1۔ ایک نامی گرامی بدمعاش جیل سے نکلا تو صحافیوں نے اس سے پوچھا کہ کیا آپ سیاست میں آئیں گے؟ تو بدمعاش نے جواب دیا کہ نہیں میرا ضمیر ابھی مرا نہیں
2۔ کٹی پہاڑی کے پاس ایک کتا ہڈی چبا رہا تھا کہ اچانک فائرنگ شروع ہوگئی تو کتے نے اپنی جان بچانے کے لئے بھاگنا شروع کردیا اور بھاگتے بھاگتے دوسرے کتے سے کہا کہ بھاگ ورنہ انسان کی موت مارا جائے گا۔
3۔ جو قوم اشاروں پر کھڑی نہیں ہوسکتی وہ اپنے پیروں پر کیسے کھڑی ہوگی؟
4۔ ایک شخص بس سٹاپ پر کھڑے کیلے کھارہا تھا اور کیلے کے چھلکے زمین پر بھینک رہا تھا اور ایک گندگی کے ڈھیر کو دیکھ کر اپنے ساتھی سے کہنے لگا کہ حکومت کو صفائی کی ذرا بھی پروا نہیں۔ کچھ دیر بعد بس آئی تو وہ بس میں سوار ہونے کے لئے بھاگا لیکن اپنے ہی پھینکے گئے کیلے کے چھلکوں پر اس کا پیر پھسلا اور بس کے نیچے کچل کر مارا گیا۔
5۔ واپڈ کے ایک دفتر میں ایک کلرک بیٹھا اخبار پڑھ رہا تھا اچانک ایک سائل حاضر ہوا اور اس سے نیا میٹر لگوانے کی پیش کی۔ کلرک نے عرضی دیکھی اور اس سے 1000 روپیہ رشوت طلب کیا۔ سائل نے جیب میں ہاتھ ڈالا اور ہزار روپیہ بطور رشوت دیدیا۔ کلرک کی نظر اچانک اخبار کی ایک سرخی پر پڑی جس کی خبر تھی کہ
این آئی سی ایل سکینڈل میں دبئی کے ایک سابق نایٹ کلب کا مینجر ایاز خان نیازی، وزیر اعظم کا بیٹا عبدالقادر گیلانی، سابق وزیراعلٰٰی پنجاب پرویز الہی کا بیٹا مونس الٰہی، سابق وفاقی وزیر کا بیٹا محسن وڑائچ اور وزیر تجارت مخدوم امین فہیم ملوث ہیں۔
اس کلرک نے یہ خبر پڑھی اور درخواست گزار سے کہنے لگا کہ کرپشن نے تو اس ملک کو تباہ کرکے رکھ دیا ہے ایسے لوگوں کو لائن میں کھڑا کرکے گولی ماردینی چاہئے۔ درخواست گزار نے اس کی تائید کی۔
6۔ڈینگی مرض سے جاں بحق ہونیوالے شخص کی لاش ورثاء کے حوالے کرنے کے لئے ڈاکٹروں کی 1800 روپے رشوت طلب۔اس شخص کی والدہ نے سود پر قرضہ لیکر رشوت کی رقم ادا کی۔

باقی آئندہ

__________________
حکمران کے محبوب ہونے اور فرعون بننے میں رویے کا فرق ہے۔