامہ جنگ
17 اپریل